{ முகநூல் கருத்துக்கள்}{ட்விட்டர் கருத்துக்கள்}

ரமழான் (1432) மாத அமாவாசை ஜூலை 30 சனிக்கிழமையன்று - இங்கிலாந்து நேரப்படி மாலை 6:40 மணி அளவில் ஏற்பட்டது. அப்போது இந்திய நேரம் நள்ளிரவு 12:10 (ஜூலை 31).

உலகளவில் இப்பிறையை முதன் முதலாக - வெறுங்கண்கள் கொண்டு - தென் ஆப்ரிக்காவில் காண முடியும் என கணிக்கப்பட்டிருந்தது. பிறையை ஜூலை 31 மாலையில் - மக்ரிபுக்கு பிறகு - தேடும்படி அறிவிப்புகள் தென் ஆப்ரிக்கா முழுவதும் வெளியிடப்பட்டிருந்தன. பார்க்கவும் இங்கே



இந்திய நேரப்படி சுமார் இரவு 9:30 மணி அளவில் தென் ஆப்ரிக்கா ஜாமியத்துல் உலமா தலைமை செயலாளர் இப்ராகிம் பாம் - தென் ஆப்ரிக்காவின் பல பகுதிகளில் ரமழான் பிறை காணப்பட்டதாக - ஒருங்கிணைந்த உலமாக்கள் குழு சார்பாக - அதிகாரப்பூர்வமாக அறிவித்தார். அதனை தொடர்ந்து - தென் ஆப்ரிக்காவில் நாளை (ஆகஸ்ட் 1) ரமழான் 1 ஆகும்.

இவ்வறிவிப்பினை - தென் ஆப்ரிக்காவின் இஸ்லாமிய வானொலி நிலையங்களான அல் அன்சார் உட்பட பல வானொலி நிலையங்கள் நேரடியாக ஒலிபரப்பு செய்தன.

புகைப்படம் செய்தியுடன் ஆகஸ்ட் 1 அன்று இணைக்கப்பட்டது