ரமழான் மாதம் 17ஆம் நாளில் பத்ருப் போர் நடைபெற்றதை நினைவுகூரும் வகையில் பத்ரு ஸஹாபாக்கள் நினைவு நாள் சிறப்பு நிகழ்ச்சிகள் ஆண்டுதோறும் காயல்பட்டினம் காதிரிய்யா கொடிமர சிறுநெய்னார் பள்ளியில் நடத்தப்பட்டு வருகிறது.

இவ்வாண்டு பத்ரு ஸஹாபாக்கள் நினைவு நாளையொட்டி நேற்றிரவு (ஜூலை 15 - செவ்வாய்க்கிழமை) 11.30 மணிக்கு, காதிரிய்யா கொடிமர சிறுநெய்னார் பள்ளியில் சிறப்பு நிகழ்ச்சி நடைபெற்றது.

பள்ளியின் இமாம் ஹாஃபிழ் வி.எஸ்.முஹம்மத் அப்துல் காதிர் தலைமையில் நடைபெற்ற இந்நிகழ்ச்சியில், காயல்பட்டினம் அல்ஜாமிஉல் கபீர் - பெரிய குத்பா பள்ளியின் கத்தீபும், முஅஸ்கர் மகளிர் அரபிக் கல்லூரிகளின் நிறுவனருமான மவ்லவீ ஹாஃபிழ் எச்.ஏ.அஹ்மத் அப்துல் காதிர் மஹ்ழரீ பத்ரு போர்க்கள சரித்திரத்தை உள்ளடக்கி சிறப்புரையாற்றியதோடு, துஆ பிரார்த்தனையும் செய்தார்.





மவ்லவீ எம்.இசட்.அப்துல் காதிர் மஸ்லஹீ வழிநடத்தலில், பத்ரு ஸஹாபாக்கள் திருநாமம் படிக்கப்பட்டது.

நிகழ்ச்சிகளனைத்திலும், காதிரிய்யா கொடிமர சிறுநெய்னார் பள்ளி மஹல்லா ஜமாஅத்தினர் உள்ளிட்ட பொதுமக்கள் திரளாகக் கலந்துகொண்டனர்.

இந்நிகழ்ச்சி தவிர, நகரின் பல பள்ளிவாசல்கள், பெண்கள் தைக்காக்கள் மற்றும் இல்லங்களிலும் பத்ரு ஸஹாபாக்கள் புகழ்பாடும் அமர்வுகள் நடைபெற்றன.

தகவல் & படங்கள்:
J.M.அப்துர்ரஹீம் காதிரீ

கடந்தாண்டு (ஹிஜ்ரீ 1434) காதிரிய்யா கொடிமர சிறுநெய்னார் பள்ளியில் நடத்தப்பட்ட பத்ரு ஸஹாபா நினைவு நாள் நிகழ்ச்சி குறித்த செய்தியைக் காண இங்கே சொடுக்குக!

காதிரிய்யா கொடிமர சிறுநெய்னார் பள்ளி தொடர்பான முந்தைய செய்தியைக் காண இங்கே சொடுக்குக!