{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் நகராட்சியின் 01ஆவது வார்டு உறுப்பினர் பொறுப்பிடம் உட்பட - தூத்துககுடி மாவட்டத்தில் வெற்றிடமாக உள்ள அனைத்து உள்ளாட்சிப் பொறுப்பிடங்களுக்கும் இடைத்தேர்தல் வாக்குப்பதிவு இன்று 07.00 மணிக்குத் துவங்கியது.

காயல்பட்டினம் கோமான் மேலத்தெரு, நடுத்தெரு, கீழத்தெரு, அருணாச்சலபுரம், கடையக்குடி (கொம்புத்துறை) ஆகிய பகுதிகளை உள்ளடக்கிய 01ஆவது வார்டு உறுப்பினர் பொறுப்பிற்கான இடைத்தேர்தலுக்கு, காயல்பட்டினம் - அருணாச்சலபுரம் தேசிய துவக்கப்பள்ளியில் இரண்டு வாக்குச் சாவடிகள் ஒதுக்கப்பட்டுள்ளன.



பள்ளியின் வடபுறத்திலுள்ள வாக்குச்சாவடி ஆண்களுக்கும், தென்புறத்திலுள்ள வாக்குச்சாவடி பெண்களுக்கும் ஒதுக்கப்பட்டுள்ளது. பொதுமக்கள் நீண்ட வரிசையில் நின்றவாறு வாக்களித்து வருகின்றனர்.

















வாக்குப்பதிவு அமைதியாக நடைபெற்றுக்கொண்டிருக்கிறது. வாக்குச்சாவடிகளிலும், வாக்குச்சாவடியின் சுற்றுப்புற எல்லைப் பகுதிகளிலும் காவல்துறை பாதுகாப்பு ஏற்பாடுகள் செய்யப்பட்டுள்ளன.

இன்று 17.00 மணியுடன் வாக்குப்பதிவு நிறைவுறும். இம்மாதம் 22ஆம் நாள் காலையில் வாக்குகள் எண்ணப்பட்டு, முடிவுகள் அறிவிக்கப்படும்.

13.00 மணி நிலவரப்படி, 55.4 சதவிகித வாக்குகள் பதிவாகியுள்ளன.

15.00 மணி நிலவரப்படி, 68.6 சதவிகித வாக்குகள் பதிவாகியுள்ளன.

[கூடுதல் தகவல் இணைக்கப்பட்டது @ 15:55 / 18.09.2014]