{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் மஜ்லிஸுல் புகாரிஷ் ஷரீஃப் வளாகத்தில் இயங்கி வரும் ஹாமிதிய்யா மார்க்கக் கல்வி நிறுவனம் சார்பில், 19.06.2017. திங்கட்கிழமையன்று மாலையில் இஃப்தார் - நோன்பு துறப்பு நிகழ்ச்சி நடத்தப்பட்டது.

ஹாமிதிய்யா மார்க்கக் கல்வி நிறுவனத்தின் பேராசிரியர் மவ்லவீ ஹாஃபிழ் சாவன்னா பாதுல் அஸ்ஹப் ஃபாஸீ நிகழ்ச்சிக்குத் தலைமை தாங்கினார். குருவித்துறைப் பள்ளி தலைவர் நஹ்வீ இ.எஸ்.செய்யித் முஹம்மத் புகாரீ ஆலிம், கானாப்பா எஸ்.ஏ,ஸாலிஹ், ‘அல்ஃபத்தாஹ்’ அபுல் ஹஸன் உள்ளிட்ட பிரமுகர்கள் முன்னிலை வகித்தனர்.

ஹாஃபிழ் பி.ஏ.முஹம்மத் உக்காஷா நிகழ்ச்சிகளை நெறிப்படுத்தினார். மாணவர் ஹாஃபிழ் எஸ்.எச்.அலீ ஃபஹத் கிராஅத் ஓதி நிகழ்ச்சிகளைத் துவக்கி வைத்தார்.

மாணவர்கள் இறைவேண்டற்பா பாடினர். ஹாஃபிழ் கே.எம்.இஃப்திகாருத்தீன் ஷெய்க் அப்துல்லாஹ், ஹாஃபிழ் எஸ்.எம்.எஸ்.மஹ்மூத் ஹஸன் ஆகியோர் பைத் பாடினர்.

என்.டீ.ஷெய்கு மொகுதூம் அனைவரையும் வரவேற்றுப் பேசினார். மத்ரஸா முதல்வர் ஹாஜி நஹ்வீ ஐ.எல்.நூருல் ஹக் நுஸ்கீ நிகழ்ச்சி அறிமுகவுரையாற்றினார். ஹாமிதிய்யா மார்க்கக் கல்வி (தீனிய்யாத்), ஹாமிதிய்யா திருக்குர்ஆன் ஹிஃப்ழு மத்ரஸா ஆகிய கல்விப் பிரிவுகளின் செயல்பாடுகள் குறித்து அவர் தனதுரையில் சுருக்கமாக விளக்கிப் பேசினார்.

ஹாமிதிய்யா ஆசிரியர் கம்பல்பக்ஷ் எஸ்.எச்.மொகுதூம் முஹம்மத் நன்றி கூற, ஹாமிதிய்யா மார்க்கக் கல்வி நிறுவனத்தின் ஆசிரியர் மவ்லவீ ஹாஃபிழ் எம்.ஏ.ஹபீபுர்ரஹ்மான் மஹ்ழரீ துஆவுடன் மேடை நிகழ்ச்சிகள் நிறைவுற்றன.

பின்னர் துவங்கிய இஃப்தார் - நோன்பு துறப்பு நிகழ்ச்சியில், அனைவருக்கும் பேரீத்தம்பழம், தண்ணீர், குளிர்பானம், கடற்பாசி, பழ வகைகள் துவக்கமாகப் பரிமாறப்பட்டன.

மஃரிப் தொழுகை ஜமாஅத்தாக (கூட்டாக) நிறைவேற்றப்பட்டதையடுத்து, சிற்றுண்டியுபசரிப்பு நடைபெற்றது. அனைவருக்கும் பிரியாணி கஞ்சி, பனிக்கூழ், சிக்கன் 65, வடை வகைகள், இஞ்சி கலந்த தேனீர் ஆகியன பரிமாறப்பட்டன.

நகரின் பெரும்பாலான ஜமாஅத் நிர்வாகிகளும், நகரப் பிரமுகர்களும், பொதுமக்களும், ஹாமிதிய்யா மார்க்கக் கல்வி நிறுவனத்தின் இந்நாள் - முன்னாள் மாணவர்களும் என சுமார் 500 பேர் வரை பங்கேற்றனர்.

நிகழ்ச்சி ஏற்பாடுகளை, கம்பல்பக்ஷ் எஸ்.எச்.மொகுதூம் முஹம்மத், எம்.ஐ.தமீமுல் அன்ஸாரீ, ஏ.எம்.நூர் முஹம்மத் ஜக்கரிய்யா, என்.டீ.ஷெய்க் மொகுதூம், எஸ்.ஏ.ஸிராஜ் நஸ்ருல்லாஹ், ஹாஃபிழ் எஸ்.ஜி.நஸீம் காதிர் ஸாஹிப், எஸ்.எம்.எஸ்.நூஹ் தம்பி உள்ளிட்டோர் செய்திருந்தனர்.

தகவல்:
ஹாஃபிழ் பி.ஏ.முஹம்மத் உக்காஷா