{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் ஐக்கிய விளையாட்டு சங்கத்தால், United Football League (UFL) எனும் தலைப்பில், ஆண்டுதோறும் கால்பந்து சுற்றுப்போட்டிகள் நடத்தப்பட்டு வருகிறது. இதுவரை 5 ஆண்டுகள் தொடர்ச்சியாக இப்போட்டிகள் நடத்தி முடிக்கப்பட்டுள்ளன.

நிகழாண்டு United Super Cup கோப்பைக்கான United Football League (UFL) கால்பந்துப் போட்டிகள், இம்மாதம் 04 முதல் 14ஆம் நாள் வரை நடத்தப்படுகிறது.

நான்காம் நாள் போட்டிகள் குறித்து, சுற்றுப்போட்டிக் குழுவின் சார்பில் வெளியிடப்பட்டுள்ள செய்தியறிக்கை:-

07/05/2018 திங்கட்கிழமை காலை 7:00 மணிக்கு நடைபெற்ற முதல் போட்டியில், Hardy Boys அணியும், Kayal Manchester அணியும் விளையாடின. இப்போட்டியில் Kayal Manchester அணியினர் 1 – 0 என்ற கோல் கணக்கில் வெற்றிபெற்றனர்.

அன்று காலை 8:00 மணிக்கு நடைபெற்ற இரண்டாவது போட்டியில் Woodlands அணியும், Speed Strikers அணியும் விளையாடின. இப்போட்டியில் Woodlands அணியினர் 2 – 1 என்ற கோல் கணக்கில் வெற்றிபெற்றனர்.

அன்று மாலை 5:00 மணிக்கு நடைபெற்ற போட்டியில், Silver Miners அணியும், Bangkok Ball Blasters அணியும் விளையாடின. இப்போட்டி 1 - 1 என்ற கோல் கணக்கில் சமநிலையில் நிறைவுற்றது.





சிறந்த வீரருக்கான பரிசுகள்:

அன்றைய தினம் காலை நடைபெற்ற முதல் போட்டியில் Hardy Boys அணியின் வீரர் ஷாதுல்லாஹ், இரண்டாவது போட்டியில் Woodlands அணியின் ஜெய்லானி, மாலை நடைபெற்ற போட்டியில் Bangkok Ball Blasters அணியின் ஷஃபிஆகியோர் சிறந்த வீரருக்கான பரிசுகளை பெற்றனர். இப்பரிசுகளுக்கான அனுசரனையை Masha Allah Garments, SAIS Boutique மற்றும் G-Cool நிறுவனத்தினர்கள் வழங்குகிறார்கள்.





இவ்வாறு அந்த அறிக்கையில் தெரிவிக்கப்பட்டுள்ளது.

தகவல் & படங்கள்:
‘கோடாக்கா’ ஃபைஸல்