{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் மற்றும் சுற்றுப்புறங்களில் கடும் வெயில் காரணமாக வெப்பம் நிறைந்த வானிலை நிலவி வருகிறது. இதனால், நகரில் நிலத்தடி நீர்மட்டமும் நாளுக்கு நாள் குறைந்து வருவதோடு, வறட்சிக்கான அறிகுறிகள் தெரியத் துவங்கியதையடுத்து, காயல்பட்டினம் அல்-ஜாமிஉஸ் ஸகீர் - சிறிய குத்பா பள்ளியில், இன்று வெள்ளிக்கிழமை ஜும்ஆ தொழுகையில் மழை வேண்டி குனூத் பிரார்த்தனையும், தொழுகை முடிந்த பின், சிறப்புப் பிரார்த்தனையும் செய்யப்பட்டது.

கத்தீப் மவ்லவீ அம்ஜத் அலீ மஹ்ழரீ ஃபைஜீ இச்சிறப்புப் பிரார்த்தனையை நடத்தினார். ஜும்ஆ தொழுகைக்கு வந்திருந்த நகரின் அனைத்துப் பகுதி மக்களும் இப்பிரார்த்தனையில் திரளாகக் கலந்துகொண்டனர்.