{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் ஐக்கிய விளையாட்டு சங்கத்தால், United Football League (UFL) எனும் தலைப்பில், ஆண்டுதோறும் கால்பந்து சுற்றுப்போட்டிகள் நடத்தப்பட்டு வருகிறது. இதுவரை 5 ஆண்டுகள் தொடர்ச்சியாக இப்போட்டிகள் நடத்தி முடிக்கப்பட்டுள்ளன.

நிகழாண்டு United Super Cup கோப்பைக்கான United Football League (UFL) கால்பந்துப் போட்டிகள், இம்மாதம் 04 முதல் 14ஆம் நாள் வரை நடத்தப்படுகிறது.

02.05.2018. அன்று நடைபெற்ற முதல் நாள் போட்டிகள் குறித்து, சுற்றுப்போட்டிக் குழுவின் சார்பில் வெளியிடப்பட்டுள்ள செய்தியறிக்கை:-

ஐக்கிய விளையாட்டு சங்கம் நடத்தும் நடத்தும் 6ஆம் ஆண்டு "United Super Cup கோப்பைக்கான" United Football League கால்பந்து போட்டிகள் கடந்த 04/05/2018 அன்று முதல் ஐக்கிய விளையாட்டுச் சங்க மைதானத்தில் நடைபெற்று வருகின்றது.

சீருடை அறிமுகம்:

சுற்றுபோட்டியின் துவக்க நாளான இன்று (04/05/2018), இப்போட்டியில் பங்குபெறும் அணிகளின் சீருடை அறிமுக விழா நடைபெற்றது.







போட்டி முடிவுகள்:

04/05/2018 வெள்ளிக் கிழமை மாலை 5.30 மணிக்கு நடைபெற்ற போட்டியில், Bangkok Ball Blasters அணியும், Speed Strikers அணியும் விளையாடின. இப்போட்டியில் Bangkok Ball Blasters அணியினர் 1 - 0 என்ற கோல் கணக்கில் வெற்றிபெற்றனர்.









சிறப்பு விருந்தினர்:

முதல் நாள் போட்டியினை எல்.கே. மேல்நிலைப் பள்ளியின் முன்னாள் உடற்கல்வி ஆசிரியர் திரு ஜெபராஜ் அவர்களும் மற்றும் திரு மோகன் அவர்கள் தலைமை தாங்கிச் சிறப்பித்தனர். ஐக்கிய விளையாட்டு சங்க நிர்வாகிகள், சுற்றுப் போட்டிக் குழுவினர் உள்ளிட்டோர் முன்னிலை வகித்தனர்.



சிறந்த வீரருக்கான பரிசுகள்:

இன்றைய போட்டியில் Bangkok Ball Blasters அணியின் வீரர் மாலிக் சிறந்த வீரருக்கான பரிசுகளை பெற்றார். இப்பரிசுகளுக்கான அனுசரனையை Masha Allah Garments, SAIS Boutique மற்றும் G-Cool நிறுவனத்தினர்கள் வழங்குகிறார்கள்.

இவ்வாறு அந்த அறிக்கையில் தெரிவிக்கப்பட்டுள்ளது.

தகவல் & படங்கள்:
‘கோடாக்கா’ ஃபைஸல்