Kayal on the Web

செய்திகள்

செய்தி எண் (ID #) 8089

#KOTW8089

வெள்ளி, மார்ச் 2, 2012

தொடர்மின்வெட்டைக் கண்டித்தல், கூடங்குளம் அணு மின் நிலையத்தைத் திறக்க வலியுறுத்தல் குறித்து இன்று மாலையில் கலந்தாலோசனைக் கூட்டம்!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 3360 முறை பார்க்கப்பட்டுள்ளது | வாசகர் கருத்துக்கள் காண (4) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 1)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

தொடர் மின்வெட்டு மற்றும் கூடங்குளம் அணு மின் நிலையத்தைத் திறக்க வலியுறுத்தி காயல்பட்டினம் அரசியல் கட்சிகள், வணிகர்கள் மற்றும் பொதுநல அமைப்புகள் கலந்தாலோசனைக் கூட்டம் இன்று (02.03.2012) வெள்ளிக்கிழமை மாலை 04.30 மணியளவில் காயல்பட்டினம் பழைய தொலைபேசி நிலையத்தின் பின்புற வளாகத்தில் நடைபெறுகிறது.

இதுகுறித்து, நகர பொதுநல அமைப்புகள், அரசியல் கட்சிகள் மற்றும் வணிகர் அமைப்புகளின் பிரதிநிதிகளுக்கு அழைப்பு விடுத்து இந்திய யூனியன் முஸ்லிம் லீக் காயல்பட்டினம் நகர கிளை தலைவர் ஹாஜி வாவு கே.எஸ்.முஹம்மத் நாஸர் வெளியிட்டுள்ள அறிக்கை பின்வருமாறு:-

காயல்பட்டினத்தில் தினமும் 10 மணி நேர மின்தடையால் பொதுமக்கள், வணிகர்கள், பள்ளி மாணவர்கள் மிகவும் பாதிக்கப்பட்டுள்ளனர்.

மேலும், கூடங்குளம் அணு மின் நிலையத்தை உடனடியாகத் திறக்கவும், மத்திய - மாநில அரசுகளின் கவனத்திற்கு தெரியப்படுத்தவும் நடைபெறவுள்ள இந்த ஆலோசனைக் கூட்டத்தில் தங்களது அமைப்பின் நிர்வாகிகள் அவசியம் கலந்து, ஆலோசனை வழங்க அன்புடன் வேண்டுகிறோம்.

இவ்வாறு ஹாஜி வாவு கே.எஸ்.முஹம்மத் நாஸர் தனதறிக்கையில் தெரிவித்துள்ளார். இக்கலந்தாலோசனைக் கூட்டத்திற்கான ஒருங்கிணைப்புப் பணிகளை, இந்திய யூனியன் முஸ்லிம் லீக் தூத்துக்குடி மாவட்ட துணைச் செயலாளர் மன்னர் பாதுல் அஸ்ஹப், காக்கும் கரங்கள் அமைப்பின் தலைவர் எம்.ஏ.கே.ஜெய்னுல் ஆப்தீன் ஆகியோர் இணைந்து செய்து வருகின்றனர்.

{TAGS} power cut shut down eb electricity board koodankulam koodangulam all party meeting iuml mlg

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. நகர வணிகர்கள் அனைவர்களும் ஒரு நாள் கடை அடைப்புடன் போராட்டம் செய்ய வேண்டும்..
posted by நட்புடன் - தமிழன் முத்து இஸ்மாயில். (விடுதலை சிறுத்தைகள் கட்சி. ) [02 March 2012]
IP: 117.*.*.*

India | Comment Reference Number: 17324

நகர மக்கள் அனைவர்களும் வரவேற்க்ககூடிய மிகவும் பயனுள்ள கலந்தாலோசனைக் கூட்டத்தை ஏற்பாடு செய்த காயல்பட்டிணம் நகர முஸ்லீம் லீக் கட்சிக்கு எனது பாராட்டுக்கள் மற்றும் வாழ்த்துக்கள்...

சிறுதொழில் மற்றும் பெறுதொழில் செய்வோர் மற்றும் நோயாளிகள் அனைவர்களும் இந்த மின்சார தடையல் மிகவும் பாதிக்கபட்டுள்ளர்கள்.. நகர வணிகர்கள் அனைவர்களும் ஒரு நாள் கடை அடைப்புடன் போராட்டம் செய்ய வேண்டும்...

நட்புடன் - தமிழன் முத்து இஸ்மாயில்.
உறுப்பினர் - விடுதலை சிறுத்தைகள் கட்சி.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:தொடர்மின்வெட்டைக் கண்டித்...
posted by K.V.A.T.KABEER - DOHA -QATAR (DOHA) [02 March 2012]
IP: 78.*.*.*

Qatar | Comment Reference Number: 17327

இன்றைய தேவை , தடை இல்லா மின்சாரமே ... மாணவர்களுக்கு முழு ஆண்டுத்தேர்வு தொடங்கி உள்ள , இந்த சூழலில், தொடர் மின் வெட்டால், மக்கள் படும் அவதி சொல்லி முடிவதில்லை .

இந்நிலையில் கூடங்குளம் அணு மின் நிலையம் இயங்கினால் மட்டுமே , மின் வெட்டு இல்லா, நிலை உண்டாகும் . தினந்தோறும் நம்மை சுற்றி இயற்கையான கதிரியக்கங்கள் நிகழ்துக்கொண்டே இருகிறதே ..நம் உடலில் , காற்றில் , மண்ணில் , பாறைகளில் ...என ஏராளம் . ஒருகிலோ நிலக்கரி சாம்பலில் மட்டுமே 2000 Bq கதிர் அளவு உள்ளதாக , Natural Background Radiation கூறுகிறதே .ஒரு வருடத்திற்கு சராசரியாக ஒரு மனிதன் 1 .5 மில்லி சிவ்வெர்ட் அளவிற்கு காமா கதிரியக்க தாக்குதலுக்கு ஆளாகிறான் என Natural Background Radiation கூறுகிறது .

அணு மின்நிலைய தேவைக்கும் - எதிர்ப்புக்கும் இடையில் நம்மக்கள் படும் பாடு , பாவத்திலும் பாவம் . ஒரு நாட்டின் முன்னேற்றத்திற்கு - மின்சாரம் தேவை ..

சிநேகமுடன்
K .V . A .T .புஹாரி ஹாஜி அறக்கட்டளை சார்பில் ,
கே.வி .ஏ .டி . கபீர்,
கத்தார் .

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. இந்த லிங்க் ஐ சொடுக்கி பாருங்களேன்.
posted by ஹைதுரூஸ் ஆதில் (கோழிக்கோடு-கேரளா.) [02 March 2012]
IP: 122.*.*.*

India | Comment Reference Number: 17330

கடையடைப்பு போராட்டம் நடத்தி என்ன பிரயோஜனம்?

இந்த லிங்க் ஐ http://www.onlinepj.com/unarvuweekly/thadayilla_minsaram_sathiyame/ சொடுக்கி பாருங்களேன்.

ஹைதுரூஸ் ஆதில், கோழிக்கோடு-கேரளா.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

4. Re:தொடர்மின்வெட்டைக் கண்டித்...
posted by Mohmed younus (Trivandram) [02 March 2012]
IP: 122.*.*.*

India | Comment Reference Number: 17339

கண்மூடி கொண்டு கூடங்குளம் அணு மின் நிலையத்தை திறக்க வலியுறுத்தும் போராட்ட குழுவினர்க்கு, கயல்பட்டினத்தின் கூடங்குலமான D.C.W ஆலையை மறந்துவிட வேண்டாம்.

நாம் என்ன காரணம் கொண்டு இந்த ஆலையை எதிர்கிறோம, அதே காரணத்தைதான் அந்த மக்களும் கூறுகின்றனர். பின், நமது போராட்டம் வலு இழந்ததாக ஆகி விடும்.

கருணாநிதி நேற்று தானே, ஆலையை திறக்க வேண்டும் என்று அறிவித்தார். அதற்குள்ளே... களத்தில்.... இந்திய யூனியன் முஸ்லிம் லீக்... நல்ல தோழமை....

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்