{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் ஐக்கிய விளையாட்டு சங்க நிர்வாகத்தின் சார்பில், ஆண்டுதோறும் மே மாதத்தில், “மவ்லானா அபுல்கலாம் ஆஸாத் நினைவு சுழற்கோப்பை”க்கான அகில இந்திய கால்பந்து போட்டி என்ற பெயரில் கால்பந்து சுற்றுப்போட்டிகள் நடத்தப்பட்டு வருகிறது. நடப்பாண்டு போட்டிகள் மே மாதம் 09ஆம் தேதியன்று துவங்கி, 27ஆம் தேதி நிறைவுறுகிறது.

15.05.2012 அன்று (இன்று) நடைபெற்ற போட்டியில், தமிழ்நாடு பொலிஸ் - சென்னை அணியும், பாலக்காடு பொலிஸ் - பாலக்காடு அணியும் மோதின.





ஆட்டத்தின் துவக்கம் முதலே சென்னை அணி நன்றாக ஆடியது. அந்த அணியின் சத்தீஷ் குமார் ஆட்டத்தின் 11ஆவது நிமிடத்திலும், சிவா 56ஆவது நிமிடத்திலும் கோல் அடித்தனர். அதே அணி வீரர் ரமணன் ஆட்டத்தின் 75 மற்றும் 81ஆவது நிமிடங்களில் அடுத்தடுத்து இரண்டு கோல்களை அடித்தார்.







ஆட்ட நேர இறுதி வரை பாலக்காடு அணி கோல் எதுவும் அடிக்காததால், தமிழ்நாடு பொலிஸ் - சென்னை அணி, 4-0 என்ற கோல் கணக்கில் வெற்றி பெற்று காலிறுதிக்குள் நுழைந்தது.

இந்த அணி, 16.05.2012 அன்று (நாளை) நடைபெறும் இரண்டாவது காலிறுதிப் போட்டியில், ஸ்டேட் பாங்க் ஆஃப் திருவாங்கூர் - திருவனந்தபுரம் அணியுடன் மோதுகிறது.

இன்று நடைபெற்ற போட்டியை, நகரின் அனைத்துப் பகுதிகளைச் சார்ந்த கால்பந்து ரசிகர்கள் ஆவலுடன் கண்டுகளித்தனர்.