{ முகநூல் கருத்துக்கள்}{ட்விட்டர் கருத்துக்கள்}

ஷவ்வால் (1433) மாத அமாவாசை ஆகஸ்ட் 17 வெள்ளிக்கிழமை அன்று - இங்கிலாந்து நேரப்படி மாலை 3:55 மணி அளவில் நிகழ்ந்தது. அதனை தொடர்ந்து பிறை காணப்பட்டதாக வெளியான அறிவிப்புகளின் தொகுப்பு:

பிஜி தீவில் இன்று (ஆகஸ்ட் 18) பிறை பார்க்கப்பட்டதாக பிஜி முஸ்லிம் லீக் பொது செயலாளர் முஹம்மது தாபிஷ் அக்பரை மேற்கோள்காட்டி Moonsighting.com இணையதளம் அறிவித்துள்ளது.

ஆஸ்திரேலியாவில் சிட்னி நகரில் உள்ள ரூடி ஹில் பள்ளிவாசலின் இமாம் டாக்டர் சபீர் அஹ்மதை மேற்கோள்காட்டி - பந்தூரா (விக்டோரியா மாகாணம்) பகுதியில் இன்று (ஆகஸ்ட் 18) பிறை காணப்பட்டதாக - Moonsighting.com இணையதளம் அறிவித்துள்ளது.

இந்தோனேசியாவின் பாண்டுங் பகுதியில் இருந்து அஹ்மத் அட்ஜியை மேற்கோள்காட்டி - அங்கு இன்று (ஆகஸ்ட் 18) பிறை காணப்பட்டதாக Moonsighting.com இணையதளம் அறிவித்துள்ளது.

ஜெர்மனியின் மியூனிக் நகரில் இருந்து - பகல் நேரத்தில் - CCD கேமரா தொழில் நுட்பம் உதவிக்கொண்டு, இன்று (ஆகஸ்ட் 18) மதியம் - பொறியாளர் மார்டின் எலசர் பிறையினை புகைப்படம் எடுத்ததாக Islamic Crescents' Observation Project இணையதளம் - Icoproject.org - அறிவித்துள்ளது.



இலங்கையில் இன்று (ஆகஸ்ட் 18) மன்னார் பகுதியில் பிறை காணப்பட்டதாக அறிவிக்கப்பட்டது. பிறை தென்பட்டதாக - கொழும்பு பெரிய பள்ளிவாசல் ஹமீதியா மண்டபத்தில் இருந்து - இலங்கை வானொலியின் இஸ்லாமிய சேவை சற்று முன்னர் (8:40 pm) நேரடியாக அறிவித்தது.

தென் ஆப்ரிக்காவின் நியூ காசல் உட்பட பல பகுதிகளில் இன்று (ஆகஸ்ட் 18) பிறை காணப்பட்டதாக - தென் ஆப்ரிக்காவின் United Ulema Council சார்பாக Radio Islam வானொலி நிலையம் மூலம் சற்று முன்னர் (இந்திய நேரம் 9:45 pm) அறிவிக்கப்பட்டது.



தான்சானியா நாட்டில் பிறை காணப்பட்டது என Islamic Crescents' Observation Project அமைப்பின் இணையதளம் - Icoproject.org தெரிவிக்கிறது.