காயல்பட்டினம் ஜாவியாவில், ஷாதுலிய்யா தரீக்கா ஷெய்குமார்களின் 148ஆம் ஆண்டு நினைவு நாள் நிகழ்ச்சிகள் இம்மாதம் 02ஆம் தேதி முதல் 08ஆம் தேதி வரை ஜாவியா வளாகத்தில் நடைபெறுகிறது.

இந்நாட்களில் தினமும் இரவு 08.30 மணி முதல் 09.30 மணி வரை பல்வேறு தலைப்புகளில் மார்க்க அறிஞர்களின் உரைகள் இடம்பெறுகின்றன.

02.10.2012 அன்று, கலீஃபத்துல் குலஃபா மவ்லவீ ஹாஃபிழ் எஸ்.எம்.எம்.அப்துல் காதிர் முத்துவாப்பா ஃபாஸீ, ஷாதுலிய்யா தரீக்காவின் மகிமை என்ற தலைப்பிலும், அதனைத் தொடர்ந்து, ஜாவியா அரபிக் கல்லூரியின் பேராசிரியர் மவ்லவீ கே.சுல்தான் ஸலாஹுத்தீன் மளாஹிரீ, துஆக்களின் சிறப்புகளும் - ஒழுக்கங்களும் என்ற தலைப்பிலும்,

03.10.2012 அன்று, ஹாமிதிய்யா மார்க்கக் கல்வி நிறுவனத்தின் பேராசிரியர் மவ்லவீ ஹாஃபிழ் சாவன்னா பாதுல் அஸ்ஹப் ஃபாஸீ, குழந்தை வளர்ப்பில் பெற்றோரின் பங்கு என்ற தலைப்பிலும்,

03.10.2012 அன்று, ஜாவியா அரபிக்கல்லூரியின் துணை முதல்வர் மவ்லவீ ஹாஃபிழ் எஸ்.கே.எம்.காஜா முஹ்யித்தீன் காஷிஃபீ, ஸஹீஹான ஹதீஸ்கள் குர்ஆனுக்கு முரண்படுமா? என்ற தலைப்பிலும் உரையாற்றியுள்ளனர்.

05.10.2012 அன்று (இன்று) ஜாவியா திருக்குர்ஆன் மனனப் பிரிவு ஆசிரியர் மவ்லவீ ஹாஃபிழ் என்.எஸ்.மாமுனா லெப்பை, இஸ்லாமும் - பெண்களும் என்ற தலைப்பில் உரையாற்றவுள்ளார்.

06.10.2012 அன்று, திருநெல்வேலி டவுண் வி.ம.பள்ளிவாசலின் தலைமை இமாம் மவ்லவீ எஃப்.ஜமால் முஹம்மத் ஹுஸைன் பாக்கவீ, இஸ்லாமும் - இளைஞர்களும் என்ற தலைப்பிலும்,

07.10.2012 அன்று, கலீஃபத்துஷ் ஷாதுலீ மவ்லவீ ஹாஃபிழ் எம்.ஏ.அப்துல் வதூத் ஃபாஸீ, ஷரீஅத்தின் அடிப்படைகள் என்ற தலைப்பிலும் உரையாற்றுகின்றனர்.

08.10.2012 அன்று காலை 09.00 மணிக்கு திக்ர் ஹல்காவும், அதனைத் தொடர்ந்து யவ்முல் இல்ம் - கல்வி தின நிகழ்ச்சியும், ஜாவியா அரபிக்கல்லூரியின் முதல்வர் மவ்லவீ எஸ்.எம்.முஹம்மத் ஃபாரூக் அல்ஃபாஸீ தலைமையில் நடைபெறுகிறது. இதில், கல்லூரி மாணவர்கள் உரையும், அதனைத் தொடர்ந்து, கலீஃபத்துல் குலஃபா மவ்லவீ ஹாஃபிழ் எஸ்.எம்.எம்.அப்துல் காதிர் முத்துவாப்பா ஃபாஸீ, ஜாவியா அரபிக்கல்லூரியின் துணை முதல்வர் மவ்லவீ ஹாஃபிழ் எஸ்.கே.எம்.காஜா முஹ்யித்தீன் காஷிஃபீ, மவ்லவீ எம்.என்.முஹம்மத் அப்துல் காதிர் ஃபாஸீ ஆகியோர் உரையாற்றுகின்றனர்.

அன்று மஃரிப் தொழுகைக்குப் பின் திக்ர் ஹல்கா நடைபெறுகிறது. அதனைத் தொடர்ந்து, ஷாதுலீய்யா தரீக்கா ஷெய்குமார்களின் சரித்திரங்கள் என்ற தலைப்பில், மவ்லவீ எஸ்.எம்.முஹம்மத் ஃபாரூக் அல்ஃபாஸீ உரையாற்றுகிறார்.

இந்நிகழ்ச்சிகள் அனைத்தையும் உலகம் முழுவதிலுமுள்ள பொதுமக்கள் கேட்கும் வகையில், www.ustream.tv/channel/zaviakayal என்ற இணையதள பக்கத்தில் நேரலை செய்யப்படவுள்ளதாகவும், அனைவரும் இதனைப் பயன்படுத்திக்கொள்ளுமாறும் ஜாவியா நிர்வாகம் சார்பில் கேட்டுக்கொள்ளப்பட்டுள்ளது.

தகவல்:
ஹாஃபிழ் M.S.முஹம்மத் ஸாலிஹ்