Kayal on the Web

செய்திகள்

செய்தி எண் (ID #) 6019

#KOTW6019

வியாழன், ஏப்ரல் 21, 2011

DCW தொழிற்சாலையில் தீ விபத்து தடுப்பு ஒத்திகை!

செய்தி: காயல்பட்டணம்.காம்
இந்த பக்கம் 3959 முறை பார்க்கப்பட்டுள்ளது | வாசகர் கருத்துக்கள் காண (6) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

DCW தொழிற்சாலையில் VCM தயாரிப்பு மையத்தில் தீ விபத்து ஏற்பட்டால் அவசர கால நடவடிக்கைகள் குறித்து மாதிரி ஒத்திகை நிகழ்ச்சி நடத்தி காண்பிக்கப்பட்டது.

தீயணைப்பு மற்றும் மீட்பு பணிகள் துறை சார்பில் தீயணைப்பு தொண்டு வார விழா கடை பிடிக்கப்படுகிறது. இதனையொட்டி விழிப்புணர்வு நிகழ்ச்சிகள் நடத்தப்பட்டு வருகின்றன. தீயணைப்பு மற்றும் மீட்பு பணிகள் துறை மற்றும் DCW தொழிற்சாலை இணைந்து தீ விபத்து ஏற்பட்டால் அதனை தடுப்பது குறித்த அவரச கால நடவடிக்கைகள் மாதிரி ஒத்திகை (Mock Drill) மூலம் செயல் விளக்கமாக செய்து காண்பிக்கப்பட்டது.

இத்தொழிற்சாலையில் வினைல் குளோரைடு மோனோமர் (VCM) டேங்கில் ஏற்றும் பகுதியில் மாதிரி ஒத்திகை நிகழ்ச்சி நடந்தது. நேற்று மதியம் 3.18 மணிக்கு பிளாண்டில் தீ பிடித்ததற்கான ஹாரன் ஒலிக்கப்பட்டது. இதனையடுத்து அவசர கால நடவடிக்கைகள் தொடங்கியது. உடனடியாக விசிஎம் மையத்தை சுற்றியுள்ள பகுதியிலிருந்து தண்ணீர் பாய்ச்சி அடிக்கப்பட்டது. மேலும் நாலாபுறமும் இருந்து தண்ணீர் பாய்ச்சி அடிக்கப்பட்டது. தொடர்ந்து சாகுபுரம் தீயணைப்பு வண்டி, திருச்செந்தூர் தீயணைப்பு வண்டிகள் சம்பவ இடத்திற்கு விரைந்து அவசர கால நடவடிக்கைள் செய்தனர். சம்பவ இடத்தில் மயங்கி விழுந்த இருவரை துரித கதியில் காப்பாற்றுவது போல ஒத்திகை நடந்தது.

இதுகுறித்து தூத்துக்குடி கோட்ட தீயணைப்பு மீட்பு பணிகள் துணை அலுவலர் மனோகரன் நிருபர்களிடம் கூறியதாவது:

1944ம் ஆண்டு ஏப்ரல் 14ம் தேதி மும்பையில் உள்ள விக்டோரியா துறைமுகத்தில் கப்பல் ஒன்றில் ஏற்பட்ட தீ விபத்தால் 100 மீட்டர் சுற்றுளவுக்கு பெரும் தீ விபத்து ஏற்பட்டது. இதில் 231 பேர் பலியானார்கள். 66 பேர் தீயணைப்பு துறையை சேர்ந்தவர்கள். ஆண்டுதோறும் இதனை நினைவு கூறும் வகையில் ஏபரல் 14ம் தேதி முதல் 20ம் தேதி வரை தீயணைப்பு தொண்டு வாரமாக கடைபிடிக்கப்படுகிறது.

இந்த நாட்களில் கல்வி நிறுவனங்கள், மருத்துவமனைகள், தொழிற்சாலைகள் மற்றும் பொதுமக்கள் அதிகம் கூடும் இடங்களில் தீயணைப்பு குறித்து விழிப்புணர்வு நிகழ்ச்சிகள் நடத்தப்படுகிறது. தூத்துக்குடி மாவட்டத்தில் 8 பெரிய தொழிற்சாலைகள் உள்ளன. இந்த தொழிற்சாலைகளில் போலி மாதிரி ஒத்திகை நிகழ்ச்சிகள் நடத்தப்படுவது உண்டு.

இந்த ஆண்டு டிசிடபிள்யூ., தொழிற்சாலையில் எளிதில் தீப்பற்ற கூடிய பகுதியை தேர்வு செய்து அதில் போலி மாதிரி ஒத்திகை நடத்தி காண்பிக்கப்பட்டது. அனைவரும் ஒருமித்து இந்தியநாட்டில் தீ பாதுகாப்பிற்காக பாடுபடுவோம் என்ற தலைப்பில் இந்த ஆண்டு நிகழ்ச்சிகள் நடத்தப்படுகின்றன.

இவ்வாறு அவர் கூறினார்.

இதுகுறித்து DCW உதவி தலைவர் ஜெயகுமார் நிருபர்களிடம் கூறுகையில்,

இந்த தொழிற்சாலையில் 2 மாதத்திற்கு ஒரு முறை இதே போன்று மாதிரி ஒத்திகை நிகழ்ச்சிகள் நடத்தப்பட்டு வருகிறது. இந்த ஆலையில் போதிய அளவில் முழுமையான பாதுகாப்பு வசதிகள் செய்யப்பட்டுள்ளது. இந்த ஆலையிலிருந்து 4 கி.மீ., தூரத்திற்கு வெளியே பொதுமக்கள் வசிக்கும் பகுதிகள் உள்ளன. இந்த முறை தீயணைப்பு துறையினருடன் இணைந்து இந்நிகழ்ச்சியை நடத்தியுள்ளோம். இது போன்ற தொடர் நிகழ்ச்சிகள் நடத்தப்படும். இந்த ஆலை முற்றுலும் பாதுகாப்பு கொண்டு ஆலையாக செயல்படுகிறது

இவ்வாறு அவர் கூறினார்.

இந்நிகழ்ச்சிக்கு DCW தொழிற்சாலை மூத்த உதவி தலைவர் சீனிவாசன் தலைமை வகித்தார். பாதுகாப்பு மேலாளர் ராஜாசங்கர் முன்னிலை வகித்தனர். துணை பாதுகாப்பு மேலாளர் ராஜராம் வரவேற்றார். தூத்துக்குடி கோட்ட தீணைப்பு துணை அலுவலர் லோகிதாஸ் உட்பட பலர் கலந்து கொண்டனர்.

தகவல்:
www.tutyonline.net

{TAGS} DCW VCM Fire Safety Drill Mock

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. வயிறு எரியுது ஐயா.. வயிறு எரியுது..
posted by சாளை S.I.ஜியாவுதீன் (அல்கோபார்) [21 April 2011]
IP: 2.*.*.*

Saudi Arabia | Comment Reference Number: 4058

ஒத்திகை எல்லாம் நல்லாப்பண்ணுங்க.

உங்களால் சுற்றுவட்டாரமே மாசுப்பட்டு அழிந்துக் கொண்டு இருக்கின்றதே, அதைப் பற்றி என்றாவது கவலைப்பட்டது உண்டா? குறைந்தது சுற்றுவட்டாரத்தை எட்டிப் பார்த்தாவது உண்டா? ஒத்திகை பார்க்கிறார்களாம் ஒத்திகை. வயிறு எரியுது ஐயா.. வயிறு எரியுது..இதை தடுப்பது குறித்த அவரச கால நடவடிக்கைகள் ஏதும் உண்டா?

சாளை S.I.ஜியாவுதீன், அல்கோபார்