IP: 2.*.*.* United Arab Emirates

முன்னுக்குப் பின் முரணான செய்திகள் வந்து கொண்டிருக்கின்றன.

Moderator: ஜெயலலிதாவுக்கு ஜாமீன் வழங்கப்பட்டுவிட்டதாக ‘தி இந்து’ இணையதளம் முதலில் செய்தி வெளியிட்டிருந்தது. பின்னர் அது உடனடியாக திருத்தப்பட்டுவிட்டதால், அதன்படி இச்செய்தி திருத்தப்பட்டுள்ளது.

IP: 216.*.*.* United States

அரசு வக்கீக் பவானிசிங் முன்னுக்குப்பின் முரணாக நடந்துகொண்டார். ஜாமீன் கொடுக்க முதலில் எதிர்ப்பு தெரிவித்த அவர் பிறகு இறுதியில் கண்டிஷன் ஜாமீன் கொடுக்க ஆட்சேபனையில்லை என்று குழப்பினார். என்னதான் அரசுவக்கீல் திடீரென அணி மாறினாலும் நீதிபதியின் கையில்தான் தீர்ப்பு உள்ளது என்பதை அவர்உணரவில்லை.. அரசு வக்கீல் பவானிசிங் மீது ஏற்கனவே சந்தேகக்கண் இருக்கத்தான் செய்கிறது. விசேட நீதிமன்றத்திலும் இவருடைய நடவடிக்கை சந்தேகிக்கும்படியாகவே இருந்தது.

முதலில் ஜாமீன் கொடுக்க எதிர்ப்புதெரிவித்த அவர், பிறகு எப்படி திடீரென மனதுமாறினார் பார்த்தீர்களா !!

அரசு வக்கீல் பவானிசிங்கை திடீரென மனது மாறச்செயததில் இருந்தே 'ஜாமீன் கோருபவர்களின் ' அபரிமிதமான அரசியல் செல்வாக்கை எவன் ஒருவனும் உணரமுடியும். . இதை உயர்நீதிமன்ற/உச்சநீதிமன்ற நீதிபதிகள் எளிதாக உணர்வர் . உச்ச நீதிமன்றத்திலும் கூட இவர்களுக்கு ஜாமீன் கிடைப்பது அரிதிலும் அரிதுதான். அப்பீல் வழக்கையே துரிதமாக (fast track) நடத்தி முடிக்கசொல்லி உச்சநீதிமன்றம் உயர்நீதிமன்றத்தை பணிக்கும். இந்தியாவில் ஊழல் வழக்குகளில் இந்த வழக்கு ஒரு முன்மாதிரி. பலமிக்க தலைவர்கள் மீதான ஊழல் வழக்குகள் ஜாமீன் கொடுக்காமலேயே துரிதகதியில் (fast track) விசாரித்து இறுதித்தீர்ப்பு விரைவாக கொடுக்கப்படவேண்டும். அப்போதுதான் ஊழல் அரசியல்வாதிகள் யாரும் எளிதில் தப்பிக்க முடியாது.

IP: 180.*.*.* India

நீதிக்கு தலை வணங்கு என்று தமிழில் சொல்வார்கள். நீதிமன்ற தீர்ப்புக்களை விமர்சிக்கலாம் ஆனால் நீதிபதிகளை விமர்சிப்பது நாகரிகம் இல்லை.

சென்னையில் காலையில் ஒட்டப்பட்டிருந்த சுவரொட்டிகள் மிக அற்பமானவை, ஆத்திரமூட்டக் கூடியவை. ஜாமீன் கேட்பது மிக நயமாகவும் நாணயமாகவும் நீதிபதியின் உணர்வுகளை தட்டி எழுப்புவதாகவும் கேட்கவேண்டும். உணர்ச்சிகளை தூண்டக் கூடியாத அமையக் கூடாது. அதே சமயம் நீதிமன்றத்தில் வாதாடுவது மிகவும் நுட்பமாகவும் தைரியமாகவும் இருக்க வேண்டும்.

வழக்கில் ஜெயலலிதா சார்பில் வாதாடிய மூத்த வழக்கறிஞர் ராம் ஜெத்மலானி அவர்களுக்கே புரியும். அதிமுக நண்பர்களுக்கு அவசரம் அதிகம். 18 வருடங்கள் ஆக்கப் பொறுத்தவர்கள் இப்போது மிக்க அவசரப் படுகிறார்களே என்று முதல் ஜாமீன் மனுவை முன் வைக்கும்போதே இவர்களை எச்சரிக்கை செய்தார். பவானி சிங் அவர்கள் நீதிபதியை கடுப்பேற்றி விட்டதையும் மறுக்க முடியாது. இவ்வளவு பெரிய மக்கள் சக்தியும் ஆதரவும் பெற்ற ஒரு முதலமைச்சரை ஜாமீனில் விட்டால் இந்த நாட்டை விட்டே ஓடிவிடுவார் என்பது எவ்வளவு அபத்தமான வாதம். கடைசியில் அவர் தடம் புரண்டது மன்னிக்க முடியாத குற்றம். இவரை இனிமேல் யாரும் வழக்கறிஞராக ஏற்றுக் கொள்வார்களா, அரசே அவரை டிஸ்மிஸ் செய்தாலும் ஆச்சரியப் படுவதற்கு இல்லை.

இன்றைய புதிய தலைமுறை "நேர் பட பேசு" விவாதத்தைக் கவனித்தவர்களுக்கு ஒரு செய்தி தெளிவாகிறது. உச்ச நீதி மன்றத்தில் ஜெயலலிதா அவர்களுக்கு ஜாமீன் கிடைத்தாலும். வழக்கு தொடர்ந்து கர்நாடகா நீதி மன்றத்தில்தான் நடக்கும். ஏனெனில் கர்நாடக நீதி மன்றத்துக்கு இந்த வழக்கை 2003 இல் மாற்றியதே உச்ச நீதி மன்றம்தான்.

எல்லா குற்றங்களுக்கும் நீதியின் கடைசி வாசல் உச்ச நீதிமன்றந்தான். அதை நாம் விரும்பினாலும் விரும்பாவிட்டாலும் நமக்கு சாதகமானாலும் பாதகமானாலும் நாம் அதை ஏற்றுக் கொண்டே ஆக வேண்டும். ஜெயலலிதா அவர்களுக்கு இது நன்கு தெரியும். அவர் பொறுமையுடனும் தைரியத்துடனும் எதையும் எதிர் கொள்வார். ஆனால் அவரது கட்சி தொண்டர்கள் உணர்ச்சி வசப்பட்டு பல தவறான போராட்டங்களிலும் சுவரொட்டி விளம்பரங்களிலும் ஈடு பட்டு பிரச்சினையை பூதாகாரமாக்கி விட்டார்கள். ஊழல் வழக்கு விஷயங்களில் உச்ச நீதி மன்றம் முன்னெப்போதையும் விட இப்போது சட்டங்களை - தீர்ப்புக்களை கடுமையாக்கி விட்டதால், இதற்கு பின்னர், ஊழல் வரிசையில் நிற்கும் தமிழக தலைவர்கள் எல்லோரும் இது போன்ற தீர்ப்புக்களை எதிர் நோக்கியே இருக்க வேண்டும்.

நமக்கு பிரியமானவர்கள் தண்டிக்கப் படும்போது நமக்கு மனதுக்கு கஷ்டமாகத்தான் இருக்கும் என்ன செய்வது. தவறு செய்த உயர் குலப் பெண் - வசதி வாய்ப்பு மிக்க செல்வாக்கு உள்ள குடும்ப பின்னணி உள்ள பெண் திருடியபோது அந்த பெண்ணை விடுவிப்பதற்கு நபிகள் நாயகம் அவர்களிடம் நபி தோழர்கள் சிபாரிசு செய்த போக்கு முகம் கடுகடுத்த நபி அவர்கள், எனது மகள் பாத்திமா திருடியிருந்தாலும் இதே தண்டனைதான் கொடுத்திருப்பேன். உங்களுக்கு முன் இருந்த சமுதாயத்தினர் இப்படி ஏற்ற தாழ்வுகள் பார்த்து சட்டத்தை தங்கள் இஷ்டம்போல் வளைத்து தீர்ப்புக்கள் வழங்கியதால்தான் அவர்கள் மிக கேவலமாக அழிக்கப் பட்டார்கள் என்ற உண்மையை நபிகள் நாயகம் அவர்கள் தெளிவு படுத்தி சட்டத்துக்கு முன் எல்லோரும் சமம் என்ற நிலைப்பாட்டை உறுதிப் படுத்தினார்கள்.

இங்கே ஊழல் செய்தவர்கள் நபி தோழர்களுமல்ல தீர்ப்பு வழங்குபவர்கள் நபிகள் நாயத்தின் வழியில் நடப்பவர்களும் அல்ல. இறுதி தீர்ப்பு நாள்தான் எல்லா நியாய அநியாயங்களுக்கும் உண்மையான தீர்ப்பு வழங்கும் நாளாக இருக்கும். அதுவரை சாட்சிகள் யார் பக்கம் சாதகமாக இருக்கிறதோ வாத பிரதிவாதங்களை யார் சமயோசிதமாக கெட்டி தனமாக வாதிடுகிறார்களோ அவர்களே வெற்றி பெறுகிறார்கள்.

ஆட்சி அதிகாரங்களை அல்லாஹ் அவன் நாடியவர்களுக்கு கொடுக்கிறான். அவன் நாடியவர்களிடமிருந்து அவற்றை பிடுங்கி கொள்கிறான். இதற்கு கால எல்லை நேரம் பகல் இரவு என்றெல்லாம் கிடையாது என்பதை இப்போது உலகின் நாலா பக்கங்களிலும் நடக்கும் திடீர் புரட்சிகள் மூலம் அவதானிக்க முடிகிறது. நம்மால் முடிந்த வரை நேர்மையாக நமது வாழ்க்கையை அமைத்துக் கொள்ள எல்லோரும் முயற்சி செய்வோம். அல்லாஹ் தவ்பீக் செய்வானாக.

IP: 180.*.*.* India

தற்போது ஊழல் குற்றச்சாட்டில் சிறை சென்றிருக்கும் ஜெயலலிதாவுக்காகத் தமிழகத்தில் ஆயிரக் கணக்கான ஆண்களும் பெண்களும் கண்ணீர் விட்டுக் கதறுவதைத் தொலைக்காட்சிகளில் பார்க்கும்போது, தமிழர்களில் கணிசமானவர்கள் ஊழலைக் குற்றமாகக்கூட அல்ல பிரச்சினையாகக்கூடப் பார்க்கவில்லை என்பது தெளிவாகிறது. ஜெயலலிதாவுக்கு எதிரான இந்த வழக்கில் மிகுந்த முனைப்பு காட்டிய திமுக தரப்பின் யோக்கியதையைப் பார்க்கும்போது, பிரச்சினை ஊழல் அல்ல; மாறாக ஆட்சியதிகாரம் தொடர்பானது என்று மக்கள் கருதுவதில் தவறில்லை.
நேர்மை மற்றும் நீதிகுறித்து மக்களிடையே நம்பிக்கையற்ற மற்றும் ஏளனமான கருத்து நன்கு வேர்விட்டு வளர்ந்திருப்பதற்குக் காரணம், அரசு மட்டுமல்ல சமூகத்தின் அனைத்துத் தரப்புமே அழுகிய நிலையில் இருப்பதுதான். உனது மகன்களிலேயே நல்லவன் யாரென்றதற்கு, அதோ கூரை மீதேறிக் கொள்ளிவைக்கிறானே அவன்தான் என்று சொன்ன பரிதாபத்துக்குரிய தந்தை ஒருவரின் நிலைமையில்தான் இன்றைய தமிழகம் மட்டுமல்ல இந்தியாவே இருக்கிறது.

இந்த நிலை மாற ஆட்சியாளர்களால் இங்குமங்குமாகக் கொண்டுவரப்படும் ஒருசில சட்ட மற்றும் நிர்வாகச் சீர்திருத்தங்கள் போதுமானதல்ல. ஒரு பெரும் மாற்றம் மக்களின் சமூக மற்றும் அரசியல் உணர்வுநிலையில் நிகழ்ந்தாக வேண்டும். அத்தகைய உணர்வுநிலை மாற்றத்தைக் கொண்டுவரக் கூடிய அளவுக்குப் பலமான அரசியல் கட்சி அல்லது சமூக இயக்கம் எதுவும் தற்போதைக்குக் கண்ணில் தென்படவில்லை.

IP: 188.*.*.* Saudi Arabia

ஒரு பேரூந்தில் பயணம் செய்ய பயண சீட்டு பெற முனைபவரிலிருந்து,பெரிய அரசாங்க அலுவலகத்தில் தன்னுடைய காரியம் முடிவடைய எத்தனிக்கும் சாதாரண சாமானியன் முதல் சமூகத்தில் உயா அந்தஸ்தில் இருப்பவர்கள் வரை,ஏதாவதொன்றை இலைமறையாய்க் கொடுத்துத்தான் தங்கள் தேவைகளையும்,தங்கள் காரியங்களையும் முடித்துக் கொள்கிறார்கள். இதில் 99% சதவீததினர்கள் நம்முடைய நெஞ்சைத் தொட்டுப் பார்த்தால் நாமே உணரக்கூடியவராவோம்!

ஆக இது எதார்த்தம் இதுதான் இந்தியாவின் வாழ்க்கைமுறை இதை பெரிதாகச்செய்பவன் பிடிபடுகிறான்.அவன் பலராலும் நிந்திக்கப்படுகிறான், நிந்திப்பவன் கூட தன் நிலையை நினைக்காமல் நேர்மையானவனைப்போல நடிக்கிறான்! .

ஆக இந்த வாழ்க்கைமுறை தவிர்க்கமுடியாத சங்கிலித் தொடாராக பழகிப்போய்விட்டது.இப்படி வாழ்ந்து கொண்டிருக்கும் நிலையில் ஒரு ஆட்சியானதோ ஆளும் முதன்மையோ தங்களின் ஆட்சித்திறனை மக்கள் மத்தியில் கூறி முந்திய ஆட்சியாளர்களிடமிருந்து ஒப்பிட்டுக்காட்டி,நான் பொன்னான ஆட்சியைத் தந்துகொண்டிருக்கிறேன் என்று மக்களிடம் முறையிட்டு அவர்கள் மனதை கவர முயற்சசித்தால்,உண்மையிலேயே நடுநிலையான மக்கள் முதல் அனைத்து மக்களும் ஆதரவை அள்ளித்தருவார்கள்

அதை விட்டு விட்டு முந்திய ஆட்சியாளர்கள் ஊழல புரிந்து விட்டார்கள்,கோடான கோடியை கொள்ளையடித்து விட்டார்கள் ஆகவே அவர்களை இங்கு அண்ட விடாதீர்கள், அவர்கள் சிறைக்கம்பிக்கு சொந்தக்காரர்கள் என்று மக்க்களிடம் கூறி,கூறி ஆட்சியைப்பிடித்த அந்த தலைமை அதே ஊழலில் தண்டனை பெரும்பொழுது,அதை விமர்சிக்க சாதாரண கடைக்கோடி சாமானியனும் முன்வரத்தான் செய்வான்.அவன் சிறுதவறு செய்திருந்தாலும் அதை நினைக்க மாட்டான் ஆட்சியாளரின் முதன்மையே இப்படி செய்யலாமா?ஊழலை ஒழிப்பேன் என்று சொன்னதால் அல்லவோ அவர்களுக்கு ஓட்டளித்தேன் என்று எண்ணுபவன் அத்தலைமையை எதிர்ப்பதில் என்ன தவறு இருக்கிறது..

இதையெல்லாம் மறந்து மனித புணிதம் என்றும், தெய்வத்திற்கு மனிதன் தண்டனை தீர்ப்பு வழங்கலாமா?என்றும்,நீதி வழங்கிய நீதிபதி நீசமுடையவன் என்றும் மாநிலத்தில் எல்லா இடங்களிலும் இவர்களின் நிலைபாட்டை தெர்வித்து, இல்லை இல்லை திணித்து எல்லா மக்களையும் மிரட்டி எதிர்ப்பணியில் இணையுங்கள் இல்லையெனில் உங்கள் நிர்வாகநிலையங்களின் நிர்வாக குரல்வளயங்கள் நெருக்கப்பட்டு நெருக்கடிக்குள்ளாக்கப் படுவீர்கள் என்ற சர்வாதிகார ஆட்டதைப்பார்த்துக்கொண்டு, அதனால் ஏற்ப்படும் பாதிப்புகள் அனைத்தும் மக்களால்தான் செய்யப்படுகிறது என்பதை ஒப்புகொள்ளுங்கள் என்று சொல்வது கேப்பையில் நெய்வடிகிறது என்ற சொல்லுக்கு ஒப்பானது இல்லையா? சொல்லுங்கள் நடுநிலை நெஞ்சமுடையவர்களே ?அல்லாஹ் அனைத்தும் அறிந்தவன்!

அன்புடன்,
முஹம்மது ஆதம் சுல்தான்!