{ முகநூல் கருத்துக்கள்}{ட்விட்டர் கருத்துக்கள்}

தாய்லாந்து நாட்டில் இம்மாதம் 28ஆம் நாள் திங்கட்கிழமையன்று ஈதுல் ஃபித்ர் - நோன்புப் பெருநாள் கொண்டாடப்பட்டது. பெருநாளை முன்னிட்டு தாய்லாந்து தலைநகர் பாங்காக்கிலுள்ள சன் மூன் ஸ்டார் இல்லத்தில் இம்மாதம் 27ஆம் நாள் ஞாயிற்றுக்கிழமையன்று 22.00 மணியளவில், காயலர்கள் பங்கேற்ற திக்ர் மஜ்லிஸ் நடைபெற்றது.







பெருநாளன்று காலை 09.15 மணிக்கு, பாங்காக் மஸ்ஜிதில் நோன்புப் பெருநாள் தொழுகை கூட்டாக நடத்தப்பட்டது. சுமார் 1500 ஆண்-பெண்கள் இத்தொழுகையில் கலந்துகொண்டனர். தொழுகை நிறைவுற்றதும் காயலர்கள் உட்பட தமிழகத்தின் அனைத்துப் பகுதிகளைச் சார்ந்த பொதுமக்கள் ஒன்றுகூடி தமக்கிடையில் மகிழ்ச்சியைப் பரிமாறிக்கொண்டனர்.









பின்னர். காயலர்களின் சிறப்பு ஒன்றுகூடல் நடைபெற்றது. பாங்காக் தமிழ் முஸ்லிம் சங்க அங்கத்தினரும் இந்த ஒன்றுகூடலில் இணைந்து வாழ்த்துக்களைத் தெரிவித்தனர்.

அனைவருக்கும், பாங்காக் தமிழ் முஸ்லிம் சங்கத்தின் சார்பில் பெருநாள் விருந்தளித்து உபசரிக்கப்பட்டது.





தகவல் & படங்கள்:
கம்பல்பக்ஷ் அஹ்மத் இர்ஃபான்,
பாங்காக், தாய்லாந்து.

கடந்தாண்டு (ஹிஜ்ரீ 1434) தாய்லாந்து காயலர்களின் பெருநாள் ஒன்றுகூடல் குறித்த செய்தியைக் காண இங்கே சொடுக்குக!