IP: 117.*.*.* India

அஸ்ஸலாமு அலைக்கும் (வரஹ்).

உள்ளாட்சி அமைப்புகளின் தேர்தல் வரும் அக்டோபர் மாதத்தில் நடத்தப்படும் என்று பட்ஜெட்டில் அறிவித்திருப்பதால் இன்ஷா அல்லாஹ்! அக்டோபரிலோ அல்லது அதன்பின் ஒரு சில மாதத்திலோ தேர்தல் நடைபெற வாய்ப்புக்கள் இருக்கிறது.

ஆகையால் நமது மக்கள் தேர்தலை சந்திப்பதற்குண்டான ஆயத்தப் பணிகளை இப்பொழுதே மேற்கொள்வது நல்லது. எதையும் காலம் தாழ்த்தாமல் அதன் உரிய நேரத்திலே செய்தால் வெற்றிக் கிடைக்கும்.

----------------------------------------------

இன்று ஊர், உலகம் எல்லாம் மோசமாகத்தான் இருக்கிறது - தலைவராக, உறுப்பினர்களாக யார் ? எவரெல்லாம் வந்தால் நமக்கென்ன ? எல்லோரும் ஒரே மாதிரியாகத்தான் இருப்பார்கள் என்று வெறுத்து , சலிப்படைய வேண்டாம்.

தேர்தல் வரும் முன்பே திட்டமிட்டு, சுயலாபம் கருதாது பொதுச் சேவை செய்யக்கூடியவர்களை தேர்ந்தெடுத்து நகர்மன்றத்திற்கு அனுப்பினால் நல்லதொரு மாற்றத்தை நம் ஊர் அடையும் என்பதை நினைவில் கொண்டு செயல்படுவோமாக.

----------------------------------------------

நமது மக்கள் தயவு செய்து அவரவர் பகுதிகளில் உள்ள ஜமாஅத் , சங்கம் மற்றும் பொதுத் தொண்டு நிறுவனங்களை இப்பொழுதே முடுக்கி விட்டு தேர்தலை சந்திப்பதற்குண்டான ஆயத்தப் பணிகளை தொடங்குவது நல்லது.

அந்தந்தப் பகுதிகளில் உள்ள சுறு,சுறுப்பான தகுதி வாய்ந்தவர்களை இப்போதே தேர்வு செய்து வைத்துக்கொள்வது சிறந்தது. தேர்தல் அதிகாரபூர்வமாக அறிவிக்கப்படும்போது அவசரக்கோலத்தில் முடிவு செய்ய வேண்டிய நிலை இல்லாது பார்த்துக்கொள்ளுங்கள்.

அரசியல் வாதிகள் இல்லாத நகர் மன்றத்தை அமைத்து , வெளியிலிருந்து அரசியல் வாதிகளின் நல்லாலோசனைகளை பெற்று , நகர் மன்ற சரித்திரத்திலே ஒரு மாற்றத்தை ஏற்படுத்தி ஊருக்கும் , மக்களுக்கும் சேவை செய்திட வேண்டுகிறேன்.

----------------------------------------------

மக்களே!

வெள்ளை உள்ளம் படைத்த நல்லதொரு பெரிய மனிதரை தலைவராக தேர்ந்தெடுத்து - தம்பி'களாய் உறுப்பினர்கள் தலைவரை சூழ்ந்திருந்து நல்லாட்சி நமது நகர்மன்றத்தில் மலர்ந்திட நம் மக்கள் அனைவரும் ஓன்று பட்டு செயல்படுவோமாக - வல்ல அல்லாஹ்வும் அதற்கு துணை செய்வானாக ஆமீன்.

வஸ்ஸலாம்.