{ முகநூல் கருத்துக்கள்}{ட்விட்டர் கருத்துக்கள்}

இந்திய ஹஜ் குழு (Haj Committee of India) மூலம் - தமிழகத்திலிருந்து இவ்வருடம் ஹஜ் செய்ய உள்ள யாத்ரிகர்கள் தேர்வு மே 16 அன்று மதியம் சென்னை புதுக்கல்லூரி வளாகத்தில் உள்ள ஹாஜி அனைக்கர் அப்துல் சுக்கூர் அரங்கில் நடைபெற்றது.

தமிழகத்தில் இருந்து இவ்வருடம் 12,110 விண்ணப்பங்கள் பெறப்பட்டுள்ளன. தமிழகத்திற்கான ஒதுக்கீடு மொத்தம் 2863 இடங்கள். முன்னரே அறிவித்தப்படி இரண்டு வகையான விண்ணப்பதாரர்களுக்கு முன்னுரிமை கொடுக்கப்பட்டு - குலுக்கல் இல்லாமல் அவர்கள் தேர்வு செய்யப்பட்டனர். அவ்விரண்டு வகை விண்ணப்பதாரர்கள் - 70 வயதை தாண்டிய விண்ணப்பதாரர் (ஒரு துணையுடன்) - 464 பேர் மற்றும் கடந்த மூன்று ஆண்டுகளாக விண்ணப்பம் செய்து (2009 - 2011) தேர்வு ஆகாதவர் - 682 பேர்.

இவ்விரண்டு வகைகளுக்கு உட்பட்டு விண்ணப்பம் செய்திருந்த 1146 பேரும் குலுக்கல் இன்றி தேர்வு செய்யப்பட்டனர். அவர்கள் நீங்கி மீதி இருந்த 10,964 விண்ணப்பங்கள் கொண்டு, மாவட்டம் வாரியாக - 1717 இடங்களுக்கான குலுக்கல் மட்டும் நடைபெற்றது.

தேர்வுசெய்யப்படாத விண்ணப்பங்களில் இருந்து - காத்திருப்பவர் பட்டியல் - தற்போது தர வரிசைப்படி வெளியிடப்பட்டுள்ளது. அதனை காண இங்கு அழுத்தவும்

தேர்வுசெய்யப்பட்டவர் அனைவரின் விபரங்களையும் காண இங்கு அழுத்தவும்