Kayal on the Web

1. Re:...முயற்சி தன் மெய் வருந்த கூலி தரும்
posted by mackie noohuthambi (kayalpatnam ) [16 August 2017]
IP: 163.*.*.*

Japan | Comment Reference Number: 45745

இந்த நல்ல முயற்சிக்கு வாழ்த்துக்கள். நிகழ்ச்சியில் கலந்து கொள்ள வேண்டும் என்ற ஆசை இருந்தாலும் உடல் நலம் குன்றி இருப்பதால் நடந்து வர முடியாமல் போய் விட்டது.எல்லா பள்ளி வாசல் ஜமாத்துகளிலும் தேவாலயங்களிலும் கோயில்களிலுமிருந்து பெறப்பட்ட கையெழுத்துக்கள் இந்த முயற்சிக்கு மேலும் வலு சேர்க்கும். அரசு அங்கீகாரமும் நகர்மன்ற அங்கீகாரமும் உடனடியாக கிடைக்க வேண்டும் என்பதே நமது ஆவல்.

1967 பேரறிஞர் அண்ணா அவர்கள் ஆட்சியில் ஆதித்தனார் அவர்கள் அமைச்சராக இருந்தார்கள். அவர்கள் ஒரு செய்தியை சொன்னார்கள். இப்போது அது ஞாபகத்துக்கு வருகிறது.

காயல்பட்டினம் மக்கள் கோரிக்கைகளை நாங்கள் நிறைவேற்றுவதற்கு கொஞ்சம் தயக்கமாக சிரமமாக உள்ளது. ஏனென்றால் காலையில் ஒரு மனு வரும் இந்த திட்டம் காயல்பட்டினத்துக்கு தேவையானது எங்களுக்கு இதை நிறைவேற்றி தாருங்கள் என்று வரும். அதற்கான முயற்சிகளை மேற்கொள்ளும்போது மாலையில் ஒரு மனு வரும் அந்த கோரிக்கை காயல்பட்டினத்துக்கு உகந்தது அல்ல என்று வரும். நாங்கள் திகைத்து விடுவோம். இரண்டுமே காயல்பட்டினத்திலிருந்து நாங்கள் பெரிதும் மதிக்கும் பிரமுகர்களிடமிருந்துதான் வரும். கடைசியில் அந்த கோரிக்கை நிறைவேறாமலே எங்கள் ஆட்சி காலம் முடிந்து விடும். எனவே நீங்கள் என்ன கோரிக்கை வைத்தாலும் ஒருங்கிணைந்து ஒற்றுமையாக ஊர் நலன் கருதி எங்களுக்கு ஒரே குரலில் கேளுங்கள். அதை நாங்கள் செய்து தர தயாராக இருக்கிறோம் என்று ஆதித்தனார் சொன்னதை இங்கு பதிவு செய்கிறேன்.

அருமையான செய்தி. இன்று 50 வருடங்கள் ஆன பிறகும் அந்த கசப்பான உண்மை நினைவில் நிற்கிறது. இந்த அஞ்சல் நிலையம் நமது பேருந்து நிலையத்தில் அமைய ஒரே குரலில் அரசுக்கு நமது கோரிக்கை செல்லுமானால் நிச்சயம் நமது முயற்சிகள் வெற்றி பெறும். முயற்சி தன் மெய் வருந்த கூலி தரும். அல்லாஹ் துணை நிற்பானாக ஆமீன்.

எப்பொருள் யார் யார் வாய் கேட்பினும்
அப்பொருள் மெய்ப்பொருள் காண்பது அறிவு

என்று வள்ளுவம் சொல்கிறது.

வாழ்த்துக்களும் துஆக்களும்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]