{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் மஜ்லிஸுல் புகாரிஷ் ஷரீஃபின் 91ஆம் ஆண்டு நிகழ்ச்சிகள், 18.03.2018. ஞாயிற்றுக்கிழமை 19.00 மணிக்கு திக்ர் மஜ்லிஸுடன் துவங்கியது.

ரஜப் மாதம் முழுவதும் ஒவ்வொரு நாளும் அதிகாலையில் ஸஹீஹுல் புகாரீ கிரந்தத்திலிருந்து நபிமொழிகள் ஓதப்பட்டு, காலை 09.15 மணியளவில் அன்றைய நாளில் ஓதப்பட்ட நபிமொழிகளுக்கு மார்க்க அறிஞர்களால் விளக்கவுரை வழங்கப்படுவது வழமை.

ஏப்ரல் அன்று 13ஆம் நாளில், ஓதப்பட்ட நபிமொழிகளுக்கான விளக்கவுரையை, மவ்லவீ ஹாஃபிழ் எல்.யு.ழியாவுத்தீன் அல்புகாரீ நிகழ்த்தினார். அன்று இமாம் இப்னு ஹஜர் அல்ஹைத்தமீ ரஹ்மத்துல்லாஹி அலைஹி அவர்களது நினைவு நாள் என்பதால், அவர்களது வரலாற்றுச் சரித உரையை, தமிழக அரசின் தூத்துக்குடி மாவட்ட காழீ மவ்லவீ எஸ்.டீ.அம்ஜத் அலீ மஹ்ழரீ ஃபைஜீ நிகழ்த்தினார்.

ரஜப் 14ஆம் நாள் (ஏப்ரல் 02) ஓதப்படும் நபிமொழிகளுக்கான விளக்கவுரையை, ஹாமிதிய்யா திருக்குர்ஆன் மனனப் பிரிவின் முதன்மை ஆசிரியர் மவ்லவீ ஹாஃபிழ் எம்.ஏ.அபூபக்கர் ஸித்தீக் மிஸ்பாஹீ, மவ்லவீ எஸ்.எம்.எஸ்.முஹம்மத் இப்றாஹீம் அல்புகாரீ ஆகியோர் வழங்குகின்றனர்.

ஒவ்வொரு நாளும் நடைபெறும் சொற்பொழிவு நிகழ்ச்சிகள், http://www.bukhari-shareef.com/eng/live/ என்ற இணையதள பக்கத்தில் ஒலி நேரலை செய்யப்படுகிறது.