{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் தைக்கா தெருவிலுள்ள மஹான் ஸாஹிப் அப்பா தைக்காவில் அடங்கியிருக்கும் மஹான் உமர் வலிய்யுல்லாஹ் அவர்களின் 214ஆம் ஆண்டு கந்தூரி விழா 22.10.2010 வெள்ளிக்கிழமை நடைபெற்றது.





துல்கஃதா மாதம் பிறை 01 அன்று கொடியேற்றப்பட்டது. பிறை 01 முதல் 13 வரை தினமும் ஃபஜ்ர் தொழுகைக்குப் பின் கத்முல் குர்ஆன் ஓதி தமாம் செய்யப்பட்டது.

பிறை 12, காலை 09.30 மணி முதல் நண்பகல் 12 மணி வரையிலும், பிறை 13 அஸ்ர் தொழுகைக்குப் பின்பும் மவ்லித் மஜ்லிஸ் நடைபெற்றது.

பிறை 13 அன்று மஃரிப் தொழுகைக்குப் பின் ராத்திப் மஜ்லிஸும், இஷா தொழுகைக்குப் பின் சன்மார்க்க சொற்பொழிவும் நடைபெற்றது. ஹாஜி எம்.இசட்.ஜலீல் முஹ்யித்தீன் காதிரீ சிறப்புரையாற்றினார்.



முன்னதாக, 21.10.2010 அன்று கொடி ஊர்வலம் நடைபெற்றது. யானை, குதிரை, பல்லக்குகள் அடங்கிய இந்த ஊர்வலம் தஃப்ஸ் முழங்க, நகரின் முக்கிய தெருக்களின் வழியாக தைக்கா வளாகத்திற்குள் சென்று, மஹான் அவர்களின் அடக்கஸ்தலத்தில் போர்வை போர்த்தப்பட்டது.



ஊர்வல ஏற்பாடுகளை காயல்பட்டணம் முஹ்யித்தீன் மாணவர் மன்றத்தினர் செய்திருந்தனர்.

தகவல்:
ஹாஜி J.M.அப்துர்ரஹீம் காதிரீ B.E.,
மகுதூம் தெரு, காயல்பட்டினம்.