Kayal on the Web

செய்திகள்

செய்தி எண் (ID #) 4923

#KOTW4923

சனி, அக்டோபர் 23, 2010

கடற்கரையில் புதிதாக உயர்கோபுர ஒளிவெள்ள விளக்கு பொருத்தப்பட்டது!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 4404 முறை பார்க்கப்பட்டுள்ளது | வாசகர் கருத்துக்கள் காண (11) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 1)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் கடற்கரையில் உயர்கோபுர ஒளிவெள்ள விளக்குகள் புதிதாக பொருத்தப்பட்டுள்ளன.

சுமார் 15 ஆண்டுகளுக்கு முன் - அதுவரை இருண்ட நிலையிலிருந்த கடற்கரையில் புதிதாக உயர்கோபுர விளக்குகள் நிறுவப்பட்டு, அதுவே இதுவரை பயன்பட்டு வந்தது. இந்நிலையில், அந்த பழைய விளக்குகளில் ஏற்படும் பழுதுகளை சரி செய்வதற்காக கோபுரத்தின் உச்சியில் மின்வாரிய ஊழியர்கள் ஏறும்போது அக்கோபுரம் பலமாக ஆட்டம் காணுவதாகவும், இதனால், அவற்றில் ஏற்படும் பழுதுகளை உடனுக்குடன் சரிசெய்வதில் சிக்கல் உள்ளதாகவும் தெரிவிக்கப்பட்டதையடுத்து, நகர்மன்றக் கூட்டத்தில் நிறைவேற்றப்பட்ட தீர்மானத்தின் அடிப்படையில், ரூபாய் 5 லட்சம் செலவில், 12 ஒளி வெள்ள விளக்குகள் புதிய உயர்கோபுரத்துடன் மூலம் கடந்த 06.10.2010 அன்று இரவு 10.00 மணியளவில் நிறுவப்பட்டுள்ளதாக தெரிவிக்கப்படுகிறது.

இப்புதிய விளக்குகள் நிறுவப்பட்டுள்ளது குறித்து காயல்பட்டினம் நகர்மன்ற துணைத்தலைவர் எம்.ஏ.கஸ்ஸாலி மரைக்கார் தெரிவிக்கையில்,

சுமார் 15 ஆண்டுகளுக்கு முன் நிறுவப்பட்ட உயர்கோபுர விளக்குகளை, அக்கோபுரத்தின் அடிப்பகுதியில் ஏற்பட்டுள்ள பெரும் அரிப்பு மற்றும் கோபுரத்தின் அனைத்துப் பகுதிகளிலும் ஏற்பட்டுள்ள துருப்படிவம் காரணமாக அப்புறப்படுத்தி, இந்த புதிய உயர்கோபுர ஒளிவெள்ள விளக்குகள் 5 லட்சம் ரூபாய் செலவில் பொருத்தப்பட்டுள்ளது.

புதிய விளக்குகளைப் பொருத்துவதற்காக பழைய கோபுரத்தை க்ரேன் மூலம் அப்புறப்படுத்தும்போதே அதன் அடிப்பகுதி ஏற்கனவே நன்கு துருப்பிடித்து இற்றுப்போயிருந்த காரணத்தால் அப்படியே மடிந்து சாய்ந்தது.

தற்போது நிறுவப்பட்டுள்ள புதிய உயர்கோபுரத்தில் 400 வாட்ஸ் சக்தி கொண்ட 12 ஒளி வெள்ள (ஹைமாஸ்) விளக்குகள் இருக்கும். தினமும் மாலை 06.00 மணி முதல் இரவு 11.00 மணி வரை 12 விளக்குகளும் எரியும். இரவு 11.00 மணி முதல் மறுநாள் காலை 06.00 மணி வரை திசைக்கொன்றாக, அவற்றுள் 4 விளக்குகள் மட்டும் எரியும். இவையனைத்தும் தானியங்கி முறையில் (ஆட்டோமெடிக்) செயல்படும்.

அத்துடன், இந்த விளக்குகளில் பழுது ஏற்பட்டால், கோபுரத்தில் ஏறிச்சென்றுதான் பழுதுபார்க்க வேண்டும் என்ற அவசியமில்லை. மோட்டார் ரோப் டெக்னாலஜி உதவியுடன் இந்தக் கோபுரம் அமைக்கப்பட்டுள்ளதால், கீழேயிருந்தவாறு ஸ்விட்சைத் தட்டினாலே போதும்! அனைத்து விளக்குகளும் கீழே வந்துவிடும். பழுது நீக்கிய பின்னர் மீண்டும் ஸ்விட்சைத் தட்டி அவற்றை பழையபடி மேலேற்ற முடியும்.

இவ்வாறு அவர் தெரிவித்துள்ளார்.

{TAGS} Beach Light Pole Light Mast VP Vice President Municipality

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. LIGHTS
posted by SUBHAN (ABU DHABI) [23 October 2010]
IP: 195.*.*.*