{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் தீவுத்தெரு லஜ்னத்துல் ஹுஸ்னா நற்பணி மன்றத்தின் சார்பில், இறைப்புகழ், நபிகள் நாயகம் & இறைநேசர்கள் புகழோதும் நஅத் மஜ்லிஸ், தீவுத்தெரு – ஜமீல் ஹாஜியார் திடலில், ஜமீல் ஸிராஜ் நினைவு மேடையில் - 02.01.2018. செவ்வாய்க்கிழமை 22.30 மணி முதல் 03.01.2018. புதன்கிழமை 01:30 மணி வரை நடைபெற்றது.



நகரப் பிரமுகர் கே.எஸ்.அப்துர்ரஹ்மான் தலைமையில் நடைபெற்ற இந்நிகழ்ச்சியில், ஹாஃபிழ் பி.எஸ்.அஹ்மத் ஸாலிஹ், பி.எஸ்.ஷாஹுல் ஹமீத், ஹாஃபிழ் பி.எஸ்.முஹம்மத் அல்அமீன் ஆகிய ஃபஹீம் சகோதரரர்களும், ஹாஃபிழ் எஸ்.எம்.எஸ்.மஹ்மூத் ஹஸன், ஹாஃபிழ் கே.எம்.இஃப்திகாருத்தீன் ஷெய்க் அப்துல்லாஹ், கே.ஜெ.ஷாஹுல் ஹமீத், எஸ்.ஏ.காஜா முஹ்யித்தீன், ஹாஃபிழ் ஏ.முஹம்மத், ஹாஃபிழ் என்.ஏ.ஸாலிஹ் நுஸ்கீ, ஹாஃபிழ் பீ.இசட்.ஏ.ஸாமு ஹஸ்ஸான் ஆகிய குழுவினர் - இறைப்புகழ், இறைத்தூதர் ஸல்லல்லாஹு அலைஹி வஸல்லம், இறைநேசர்கள் புகழோதும் பாடல்களை, அரபி, தமிழ், உர்தூ, ஆங்கிலம் ஆகிய மொழிகளில் பாடினர்.





ஹாஃபிழ் என்.டீ.ஸதக்கத்துல்லாஹ் ஜுமானீ நிகழ்ச்சிகளை நெறிப்படுத்தினார். ஹாமிதிய்யா திருக்குர்ஆன் மனனப் பிரிவு மாணவர்களான எம்.ஐ.யூஸுஃப் ஸாஹிப், எம்.என்.மஹ்மூத் இஸ்மாஈல் ஆகியோர் - பாடல்களுக்கேற்ப தஃப்ஸ் முழங்கினர். மவ்லவீ ஹாஃபிழ் எம்.ஐ.ஷெய்க் அப்துல்லாஹ் அல்புகாரீ துஆ இறைஞ்ச, ஸலவாத் பைத்துடன் நிகழ்ச்சி நிறைவுற்றது.

இந்நிகழ்ச்சியில், நகரின் பல பகுதிகளைச் சேர்ந்த பொதுமக்கள் திரளாகக் கலந்துகொண்டனர். பெண்களுக்கு தனியிட வசதி செய்யப்பட்டிருந்தது.





நிகழ்ச்சி ஏற்பாடுகளை, எம்.என்.காமில், எம்.ஒய்.முஹம்மத் லெப்பை, எஸ்.எல்.அஹ்மத் ஷாம் அஷ்ஜத், தம்பான் எம்.ஐ.முஹ்யித்தீன் ஆகியோர் களப்பணியுடன் - 31.12.2017. & 02.01.2018. ஆகிய நாட்களில் திருமண நிகழ்ச்சிகளை நடத்திய தீவுத்தெரு குடும்பத்தினர் செய்திருந்தனர்.

தகவல்:
A.L.முஹம்மத் நிஜார்