Kayal on the Web

செய்திகள்

செய்தி எண் (ID #) 8083

#KOTW8083

புதன், பிப்ரவரி 29, 2012

விடுதியில் மேற்கூரை அமைக்க நிதி தேவை! ஆயிஷா சித்தீக்கா மகளிர் இஸ்லாமியக் கல்லூரி வேண்டுகோள்!!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 3455 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

திறந்த வெளியாக இருக்கும் மாணவியர் விடுதி வராண்டாவை, பருவ நிலை மாற்றங்களுக்கேற்ப மாணவியருக்கு பாதுகாப்பானதாக அமைத்திட நிதியுதவி தேவைப்படுவதாக காயல்பட்டினம் ஆயிஷா சித்தீக்கா மகளிர் இஸ்லாமிய கல்லூரியின் சார்பில் வேண்டுகோள் விடுக்கப்பட்டுள்ளது.

இதுகுறித்து அக்கல்லூரியின் சார்பில் வெளியிடப்பட்டுள்ள அறிக்கை பின்வருமாறு:-

ஆயிஷா சித்தீக்கா மகளிர் இஸ்லாமிய கல்லூரியின் வேண்டுகோள்!

அன்புடையீர், அஸ்ஸலாமு அலைக்கும் வரஹ்மத்துல்லாஹி வபரகாதுஹ்...

இறையருளால் கடந்த 23 வருடங்களாக நமது அயிஷா சித்தீக்கா மகளிர் இஸ்லாமியக் கல்லூரி அதன் தூய நோக்கோடும் ஏகத்துவ கொள்கை பிடிப்போடும் இயங்கி வருவதை தாங்களெல்லாம் அறிவீர்கள்.

கிட்டத்தட்ட 300க்கும் மேற்பட்ட மாணவியர் தற்போது நமது கல்லூரியில் பயின்று வருகின்றனர் அவர்களுள் 200க்கும் மேற்பட்ட வெளியூர் மாணவியர் விடுதியில் தங்கி பயின்று வருகின்றனர்.

புதிதாகக் கட்டப்பட்டுள்ள கல்லூரி மாணவியர் விடுதியின் உள் கட்டமைப்பு திறந்தவெளியாக இருப்பதால், விடுதியில் தங்கிப் படிக்கும் மாணவியர் கோடை காலம், குளிர் காலம் மற்றும் மழைக் காலங்களின் தட்ப-வெப்ப நிலைகளின் தாக்குதலால் மிகுந்த சிரமப்படுகின்றனர்.

அது மட்டுமின்றி, நமது கல்லூரியில், ஆண்டுவிழா மற்றும் மார்க்கப் போட்டிகள் ஆண்டுதோறும் இருபெரும் நிகழ்ச்சிகளாக அழகிய ஏற்பாட்டுடன் மாணவியர்களின் இஸ்லாமிய அறிவுத் திறனை உயர்த்தும் வண்ணம் நடைபெற்று வருகிறது.

இவ்விழா நாட்களிலும் தாழ்வாரம் இல்லாத சூழ்நிலைகள் சிரமத்தை ஏற்படுத்துவதால் இச்சிரமங்களை எல்லாம் போக்க நிரந்தர கூரை போட வேண்டிய நிர்பந்தத்தில் உள்ளோம். விடுதியின் உள் வளாகம் கிட்டத்தட்ட 5804 சதுர அடி அளவில் உள்ளது. இந்த வளாகத்தில் இரும்பு ஆங்கிள் அடித்து கூரை போடுவதற்கு ரூபாய் 8 லட்சம் தேவைப்படுகிறது.

எனவே நல்லுள்ளம் கொண்டவர்கள் இந்த நன்மையான காரியத்தை முடித்து தருவதின் மூலம் இறைவனிடம் இம்மை மறுமையின் நற்பேறுகளை பெறும் நல்லடியார்களாக திகழ்வோமாக!

இவ்வகைக்காக நிதியுதவி செய்ய விரும்புவோர்

Bank: INDIAN OVERSEAS BANK
Branch: KAYALPATTINAM
IFSC Code: IOBA0000491 [For online / NEFT Transfer]
Account Type: Savings
Account No: 049101000018460
Name: M.S. Syed Katheeja

என்ற வங்கிக் கணக்கில் தங்களது பொருளாதார ஒத்துழைப்புகளை அனுப்பித் தருமாறு அன்புடன் வேண்டுகிறோம். ஜஸாக்குமுல்லாஹு கைரா...

இவ்வாறு, ஆயிஷா சித்தீக்கா மகளிர் இஸ்லாமியக் கல்லூரியின் சார்பில் கேட்டுக்கொள்ளப்பட்டுள்ளது.

[கூடுதல் தகவல் இணைக்கப்பட்டது @ 15:53/03.03.2012]

{TAGS} asgic ayisha siddeeqa girls islamic college aysha siddeeqa students hostel over roof

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. மறு வேண்டுகோளுடன், ஆலோசனையும்.
posted by ஹைதுரூஸ் ஆதில் (கோழிக்கோடு-கேரளா) [29 February 2012]
IP: 122.*.*.*

India | Comment Reference Number: 17286

ஆயிஷா சித்தீக்கா மகளிர் இஸ்லாமிய கல்லூரி நிர்வாகிகளுக்கு அஸ்ஸலாமு அலைக்கும்,

நமது உள்ளூர் பெண்களுக்குக்காக வயது வித்தியாசம் இல்லாமல், குடும்ப பெண்கள் முதல் எல்லா தரப்பட்ட பெண்களையும் இணைத்து, எளிமையான முறையிலும், ஆனால் தேவையான கண்டிப்புடனும் மார்க்க கல்வி படிப்பதற்கான வசதிகளை நல்ல திட்டத்துடன் ஏற்பாடு செய்யுங்கள். அப்படி செய்யும்போது நம் பெண்கள் மத்தியில் தற்போது நிலவும் குடும்ப பிரச்சினைகள், மன உளைச்சல்கள், இன்னும் பல பிரச்சினைகளும் இந்த "தீன்" உள்ளே செல்லும் போது அவர்களுக்கு மட்டுமல்லாமல் நமது சமுதாயத்தில் ஒரு பெரிய மாற்றத்தை நிச்சயம் உருவாக்கும். அத்துடன் நீங்கள் எதிர்பார்க்கும் இந்த தேவைகளுக்கு நீங்கள் "கோடு போட்டால் ரோடு போடும் அளவுக்கு" அவர்களே முன் வந்து இதை போல பல தேவைகளும் ரொம்பவும் எளிதாகவே நடை முறைக்கு வரும். இன்ஷாஅல்லாஹ்.

இவைகள் எல்லாம் சும்மா சொல்லுவதில்லை. கூடுதல் விளக்கம் வேணும்னா நிர்வாகிகள் தொடர்பு கொள்ளலாம்.

han.aadhilyahoo.com (or) +91 98953 33500

ஹைதுரூஸ் ஆதில், கோழிக்கோடு-கேரளா.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. இறைக்க, இறைக்கத்தான் கிணற்றுத் தண்ணீர் ஊற்றெடுத்து பெருகும்! உங்கள் செல்வமும் அது போலத்தான்...!!!
posted by M.N.L.முஹம்மது ரஃபீக். ஹிஜாஸ்மைந்தன். (காயல்பட்டணம்) [29 February 2012]
IP: 180.*.*.*

India | Comment Reference Number: 17296

இம் மதரஸாவுக்காக எவ்வித பிரதிபலனும் இன்றி தம் உடல் உழைப்பை அர்ப்பணித்து வரும் எத்தனையோ நல்ல உள்ளங்கள், ரகீபாக்கள், ஆசிரியர், ஆசிரியைகள், குறிப்பாக சகோதரர் அபுல் ஹஸன் கலாமி, மற்றும் அவரது துணவியார் அவர்களுக்கு அல்லாஹ் அதற்குரிய நற் கூலியை இம்மையிலும், மறுமையிலும் வழங்கியருள்வானாக!

இக் கல்லூரியின் விடுதியில் உள் வளாகத்தில் கோடை காலங்களில் வீசும் அனல் காற்றால் அறைக்குள் வெந்து வெம்ம்பிக் கிடக்கும் மாணவியர்களின் நிலமை வருத்தத்திற்குரியதே!

அல்லாஹ்வின் திருப் பொருத்தத்தை நாடி இலாப நோக்கு இன்றி மார்க்க கல்வியை இஸ்லாமிய சமுதாயத்தின் மகளிர் தமக்கு அளித்து வரும் இக் கல்லூரி போற்றப் படக்கூடியதே! பல சிரமங்களை மேற்கொண்டாலும் அதையெல்லாம் தாங்கி ஓர் இலட்சிய பாதையில் வழி நடத்திச் செல்லும் அதன் நிவாகிகள் யாவரும் தியாகிகள் தாம்! நல்லோர்களே! தனவந்தர்களே! அல்லாஹ் உங்களுக்குத் தந்துள்ள செல்வத்தை அவனுக்காக அவன் விரும்பும் வழியில் செலவு செய்யுங்கள். உங்களைப் பொருத்தவரை எட்டு இலட்சம் என்பது பெருந் தொகை அல்ல. ஈகை குணத்தால் வாரிவழங்குங்கள்! இறைக்க இறைக்கத்தான் கிணற்றுத் தண்ணீர் ஊற்றெடுத்து பெருகும்! உங்கள் செல்வமும் அது போலத்தான்.

மாணவியர்களின் சிரமங்களை மனதில் கொண்டு மனமுவந்து தாராளமாக உதவுங்கள்! அல்லாஹ் உங்களுக்கு நிச்சயம் உதவுவான். இன்ஷா அல்லாஹ்.

-ராபியா மணாளன்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:விடுதியில் மேற்கூரை அமைக்...
posted by M.M. Seyed Ibrahim (Chennai) [29 February 2012]
IP: 122.*.*.*

India | Comment Reference Number: 17302

அன்பின் ஹைதுரூஸ் ஆதில் அவர்களுக்கு,

நீங்கள் வேண்டுகோள் வைத்தது நிர்வாகத்திற்கு என்றாலும், சில தகவல்கள் என்னால் தர இயலும்.

இந்த மதரசாவில் பலதரப்பட்ட பெண்களுக்கும் COURSES உண்டு. விபரங்களுக்கு http://www.asgic.org/

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்