IP: 116.*.*.* India

நாடாளுமன்ற உறுப்பினர்கள் - நாடாளும் முதல்வர் பெயர்கள் என்னவோ ஜெய ஜெயா என்று இருக்கிறது, ஆனால் நமதூர் ரயில் நிலையத்தின் மீது அவர்களுக்கு இருக்கும் அக்கறை என்னவோ அய்யோ அய்யோ என்ற பரிதாபத்தில்தான் இருக்கிறது.

அம்மா கைகாட்டும் நபர் ஆட்சியில் அமரவில்லை. அம்மாவே ஆட்சியில் அமர்வார்கள் என்ற கனவும் பொய்த்து போனது. யாருடைய தயவும் எங்களுக்கு தேவை இல்லை என்று விஸ்வரூபம் எடுத்து நிற்கும் இந்த ஆட்சியில் நமது கோரிக்கைகள் நிறைவேறும் என்ற நம்பிக்கை யாருக்கும் இல்லை.

கடந்த ஆட்சியில் 13 அமைச்சர்கள் வேட்டி கட்டிய தமிழர்கள் ஆட்சியில் முக்கிய பதவிகளை தங்கள் கைவசம் வைத்துக் கொண்டு இருந்தபோதே இந்த தமிழகம் இருண்டு கிடந்தது, காயல்பட்டினம் ரயில் நிலையம் இருளில் மூழ்கி இருந்தது, இப்போதா விழித்துக் கொள்ளப் போகிறது...

ஹூம், ஜெயசிங் அவர்களும் ஜெயலலிதா ஆபிதா அவர்களும் 2016இல் மீண்டும் ஒரு தேர்தல் இருக்கிறது என்று மத்திய அரசிடம் நினைவூட்டி நமதூர் ரயில் நிலைய தேவைகளை நிறைவேற்றி தர ஆவன செய்வார்கள் என்று நம்புவோமாக - நம்பிக்கைதானே வாழ்க்கை. மற்றப்படி ரயில் நிறுத்த போராட்டம், சிறை நிரப்பு போராட்டம் என்பதெல்லாம் வெறும் கண்கட்டி வித்தைதான்.அரசியல் அஸ்திரங்கள்தான்.

IP: 116.*.*.* India

சமீபத்தில் மே மாதம் நான் ஊருக்கு வரும்போது செந்தூர் எக்ஸ்ப்ரஸில் எஸ் 3 -இல் பயணம் செய்து காயல்பட்டணம் இரயில் நிலையத்தில் இறங்கினேன். எஞ்சினுக்கு மிக அருகில் எனது கோச் இருந்ததால் இறங்கும் போது பிளேட்ஃபார்ம் இல்லாத இடத்தில் கருங்கல் குவிக்கப்பட்ட பரப்பில் நான் இறங்க வேண்டியதாக இருந்ததால் என் கால் சுளுக்கி கீழே விழுந்து எழுந்ததை எஞ்சின் டிரைவர் கூட பரிதாபமாகப் பார்த்தார். அதன் வலி பத்து நாட்களுக்கும் மேலாக எனக்கு இருந்து கொண்டே இருந்தது.

ஆனால் அதுக்கும் மேலாக இன்னொரு பாட்டி அடுத்த கோச்சில் இருந்து இறங்க கீழிருந்து ஒருவரும் வண்டியில் இருந்து இருவரும் கைத்தாங்கலாக பொறுமையுடன் இறக்கி விட வண்டி புறப்பட்டு விடுமோ என பயந்து கொண்டே அந்த மூதாட்டி இறங்குவதைப் பார்க்க மிகவும் வேதனையாக இருந்தது.

இவ்விஷயத்தில் நமதூர் முஸ்லிம் லீக் கட்சியினர் பற்பல முயற்சிகளை மேற்கொண்டு வந்த போதிலும் ஏன் இன்னும் ஒரு முறையான பிளேட்ஃபார்ம் நமக்கு கிடைத்த பாடில்லை என நினைக்கும் போது ஒரு புரியாத புதிராகவே உள்ளது.

சென்ற வார இறுதியில் நான் பொதிகை எக்ஸ்ப்ரஸில் புளியங்குடி சென்றபோது சின்னஞ்சிறு ஊர்களிலெல்லாம் பிளேட்ஃபார்ம் இருப்பதை கண்டேன். இதே பிளேட்ஃபாரத்தை நமதூரில் மட்டும் அமைப்பதற்கு அதிகாரிகளுக்கும் ஆட்சியாளர்களுக்கும் ஏன் தான் மனமில்லையோ.

இன்னும் பலரது கால்கள் பழுதாகு முன்னரும் முதியோர்களும் ஐம்பது வயதுக்கு மேற்பட்டோரும் பெண்கள் குழந்தைகளும் குலை நடுங்க இறங்குவதை இனிமேலும் தவிர்த்திடவும் இம்மனுவைப் பெற்றுக்கொண்ட பாராளுமன்ற உறுப்பினர் உதவுவாரானால் காயல்பட்டணத்து மக்களின் மனங்களில் நீங்காது இடம்பிடிப்பார் என்பதில் எள்ளளவும் சந்தேகம் இல்லை.

விரைவில் நல்லது நடக்க வல்லோன் அல்லாஹ்வை பிரார்த்திக்கிறோம்.