Kayal on the Web

செய்திகள்

செய்தி எண் (ID #) 6424

#KOTW6424

சனி, ஜுன் 11, 2011

தனியார் பள்ளிகள் புதிய கல்வி கட்டணம் : 13ஆம் தேதி வெளியாகிறது!

செய்தி: காயல்பட்டணம்.காம்
இந்த பக்கம் 2548 முறை பார்க்கப்பட்டுள்ளது | வாசகர் கருத்துக்கள் காண (4) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

தனியார் பள்ளிகள் கல்வி கட்டணம் தொடர்பாக நீதிபதி ரவிராஜபாண்டியன் தலைமையில் அதிகாரிகள் நேற்று (ஜுன் 10) நடந்த கூட்டத்தில், புதிய கல்வி கட்டணம் நிர்ணயம் குறித்த அறிவிப்பு வரும் 13ஆம் தேதி வெளியிடப்படும் என தெரிவிக்கபட்டுள்ளது.

தனியார் பள்ளிகள் கல்வி கட்டணத்தை முறைப்படுத்த நீதிபதி கோவிந்த ராஜன் தலைமையில் கமிட்டி அமைக்கப்பட்டது. தமிழ்நாட்டில் உள்ள 11,500 தனியார் பள்ளிகளுக்கு கல்வி கட்டணத்தை நிர்ணயம் செய்து அறிவித்தது.

கமிட்டி நிர்ணயித்த கல்வி கட்டணத்தை கொண்டு பள்ளியை நடத்த இயலாது, உயர்த்தி தர வேண்டும் என்று 6400 தனியார் பள்ளிகள் மேல் முறையீடு செய்தன. மேல் முறையீட்டு மனுக்கள் மீது ஓய்வு பெற்ற நீதிபதி ரவிராஜ பாண்டியன் தலைமையிலான குழு விசாரணை நடத்தியது.

ஒவ்வொரு பள்ளி நிர்வாகிகளையும் தனித்தனியாக அழைத்து விசாரித்தனர். கட்டணத்தை உயர்த்தி கேட்பதற்கான காரணங்கள் அதற்கான சான்றுகளை ஆய்வு செய்தனர். பள்ளிகளின் கட்டமைப்பு வசதி, ஆசிரியர் சம்பளம், நிர்வாக செலவு உள்ளிட்ட செலவினங்களுக்கான தணிக்கை சான்றை கமிட்டியில் உள்ள ஆடிட்டர்கள் ஆய்வு செய்தனர்.

6400 பள்ளிகள் மீதான விசாரணை முடிந்துவிட்டது. அதைத் தொடர்ந்து குழுவினர் பள்ளிகளில் செலவினங்கள் குறித்த ஆடிட்டர் அறிக்கையை ஆய்வு செய்து கட்டணத்தை நிர்ணயித்துள்ளனர். முறையான ஆவணங்கள் இல்லாத, தணிக்கை சான்று இல்லாத பள்ளிகளுக்கு புதிய கல்வி கட்டணம் நிர்ணயிக்கப்படவில்லை.

கோவிந்தராஜன் கமிட்டி நிர்ணயித்த கட்டணமே பொருந்தும். மேல் முறையீடு செய்துள்ள பெரும்பாலான பள்ளிகளுக்கு கல்வி கட்டணம் உயர்த்தி நிர்ணயிக்கப்பட்டுள்ளது. 25 சதவீதம் வரை கட்டணம் உயர வாய்ப்பு உள்ளதாக தெரிகிறது. நீதிபதி ரவிராஜ பாண்டியன் தலைமையிலான குழுவினர் ஏறக்குறைய அனைத்து பணிகளையும் முடித்துவிட்டனர்.

இன்னும் 400 பள்ளிகளுக்கு ஆடிட்டர்கள் கையெழுத்திட வேண்டும். அந்த பணி மட்டுமே நிலுவையில் உள்ளது. அனைத்துப் பள்ளிகளும் 15-ந்தேதி திறக்கப்படுகிறது

இறுதி கட்ட பணி குறித்தும், புதிய கல்வி கட்டணம் வெளியிடுவது குறித்தும் இன்று நீதிபதி ரவிராஜபாண்டியன் தலைமையில் அதிகாரிகள் கூட்டம் நடந்த கூட்டத்தில், புதிய கல்வி கட்டணம் நிர்ணயம் குறித்த அறிவிப்பு வரும் 13ஆம் தேதி வெளியிடப்படும் என தெரிவிக்கபட்டுள்ளது.

தகவல்:
www.chennaionline.com

{TAGS} school fee fees schools private school private schools ravirajapandian committee

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. கல்வியை விற்று சொத்து
posted by MUTHU ISMAIL (KAYALPATNAM) [11 June 2011]
IP: 117.*.*.*

India | Comment Reference Number: 5173

அன்று சொத்தை விற்று கல்வியை கொடுத்தது அந்த காலம்.... இன்று கல்வியை விற்று சொத்து வாங்குவது இந்த காலம்... இனி ஒரு ஐயா ஆதித்தனார், கடமை வீரர் காமராஜ், S O ஹபீப் முஹம்மத் ஹாஜியார், L K லெப்பை தம்பி ஹாஜியார், ஆனா கானா ஹாஜியார், மற்றும் ஹாஜி V M S லெப்பை போன்றோர்கள் நம் ஊரில் (நாட்டில்) பிறக்க வேண்டும்...

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. என்ன அப்படி கோபம்
posted by சாளை S.I.ஜியாவுதீன் (அல்கோபார் ) [11 June 2011]
IP: 86.*.*.*

Saudi Arabia | Comment Reference Number: 5174

என்ன சகோ.முத்து இஸ்மாயில் அவர்களே, உங்களுக்கு என்ன அப்படி கோபம் இந்த நல்லவர்கள் மீது., நடக்கும் கன்றாவிகள் எல்லாம் பார்க்கனுமா.

அவர்கள் காலத்தில் எல்லாம் பள்ளிக்கூடங்கள் எல்லாம் அரசிடம் இருந்தது, சாராயக்கடை எல்லாம் தனியாரிடம் அங்கும் இங்குமாக இருந்தது.

நம் காலத்தில் சாராயக் கடைகள் எல்லாம் அரசாங்கத்திடம் வந்து விட்டது, பள்ளிகள் எல்லாம் தனியாரிடம் சென்று விட்டன. அவ்வளவு தான் வித்தியாசம்.

MKT அப்பாவை விட்டு விட்டீர்களே உங்கள் லிஸ்டில்.

சாளை S.I.ஜியாவுதீன், அல்கோபார்

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. கஹிரா பாடசாலை
posted by S.S.JAHUFER SADIK (Jeddah- K.S.A) [11 June 2011]
IP: 188.*.*.*

Saudi Arabia | Comment Reference Number: 5175

தம்பிமார்களுக்கு காஹிரா பாடசாலையை பற்றி தெரியாதுதான், நமதூரில் ஆரம்பத்தில் இப்பள்ளியை நிறுவியவர்கள் மர்ஹூம் அப்துல்ஹை ஆலிம் அவர்கள், இதுதான் பின்னர் எல்கே பாடசாலையாக மாறி இன்று வரை நடைபெறுகிறது. இதன் கல்வி பணி நீடூழி காலம் தொடர வல்ல இறைவனை இறைஞ்சுவோம் -சாதிக்- Jeddah

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

4. புண்ணிய பூமி!
posted by kavimagan kader (dubai) [11 June 2011]
IP: 92.*.*.*

United Arab Emirates | Comment Reference Number: 5176

தமிழகத்தின் மற்ற நகரங்களைவிட, கல்விப்பணியில் காயல் நகர நன்மக்கள் அதிகஅளவில் தம்மை அர்ப்பணித்துக் கொண்டுள்ளனர் என்பதே உண்மை. தன்னை விளம்பரப் படுத்தாத, கல்விக்கொடையாளர்கள் நிறைந்து வாழும் நமது ஊர் உண்மையிலேயே ஒரு புண்ணிய பூமி.

கடல் கடந்து உழைக்கின்ற நமதூர் பிள்ளைகள் அனேகம்பேர், ரத்த சொந்தமற்ற பலரது கல்விக்காக, எப்படியெல்லாம் உதவி செய்கின்றார்கள் என்பதனை அறிய வரும்போது, நெகிழ்ச்சியில் கண்ணீரே வந்துவிடும்.

கல்விக்காக தன்னை அர்ப்பணித்துக்கொண்ட மாமனிதர்களுள் ஹாஜி.ஆர்.எஸ்.அப்துல் லத்தீப் அவர்களது உழைப்பு மகத்தானது. இவர்களைப் போன்ற பெருமக்கள் நீண்டகாலம் நலமுடன் வாழ்ந்து, மென்மேலும் சமூகப்பணியாற்ற நாம் அனைவரும் துஆ செய்வோமாக!

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்