Kayal on the Web

செய்திகள்

செய்தி எண் (ID #) 16330

#KOTW16330

செவ்வாய், ஜுலை 28, 2015

நகர்மன்றத் துணைத் தலைவர் தலைமையில் கூட்டம் நடைபெற்றது! வீடியோ பதிவுடன் விபரங்கள்!!

செய்தி: காயல்பட்டணம்.காம்
இந்த பக்கம் 4172 முறை பார்க்கப்பட்டுள்ளது | வாசகர் கருத்துக்கள் காண (4) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் நகர்மன்றத் துணைத் தலைவர் எஸ்.எம். மொஹிதீன் என்ற மும்பை மொஹிதீன் தலைமையில் ஜூலை 27 திங்களன்று காலை 10:45 மணியளவில் - நகர்மன்ற வளாகத்தில் கூட்டம் நடைபெற்றது.

இக்கூட்டத்தில் 7வது வார்டு உறுப்பினர் அந்தோணி, 13வது வார்டு உறுப்பினர் எம்.எஸ்.சம்சுதீன் தவிர்த்து அனைத்து உறுப்பினர்கள், நகராட்சி மேலாளர் அறிவுச்செல்வன் உட்பட பல அலுவலர்கள் கலந்துக்கொண்டனர்.

இக்கூட்டம் சம்பந்தமாக விநியோகிக்கப்பட்ட ஆவணத்தில் - இது வேண்டுகோள் கூட்டம் என்றும், மாவட்ட நகராட்சிகள் சட்டம் 1920 இன் தொகுப்பு 3, விதி 3(1) மற்றும் 3(2) கீழ், இந்த கூட்டத்திற்கு ஏற்பாடு செய்யப்பட்டுள்ளது என்றும், அக்கூட்டத்தில் 43 சாலைகள் குறித்து ஒரு மன்றப் பொருளாக விவாதிக்கப்படும் என்றும் தெரிவிக்கப்பட்டிருந்தது.

கூட்டத்தின் துவக்கமாக - மன்றப் பொருள் 1 ஆக, கீழ்க்காணும் வாசகங்களை நகர்மன்றத் துணைத் தலைவர் வாசித்தார்:

மாண்புமிகு தமிழ்நாடு சுற்றுலாத்துறை அமைச்சர் எஸ்.பி. சண்முகநாதன் அவர்கள் தலைமையில் நடைபெற்ற கூட்டத்தில் தெரிவிக்கப்பட்ட அறிவுரையின்படி ஒவ்வொரு வார்டுக்கும் 20 லட்சம் ரூபாய் மதிப்பில் வளர்ச்சிப்பணிகள் மேற்கொள்ள 7.7.2015 அன்று நகர்மன்றத் தலைவருக்கு வேண்டுதல் கூட்டம் நடத்த கூறப்பட்ட கீழ்க்கண்ட பணிகளை நிறைவேற்ற நகர்மன்ற அனுமதி வேண்டப்படுகிறது.

கீழ்க்கண்ட பணிகள் என ஆவணத்தில் இருந்த 43 பணிகள் குறித்த விபரங்கள் எதுவும் வாசிக்கப்படவில்லை.

இவ்வாசகங்களை வாசித்தப்பின் - நகர்மன்ற உறுப்பினர்கள் அனைவரும் ஆதரவு தரும்படி கேட்டு கொள்கிறேன் என நகர்மன்றத் துணைத் தலைவர் கூற, கூட்டத்தில் கலந்துக்கொண்ட உறுப்பினர்கள் தங்கள் கைகளை உயர்த்தினர்.

16 பேர் ஆதரவு என தெரிவித்த துணைத் தலைவர், மன்றம் அனுமதி வழங்குகிறது என கூறியவுடன் கூட்டம் நிறைவுற்றது.

கூட்டத்தில் பார்வையாளர்களாக சுமார் 15 பேர் கலந்துக்கொண்டனர்.

இக்கூட்டத்தின் வீடியோ பதிவினை காண கீழ்க்காணும் படத்தினை சொடுக்கவும்:

களத்தொகுப்பு & படங்கள்:
ஹிஜாஸ் மைந்தன்,
செய்தியாளர், காயல்பட்டணம்.காம்.

{TAGS} council meeting municipality schedule 3 tndma special meeting chairman abeedha vice chairman mumbai mohideen tourism minister shanmuganathan admk

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:...
posted by K.D.N.MOHAMED LEBBAI (RIYADH) [29 July 2015]
IP: 94.*.*.*

Saudi Arabia | Comment Reference Number: 41455

அஸ்ஸலாமு அலைக்கும்

நிழற் படத்தை பார்க்கவும் , செய்திகளை படிக்கவும் நடை பெற்ற இந்த கூட்டத்தின் ஒப்புதலின் செய்யல வடிவத்தையும் இன்ஷா அல்லாஹ் நாம் பார்க்கத்தான் வேணும் .ஊருக்கு நல்லது நடந்தால் நல்லதே .நடக்குமா ? பொறுத்தோம் .பொருத்து இருந்து பார்ப்போம் …..

ஓன்று மட்டும் நிச்சயம் பின்பு நாம் யாவர்களுக்கும் தெரிய வரும் பணம் இனி சூப்பராகவே விளையாடலாம் லட்ச கணக்கில் பணம் ஒப்புதல் ஆகியதால் . ஊர் மக்களுக்கு பயனாக , இருந்தால் நல்லதே . அப்போ நாம் ஊரின் ரோடுகள் இனி தாறுமாறாக இருக்காது .

இந்த கூட்டத்தில் நாம் ஊரின் மற்ற குறைபாடுகளுக்கு ஒப்புதல் வழங்க வில்லையா என்ன ??

பொன்னாடை போர்த்துவதும் முன்னில் புகழ் மாலை சூட்டுவதும் பார்க்க ????? ஆதான் ....... நிறைவேரியதோ ......எங்கோ ...என்னமோ ...தேவைகற்று இடிக்கிறது போல உள்ளது ,,,, நமது ஊரின் நலன் பாதிக்க படுகிறது ....இது தான் உண்மையே ......

நாம் நல்லதையே நினைப்போம் ,, நல்லது நம் ஊருக்கு இன்ஷா அல்லாஹ் ..... நடக்கும் .....

ஆமா நம் நகர் மன்ற மரியாதைக்குரிய தலைவி அவர்களின் ஒப்புதல் இவைகளுக்கு தேவை இல்லையா ?? என்ன ......ஒன்றுமே புரிய மாட்டேன்கிறது ..........

வஸ்ஸலாம்

K.D.N.MOHAMED LEBBAI
RIYADH
SAUDI ARABIA

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. ஒன்னுமே புரியல
posted by Muhammadh Abubacker (Muscat) [29 July 2015]
IP: 188.*.*.*

Oman | Comment Reference Number: 41457

தலைவி கை சுத்தமானவர், தவறான வழியில் பொது பணம் செலவிட அனுமதிக்கமாட்டார் என்பது பெரும்பான்மை காயல்வாசிகள் ஏற்றுக்கொள்ளும் கருத்து. அவரின் பதவி காலமும் ஓரிரு ஆண்டுகளில் முடிந்து விடும் என்று நினைக்குறேன்.

நம் மக்கள் பொதுவாக, நியாயமான ஒருவர் பதவியில் இருக்கும்போது அவருக்கு உரிய ஆதரவு, பாதுகாப்பு, அதிகாரங்களை கொடுக்க மாட்டார்கள். அவரின் பதவி காலம் முடிந்தபின் நல்லவர், நியாயமானவர், நல்லவர், வல்லவர் என்றெல்லாம் சொல்வார்கள்.

எல்லாரும் நல்லது செய்வதாக சொல்கிறார்கள், ஆனால் இது வரையில் பெரிதாக நகராட்சியின் பணிகள் நடந்ததாக தெரியவில்லை.

தலைவி பதவிக்கு வந்து சில நாட்கள் கழிந்தபின், நமது ஊரின் வள்ளல் சீதக்காதி திடலில் நடைபெற்ற ஒரு கூட்டத்தில் பேசிய இந்திய யூனியன் முஸ்லீம் லீகின் மாநில பொது செயலாளர் கூட, விருப்பு வெறுப்புகளுக்கு அப்பாற்பட்டு தேர்ந்தெடுக்கப்பட்ட தலைமையின் கீழ் ஊரின் முன்னேற்றம் மற்றும் வளர்ச்சிக்கு உறுப்பினர்கள் சேர்ந்து செயல்பட வேண்டும் போன்ற கருத்துக்களை சொல்லி இருந்தார்.

எல்லாரும் தான் செய்வது மட்டுமே சரி என்ற மனநிலையில் இருக்கும்போது யாருக்குப் போய், யார் அறிவுரை சொல்ல, அப்படி சொன்னாலும் யாரும் கேட்பதற்கு தயாராகவும் இல்லை.

ஐக்கிய பேரவை என்ற ஓர் அமைப்பு தேர்தல் நேரங்களில் அவர்களுக்கு ஓட்டு போடுங்கள் இவர்களுக்கு ஓட்டுபோடுங்கள் என்று சொல்பவர்கள் இந்த விஷயங்களில் கவனம் செலுத்துகிறார்களா என்று தெரியவில்லை.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:...
posted by தமிழன் முத்து இஸ்மாயில். (kayalpattinam) [01 August 2015]
IP: 163.*.*.*

Japan | Comment Reference Number: 41492

ஆகா... ஆகா... என்ன ஒரு பொறுப்பான வேண்டுகோள் கூட்டம்..!

மேஜை / சேர் / சாமியான பந்தல் வாடகைக்கு ஏற்பாடு செய்து தந்தவர்கள் அல்லவா லாபம் அடைகிறார்கள் - இக்கூட்டதினால் நகர் மக்களுக்கு என்ன நன்மை ஏற்பட போகிறது..!

சும்மா பேருக்காவது சர்வே எண் 278 ல் குப்பை கிடங்கு அமைய நகர்மன்ற உறுப்பினர்களாகிய நாங்கள் BUFFER ZONE தீர்மானத்தை நிறைவேற்றுகிறோம் என்று கூட்ட பொருள் 43 னோடு 44 வதாக (BUFFER ZONE) இதையும் சும்மா ஒப்புக்காவது சேர்த்து இருந்திருக்கலாம்...!

அட அட வடை போச்சே..!

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

4. Re:..என்ன கொடுமை சார் ........
posted by netcom buhari (chennai) [03 August 2015]
IP: 59.*.*.*