Kayal on the Web

செய்திகள்

செய்தி எண் (ID #) 6547

#KOTW6547

புதன், ஜுன் 22, 2011

சமச்சீர் கல்வி பாடப்புத்தகங்களில் நீக்கிய தாள்களை எரிக்க தடை!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 3024 முறை பார்க்கப்பட்டுள்ளது | வாசகர் கருத்துக்கள் காண (4) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

"சமச்சீர் கல்வி திட்ட வழக்கு முடிவடையும் வரை, பாடப்புத்தகங்களில் நீக்கிய தாள்களை, எரிக்கக் கூடாது' என, மாவட்ட முதன்மை கல்வி அலுவலர்களுக்கு, பள்ளி கல்வித் துறை செயலர் மூலம், சுற்றறிக்கை அனுப்பப்பட்டுள்ளது. முதல் மற்றும் ஆறாம் வகுப்புகளுக்கான சமச்சீர் கல்வி பாடத்திட்டத்திற்கு, ஏற்கனவே அச்சடிக்கப்பட்ட புத்தகங்களில், "செம்மொழி மாநாடு' மற்றும் சில ஆட்சேபகரமான பகுதிகள், ஆசிரியர்களால் நீக்கப்பட்டு, புத்தகங்கள் வழங்கப்பட்டுள்ளன.

இந்நிலையில், கடந்த 18ஆம் தேதி, பள்ளி கல்வித் துறை செயலர், தமிழகம் முழுவதும் உள்ள மாவட்ட முதன்மை கல்வி அலுவலருக்கு, சுற்றறிக்கை ஒன்றை அனுப்பியுள்ளார். அதில், "சமச்சீர் கல்வி திட்டம் தொடர்பான வழக்கு, நிலுவையில் உள்ளது. ஜூலை 15ஆம் தேதி, வழக்கு முடியும் வரை, பாடப்புத்தகங்களில் இருந்து தேவையற்றவை என்று ஒதுக்கப்படும் பொருட்கள் உட்பட, எந்த ஒரு பொருளையும் அகற்றவோ, எரிக்கவோ கூடாது' எனக் கூறப்பட்டுள்ளது.

மேலும், ஆறு முதல் பத்தாம் வகுப்பு வரையிலான வகுப்பாசிரியர்கள், பாட வாரியாக பாடம் நடத்த வேண்டிய, 154 பக்கங்கள் கொண்ட, "இணைப்பு பயிற்சி' புத்தகம் ஒன்றை அனுப்பியுள்ளது. மாவட்ட முதன்மை கல்வி அலுவலர் அறிவுரையின் பேரில், வகுப்பாசிரியர்கள் அனைவரும் தவறாமல் இப்புத்தகத்தை, நகல் எடுத்து மாணவர்களுக்கு பாடம் நடத்த வேண்டும் என அறிவுறுத்தப்பட்டுள்ளது.

நன்றி:
தினமலர் (22.06.2011)

{TAGS} samacheer kalvi css common school syllabus ban to burn samacheer kalvi book pages

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. உண்மையின் உரைக்கல்
posted by Lebbai (Riyadh) [22 June 2011]
IP: 88.*.*.*

Saudi Arabia | Comment Reference Number: 5536

ஒரே கல்லில் இரண்டு மாங்காய் என்பது போல், kayalpatnam .com பார்த்தால் இனி தினமலர் பார்க்கவேண்டியதில்லை போல் தெரிகிறது. தினமலர் உண்மையின் உரைக்கல் அல்லவா? ;)

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. எரிக்க தடை
posted by Cnash (Makkah ) [22 June 2011]
IP: 91.*.*.*

Saudi Arabia | Comment Reference Number: 5543

கிழிச்ச பக்கங்களை வேற என்ன செய்யணுமாம் வீட்டிலே Frame போட்டா மாட்டி வைக்க முடியும்!!

இந்த நியூஸ் எல்லா பத்திரிக்கைகளிலும் இன்னைக்கு வந்திருக்கு....வேணும்டா தினகரன் லே இருந்து எடுத்து போடுங்கோ!!! ஆனா கனிமொழி களி திங்குற நியூஸ் மட்டும் அதில் வராது ...தினமலர் கிட்டே இருந்து டான் எடுத்து போத வேண்டும்... Kayalpatnam .com கு டெல்லி நிருபர்கள் எல்லாம் இல்லை!!!!!!

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Thinamalar
posted by Lebbai (Riyadh) [22 June 2011]
IP: 2.*.*.*

Saudi Arabia | Comment Reference Number: 5559

பிற நாளிதழ்களில் வரும் செய்திகள் என்று பார்க்கும் போது மிக அதிகமாக தினமலர் பத்திரிகையில் உள்ளதை தான் போடுகிறார்கள். "புதன், ஜுன் 22 , 2011 சமச்சீர் கல்வி பாடப்புத்தகங்களில் நீக்கிய தாள்களை எரிக்க தடை!" என்ற நியூஸ் க்காக நான் கமெண்ட் அடிக்கவில்லை. எனவே சீனா அவர்களின் கமெண்டுக்கு நான் கமெண்ட் அடிப்பது பொருத்தம் ஆகாது.

"தகவல் தினமலர்" என்று அதிக நியூஸ் இல் வருவதால் தான் நான் சொன்னேன். தினமணி போன்ற ஓரளவு நியாயமாக உள்ள பத்திரிகையில் உள்ள தகவல் போடலாமே என்ற எண்ணத்தில் தான். கமெண்ட் எழுதியது kayalpatnam.com நலம் நாடும் ஒரு உரிமையில் தானே.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

4. எங்கிருந்து கிடைத்தாலும்...
posted by Daruttibyan Network (Kayalpatnam) [23 June 2011]
IP: 117.*.*.*

India | Comment Reference Number: 5563

காயல்பட்டணம்.காம் வலைதளத்தில் வெளியிடப்படும் செய்திகள் அனைத்தும் காயல்பட்டினத்துடன் தொடர்பானவையாகவோ அல்லது காயல்பட்டினம் மக்களுக்குத் தேவையான தகவல்களாகவோதான் இருக்கும்.

செய்தியாளர் நேரடியாக களத்திற்குச் சென்று அவருழைப்பில் சேகரிக்கும் செய்திகள் அப்படியே வெளியிடப்படும்... பிற ஊடகங்களிலிருந்தோ, பிறரின் துணையுடனோ வெளியிடப்படும் செய்திகளில் அவர்களது பங்களிப்புக்கு முக்கியத்துவம் தரும் வகையில் அந்த ஊடகம் அல்லது தனி நபரின் பெயருடன் வெளியிடப்படும்.

இது விஷயத்தில் எத்தனை செய்திகள் என்பது ஒரு பொருட்டல்ல. இந்த தளத்தில் வெளியிடத் தேவையான தகவல்கள் எந்த ஊடகங்களிலிருந்து கிடைக்கப் பெற்றாலும் அவை வெளியிடப்பட்டு வருகிறது.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்