{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் வாவு வஜீஹா வனிதையர் கல்லூரியில் மாணவியர் பேரவை நிறைவு விழா, கல்லூரி நிறுவனர் தலைவரும், காயல்பட்டினம் நகர்மன்றத் தலைவருமான ஹாஜி வாவு செய்யித் அப்துர்ரஹ்மான் தலைமையில் நடைபெற்றது.

கல்லூரியின் மூன்றாமாண்டு ஆங்கில இலக்கியத்துறை மாணவி எம்.ஃபாத்திமா நிஷா அனைவரையும் வரவேற்றார். மாணவியர் பேரவை துணைத்தலைவியும், இரண்டாமாண்டு வணிகவியல் மாணவியுமான பி.முத்து கதீஜா பேரவையின் அறிக்கையை வாசித்தார். பல்வேறு மன்றங்கள் சார்பாகவும் அறிக்கைகள் வாசிக்கப்பட்டன.

கல்லூரி முதல்வர் முனைவர் மெர்ஸி ஹென்றி, செயலர் ஹாஜி வாவு எம்.எம்.மொஹுதஸீம், இணைச் செயலாளர் மவ்லவீ ஹாஃபிழ் வாவு எஸ்.ஏ.ஆர்.அஹ்மத் இஸ்ஹாக், நிர்வாக அதிகாரி முனைவர் ஹம்ஸா முகைதீன் ஆகியோர் வாழ்த்திப் பேசினர்.

இவ்விழாவில், திருச்செந்தூர் ஆதித்தனார் கல்லூரியின் பொருளியல் துறை பேராசிரியர் எம்.கமல்ராஜ் சிறப்பு விருந்தினராகக் கலந்துகொண்டு சிறப்புரையாற்றியதோடு, பல்வேறு போட்டிகளில் வென்ற மாணவியருக்கு பரிசுகளை வழங்கினார்.

மாணவியர் பேரவை ஆலோசகர் எஸ்.ஏ.ரஹ்மத் ஆமினா பேகம் நன்றி கூறினார். வாவு அறக்கட்டளை உறுப்பினர்கள் ஹாஜி வாவு எஸ்.ஏ.ஆர்.அபுல்ஹஸன், ஹாஜி ஏ.எஸ்.முஹம்மத் அலீ ஆகியோர் கலந்துகொண்டனர்.