{ முகநூல் கருத்துக்கள்}{ட்விட்டர் கருத்துக்கள்}

தூத்துக்குடி மாவட்ட செய்தி மக்கள் தொடர்புத் துறையின் சார்பில், தமிழக அரசின் சாதனைகளை விளக்கும் நிழற்படங்கள் சிறப்புக் கண்காட்சி, காயல்பட்டினம் நகராட்சிப் பகுதியில் நடைபெற்றுள்ளது. இதுகுறித்து, மாவட்ட நிர்வாகத்தால் வெளியிடப்பட்டுள்ள செய்தியறிக்கை:-

தூத்துக்குடி மாவட்டம், காயல்பட்டிணம் நகராட்சியில், செய்தி மக்கள் தொடர்புத்துறையின் சார்பில், தமிழ்நாடு அரசின் சாதனை விளக்க சிறப்பு புகைப்படக்கண்காட்சி அமைக்கப்பட்டது.

இக்கண்காட்சியில் மறைந்த மாண்புமிகு தமிழ்நாடு முதலமைச்சர் அம்மா அவா;கள் செயல்படுத்திய பல்வேறு திட்டங்கள் மற்றும் சாதனைகள் குறித்த புகைப்படங்கள், மாண்புமிகு தமழ்நாடு முதலமைச்சர் அவர்கள் செயல்படுத்திய திட்டங்கள் மற்றும் சாதனைகள் குறித்த புகைப்படங்கள் மற்றும் சென்னை தலைமைச்செயலகத்தில் பல்வேறு நலத்திட்ட உதவிகளை பொது மக்களுக்கு நலத்திட்ட உதவிகள் வழங்கிய புகைப்படங்களும், புதிய திட்டங்களை துவக்கி வைத்த புகைப்படங்களும் இடம் பெற்றுள்ளது.

தூத்துக்குடி மாவட்டத்தில் வருவாய்துறை, வேளாண்மைத்துறை, கூட்டுறவுத்துறை, மாற்றுத்திறனாளிகள் நலத்துறை, ஆதிதிராவிடர் நலத்துறை, பிற்படுத்தப்பட்டோர் நலத்துறை, தாட்கோ, மாவட்ட ஊரகவளர்ச்சி முகமை உட்பட பல்வேறு துறைகளின் மூலம் செயல்படுத்தப்பட்டு வரும் சாதனைகள், நலத்திட்ட உதவிகள் அடங்கிய புகைப்படங்களும், மாண்புமிகு செய்தி மற்றும் விளம்பரத்துறை அமைச்சர் திரு.கடம்பூர் செ.ராஜூ அவா;கள், மாவட்ட ஆட்சித்தலைவர் திரு.என்.வெங்கடேஷ், இ.ஆ.ப., ஆகியோர் அரசு விழாவில் பங்குபெற்று, பொதுமக்களுக்கு நலத்திட்ட உதவிகள் வழங்கிய புகைப்படங்கள் பொதுமக்கள் பார்த்து பயனடையும் வகையில் வைக்கப்பட்டிருந்தது.