{ முகநூல் கருத்துக்கள்}{ட்விட்டர் கருத்துக்கள்}

இன்று இந்தியாவின் 67ஆவது குடியரசு நாளாகும். இதனை முன்னிட்டு, காயல்பட்டினம் நகராட்சி எல்லைக்குள் இயங்கி வரும் டி.சி.டபிள்யு. ஆலையில் குடியரசு நாள் விழா இன்று காலையில் கொண்டாடப்பட்டது.

நிறுவனத்தின் மூத்த பொதுமேலாளர் (சின்தடிக் அயன் ஆக்சைட் பிரிவு) சுரேஷ் விழாவிற்குத் தலைமை தாங்கி தேசியக் கொடியை ஏற்றியதோடு, ஆலை நிறுவன பாதுகாவலர்கள் சிறப்பு அணி வகுப்பு மரியாதையை ஏற்று, வாழ்த்துரையாற்றினார்.





விழாவில் நிர்வாகத்தின் செயல் உதவித் தலைவர்கள் டாக்டர் மே.சி.மேகநாதன் (நிர்வாகம்), ஆர்.ஜெயக்குமார் (பணியகம்), சுபாஷ் டாண்டன் (காஸ்டிக்சோடா பிரிவு) துணைத் தலைவர் பி.ஆர்.யாதவ் (சின்தடிக் அயன் ஆக்சைட்), மூத்த பொது மேலாளர் சந்திரசேகரன், பாதுகாப்பு அதிகாரி வெங்கடேஷ், பொது மேலாளர்கள் பசுபதி (மனிதவளம்), முரளி (சுற்றுச் சூழல்), முருகேசன் (உப்பு உற்பத்தி பிரிவு) துணைப் பொது மேலாளர் (எலக்ட்ரிக்கல்), கதிர்வேல் (மெக்கானிக்கல்) மற்றும் தொழிற்சங்க நிர்வாகிகள், ஊழியர்கள் உள்பட ஏராளமானோர் கலந்துகொண்டனர்.

தகவல் & படங்கள்:
சித்திரைவேல்
(மக்கள் தொடர்பு அலுவலர் – DCW தொழிற்சாலை)

கடந்தாண்டு (2015) DCW ஆலை சார்பில் நடைபெற்ற குடியரசு நாள் விழா குறித்த செய்தியைக் காண இங்கே சொடுக்குக!