{ முகநூல் கருத்துக்கள்}{ட்விட்டர் கருத்துக்கள்}

70வது சந்தோஷ் கோப்பைக்கான கால்பந்து போட்டிகள் பிப்ரவரி 29 அன்று நாக்பூரில் துவங்கின. இரு பிரிவுகளாக - பத்து அணிகள் இப்போட்டிகளில் கலந்துக்கொள்கின்றன.

பி பிரிவில் இடம்பெற்றுள்ள தமிழக அணி, மார்ச் 1 அன்று, தனது முதல் போட்டியில் - அஸ்ஸாம் அணியை, 3 - 0 என்ற கோல் கணக்கில் வென்றது.

மார்ச் 5 அன்று நடைபெற்ற, கோவா அணிக்கு எதிரான தனது இரண்டாவது போட்டியில் - தமிழக அணி 0-0 என டிரா செய்தது.

மார்ச் 7 அன்று நடைபெற்ற, வங்காள அணிக்கு எதிரான தனது மூன்றாவது போட்டியில் - தமிழக அணி 1-0 என்ற கோல் கணக்கில் வென்றது.

மார்ச் 9 அன்று நடைபெற்ற, தனது 4வது மற்றும் இறுதி சுற்றுப்போட்டியில் - பஞ்சாப் அணியை எதிர்கொண்ட தமிழக அணி - 5-0 என்ற கோல் கணக்கில் வென்றது.

தனது பிரிவில் முதல் இடம்பெற்ற தமிழகம் அரை இறுதி போட்டிக்கு தகுதிபெற்றது.

இன்று நடந்த முதல் அரை இறுதி போட்டியில் சர்விசஸ் அணி, கோவா அணியை 1-0 என்ற கோல் கணக்கில் வெற்றிபெற்றது.

இன்று நடந்த இரண்டாவது அரை இறுதி போட்டியில் தமிழக அணி, மகாராஷ்டிரா அணியுடன் 0-1 என்ற கோல் கணக்கில் தோல்வியுற்றது.

தமிழக அணியின் கேப்டன், காயல்பட்டினம் சார்ந்த காழி அலாவுதீன் என்பது குறிப்பிடத்தக்கது.