{ முகநூல் கருத்துக்கள்}{ட்விட்டர் கருத்துக்கள்}

விளையாட்டுத் துறை மூலம் காயலர்களை ஒருங்கிணைக்கும் வி-யுனைட்டெட் ஸ்போர்ட்ஸ் க்ளப் சார்பில் ஆண்டுதோறும் க்ரிக்கெட், கால்பந்து மற்றும் கைப்பந்து உள்ளிட்ட போட்டிகளடங்கிய சுற்றுப்போட்டிகள் காயல் ப்ரீமியர் லீக் என்ற பெயரில் நடத்தப்பட்டு வருகிறது.

ரமழான் மாத நிறைவுக்குப் பின்னர், வி-யுனைட்டெட் சார்பில் காயல் ப்ரீமியர் லீக் கைப்பந்துப் போட்டிகள் நகரளவில் நடத்தப்படவுள்ளது. இச்சுற்றுப்போட்டியில் பங்கேற்கும் அணிகளை உரிமையெடுக்க விரும்புவோருக்கு அழைப்பு விடுத்து, வி-யுனைட்டெட் ஸ்போர்ட்ஸ் க்ளப் நிறுவனர் அலீ ஃபைஸல் வெளியிட்டுள்ள அறிக்கை பின்வருமாறு:-

அன்பின் காயலர்களுக்கு அஸ்ஸலாமு அலைக்கும் வரஹ்...

காயல்பட்டினத்தில் விளையாட்டுத் துறை மூலம் மக்களிடையே ஒற்றுமையை வளர்க்கவும், நகர விளையாட்டு வீரர்களிடமுள்ள ஆட்டத்திறனுக்கு மெருகேற்றும் நோக்கோடும், இறையருளால் நமது வி-யுனைட்டெட் ஸ்போர்ட்ஸ் க்ளப் சார்பில் கடந்த மூன்றாண்டுகளாக, கால்பந்து, க்ரிக்கெட், கைப்பந்து சுற்றுப்போட்டிகளை, ஐக்கிய விளையாட்டு சங்கம் (யு.எஸ்.ஸி.), காயல் ஸ்போர்ட்டிங் க்ளப் (கே.எஸ்.ஸி.), இளைஞர் ஐக்கிய முன்னணி (ஒய்.யு.எஃப்.), வள்ளல் சீதக்காதி நினைவு நூலக மைதானம் மற்றும் முன்னாள் - இந்நாள் விளையாட்டு வீரர்கள், ஆர்வலர்களின் ஒத்துழைப்புடன் நடத்தப்பட்டு வருகிறது.

இன்ஷாஅல்லாஹ் இவ்வாண்டு நோன்புப் பெருநாள் நிறைவுற்ற பிறகு நமது வி-யுனைட்டெட் ஸ்போர்ட்ஸ் க்ளப் சார்பில் காயல் ப்ரீமியர் லீக் கைப்பந்து சுற்றுப்போட்டி இரண்டாமாண்டாக நடத்த திட்டமிடப்பட்டுள்ளது.

இப்போட்டியில் பங்குகொள்ளும் அணிகளுக்கான உரிமையாளர்கள் வரவேற்கப்படுகின்றனர். அணிகளை உரிமையெடுக்க விரும்புவோர், கீழ்க்காணும் விபரப்படி பொறுப்பாளர்களை அவர்களின் கைபேசி எண்ணில் தொடர்புகொண்டு தமது பங்கேற்பை உறுதி செய்துகொள்ளுமாறு அன்புடன் கேட்டுக்கொள்கிறேன்.

காயல்பட்டினம்: எஸ்.எம்.ஜெய்னுல் ஆப்தீன் : 0091 - 9443871509
சென்னை: எம்.எம்.சாகுல்ஹமீது : 0091 - 9884145525
சவுதி அரேபியா: 00966 - 503610043
அபுதாபி: அலாவுதீன் : 00971 - 503441670
இலங்கை: ஜனாப் ரஃபீக் ஹாஜி : 00947 - 77307751
ஹாங்காங்: அலீ ஃபைஸல் : 00852 - 97540095

இவ்வாறு, வி-யுனைட்டெட் ஸ்போர்ட்ஸ் க்ளப் நிறுவனர் அலீ ஃபைஸல் தனதறிக்கையில் தெரிவித்துள்ளார்.

தகவல்:
வி-யுனைட்டெட் ஸ்போர்ட்ஸ் க்ளப் சார்பாக,
S.R.B.ஜஹாங்கீர்,
அல்தாஃப் எண்டர்ப்ரைசஸ், தைக்கா பஜார், காயல்பட்டினம்.