{ முகநூல் கருத்துக்கள்}{ட்விட்டர் கருத்துக்கள்}

இந்தியாவின் 69ஆவது சுதந்திர தினம் இன்று நாடெங்கும் கொண்டாடப்பட்டு வருகிறது. இந்நாளையொட்டி, காயல்பட்டினம் சென்ட்ரல் மேனிலைப்பள்ளியில், இன்று காலை 09.05 மணியளவில் சுதந்திர நாள் விழா, சென்ட்ரல் துவக்க மற்றும் மேனிலைப்பள்ளிகளின் தாளாளர் வாவு எம்.எம்.மஸ்னவீ தலைமையில் நடைபெற்றது.

வாவு எம்.எம்.ஷம்சுத்தீன், எம்.ஏ.செய்யித் முஹம்மத் அலீ, வாவு கே.எஸ்.முஹம்மத் நாஸர், எம்.கே.முஹ்யித்தீன் தம்பி (துரை), கே.எம்.எஸ்.சதக்கு தம்பி, எம்.எல்.ஷேக்னா லெப்பை, எம்.ஏ.அப்துல் ஹக், வி.என்.எஸ்.முஹம்மத் முஹ்யித்தீன், என்.எம்.எச்.முஹம்மத் முஹ்யித்தீன், வாவு எம்.எம்.உவைஸ், வி.ஐ.ஜெய்னுல் ஆப்தீன், எம்.டீ.ஜாஃபர் ஸாதிக் ஆகியோர் முன்னிலை வகித்தனர்.





பள்ளி மாணவர் ஹாஃபிழ் எஸ்.எம்.பி.முத்து அஹ்மத் அர்ஷத் கிராஅத் ஓதி விழா நிகழ்ச்சிகளைத் துவக்கி வைத்தார். தமிழ்த்தாய் வாழ்த்தைத் தொடர்ந்து, பள்ளி மாணவர்கள் இறைவணக்கப் பாடல் பாடினர்.

தலைமையாசிரியர் கே.ஷாஹுல் ஹமீத் அனைவரையும் வரவேற்றுப் பேசினார். சென்ட்ரல் மேனிலைப்பள்ளி மற்றும் தொடக்கப் பள்ளியின் செயலாளர் ஏ.எச்.நெய்னா ஸாஹிப் தேசிய கொடியேற்ற, மாணவர்கள் உள்ளிட்ட அனைவரும் ஒருமைப்பாட்டு உறுதிமொழி எடுத்துக்கொண்டனர்.





பள்ளி மாணவர்கள் கொடி வாழ்த்துப் பாடல் பாட, ஆசிரியர் மவ்லவீ ஹாஃபிழ் நஹ்வீ ஒய்.ஸதக்கத்துல்லாஹ் ஃகைரீ வாழ்த்துரையாற்றினார்.



ஆசிரியர் எம்.கே.ஷெரீஃப் நன்றி கூற, நாட்டுப்பண்ணுடன் விழா நிறைவுற்றது. இவ்விழாவில், சென்ட்ரல் மேனிலை மற்றும் துவக்கப்பள்ளிகளின் ஆசிரியர்கள், அலுவலர்கள், மாணவர்கள் திரளாகக் கலந்துகொண்டனர். நிகழ்ச்சிகள் அனைத்தையும் ஹாஃபிழ் எம்.ஐ.யூஸுஃப் ஸாஹிப் நெறிப்படுத்தினார்.

தகவல்:
அ.பீர் முஹம்மத் ஹுஸைன்

படங்கள்:
தா.நியாஸ்

(ஆசிரியர்கள், சென்ட்ரல் மேனிலைப்பள்ளி)

சென்ட்ரல் மேனிலைப்பள்ளி தொடர்பான முந்தைய செய்தியைக் காண இங்கே சொடுக்குக!