Kayal on the Web

செய்திகள்

செய்தி எண் (ID #) 9383

#KOTW9383

செவ்வாய், அக்டோபர் 16, 2012

இன்று (அக்டோபர் 16) முதல் 20 லட்சம் லிட்டர் தண்ணீர் வழங்கப்படும்: TWAD அதிகாரி தகவல்!

செய்தி: காயல்பட்டணம்.காம்
இந்த பக்கம் 2265 முறை பார்க்கப்பட்டுள்ளது | வாசகர் கருத்துக்கள் காண (4) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 1)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம், ஆறுமுகநேரி, ஆத்தூர் மற்றும் திருச்செந்தூர் பகுதிகளுக்கு மேலாத்தூரில் உள்ள தமிழ்நாடு குடிநீர் வடிகால் வாரிய சுத்திகரிப்பு மற்றும் குடிநீரேற்று நிலையத்திலிருந்து பாதுகாக்கப்பட்ட குடிநீர் வினியோகம் செய்யப்படுகிறது.

அணைகளில் நீர் குறைவாக இருந்ததாலும், நீர் வரத்து பாதிக்கப்பட்டதாலும் - காயல்பட்டினம் நகராட்சிக்கு வழமையாக வழங்கப்பட்ட 23 லட்சம் லிட்டர் தண்ணீருக்கு பதிலாக, குறைந்தளவு தண்ணீரே கொடுக்கப்பட்டு வருகிறது. தினமும் 11 லட்ச லிட்டர் என குறைக்கப்பட்ட தண்ணீரின் அளவு, படிப்படியாக உயர்த்தப்பட்டு, தற்போது 15 லட்ச லிட்டர் என்ற அளவிற்கு உயர்ந்துள்ளது.

இதற்கிடையில் அக்டோபர் 14 அன்று ஆத்தூர் குடிநீரேற்று நிலையத்திலிருந்து காயல்பட்டினம் நகருக்கு குடிநீரேற்றப்படும் பிரதான குழாயில், ஆத்தூர் - ஆறுமுகநேரிக்கு இடையேயுள்ள வரண்டியவேல் என்ற ஊர்ப்பகுதியில் உடைப்பு ஏற்பட்டது. இதனால் நீர் கசிவு ஏற்பட்டதால் குடிநீர் விநியோகம் நிறுத்தப்பட்டிருந்தது. மூன்று நாட்கள் போராட்டத்திற்குப் பின் இன்று (அக்டோபர் 16) காலை 08.00 மணியளவில் உடைப்பு சரிசெய்யப்பட்டுள்ளது.

இது குறித்து காயல்பட்டணம்.காம் - தமிழ்நாடு குடிநீர் வடிகால் வாரியத்தின் துணை பொறியாளர் பாலசுப்ரமணியமிடம் வினவியது. இன்று காலை - உடைப்பு சரிசெய்யப்பட்டவுடன், மீண்டும் தண்ணீர் பம்ப் செய்ய துவக்கப்பட்டதாகவும், தொடர்ந்து - நாளை மாலை 4 மணி வரை (32 மணி நேரம்) - காயல்பட்டினத்திற்கு தண்ணீர் பம்ப் செய்யப்படும் என்று தெரிவித்தார். அதன்படி இன்று முதல் தினசரி 20 லட்சம் லிட்டர் தண்ணீர் காயல்பட்டினத்திற்கு வழங்கப்பட உள்ளது என்றும் அவர் தெரிவித்தார்.

காயல்பட்டினம் நகராட்சி - தமிழ்நாடு குடிநீர் வடிகால் வாரியத்திற்கு வழங்கவேண்டிய பாக்கி தொகை 40 லட்ச ரூபாயில், 30 லட்ச ரூபாய் தரப்பட்டுவிட்டதாகவும், மீதியுள்ள 10 லட்ச ரூபாயில் பெரும்பங்கு, மின்சார கட்டணம் என்றும், அதனை நகராட்சி நேரடியாக மின்சார வாரியத்திடம் செலுத்திய பிறகு, மீதி பாக்கி தொகையை தமிழ்நாடு குடிநீர் வடிகால் வாரியத்திற்கு கட்டும் என தான் எதிர்பார்ப்பதாகவும் அவர் மேலும் தெரிவித்தார்.

{TAGS} twad authoor mela authoor water supply drinking water wsis pumping

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. இவர்களுக்கு மீடியாவும், வீடியோவும், புகைப்படமும் தான் நகர்மன்றத்தில் விவாதமாக உள்ளது...
posted by நட்புடன் - தமிழன் முத்து இஸ்மாயில். (காயல் - 97152 25227) [16 October 2012]
IP: 117.*.*.*

India | Comment Reference Number: 22834

20 லட்சம் லிட்டர் தண்ணீர் காயல்பட்டினத்திற்கு உள்ளே வருகிறதா...! கண்டிப்பாக வராது..! 20 லட்சம் லிட்டர் தண்ணீர் வரவே வராது....! உறுதியாக எத்தனை லிட்டர் தண்ணீர் வருகிறது என்று அறிய வேண்டுமானால் தனவந்தர் ஜனாப் ஹாஜி ஜமால் மாமா அவர்கள் நகராட்சிக்கு பைபாஸ் ரோட்டில் நன்கொடையாக கொடுத்த இடத்தில் மீட்டர் பொருத்தினால் மட்டுமே... சரியான தண்ணீர் அளவு தெரிய வரும்..

நகராட்சி தலைவரும் மற்றும் உறுப்பினர்களும் இதை முக்கியமான வாழ்வாதாரம் என்று நினைத்து இந்த மீட்டர் பொருத்தும் விசியத்தில் இறங்கி நடவடிக்கை எடுப்பார்களா...?

Administrator: Comment edited

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:...
posted by NMZ.Ahamedmohideen (KAYALPATNAM) [16 October 2012]
IP: 117.*.*.*

India | Comment Reference Number: 22838

கணக்குதான் இருபது லட்சம் !ஆனால் வரவு எத்துனை லட்சம் ?

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Great Jamal Mama's Meter Room
posted by Jahir Hussain VENA (Bahrain) [16 October 2012]
IP: 188.*.*.*

Bahrain | Comment Reference Number: 22840

மகிழ்ச்சியான செய்தி...

______________________

Any news Fixing Water flow Meter @ Kayal Entry Point.. Serveral times posted comments regrarding Water meter .....

____________________________

" ஜமால் மாமா இடத்தில் கட்டிய மீட்டர் ரூமை காணவில்லை " என்ற செய்தி வரகூடாது என ஆசை படுகிறன்....

Dear Admin,

My Intension is not to hurt any one feeling by posting such comments ....but public is eagerly awaiting for water flow meter for our benefit...

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

4. Re:...
posted by K.D.N.MOHAMED LEBBAI (AL-KHOBAR) [16 October 2012]
IP: 37.*.*.* | Comment Reference Number: 22842

அஸ்ஸலாமு அலைக்கும்.

நம் ஊருக்கு வழங்கப்படும் லிட்டர் தண்ணீர் அளவு எல்லாம் சரி தான் சாரோ .....இந்த அளவு தண்ணீர் நம் ஊருக்கு பூராவும் வந்து ..நம் மக்களுக்கு கிடைத்தால்.தண்ணீர் தட்டுபாடே வராதே...ஆனால் நம் ஊரில் தான் தண்ணீர் பிரசனை என்பது மாபெரும் சக்தியாகவே தெரிகிறது.

இதில் இருந்து நமக்கு என்ன தெரிகிறது என்றால் நம் ஊருக்கு கிடைக்க கூடிய தண்ணீர் குறைந்து .....நமக்கு வரகூடிய தண்ணீர் வேறு எங்கோ போகிறது ....என்று தான் அறுத்தம்.....

தண்ணீர் விஷயதில் நம் நகர் மன்ற தலைவி அவர்களும் + நம் நகர் மன்ற உறுப்பினர்கள் யாவர்களும் ஒன்றாகவே இதில் முளுக்குவே கவனம் செலுத்தினால் நன்றாக இருக்கும்.

மக்கள் தொகை அதிகம் கொண்ட நம் ஊருக்கு தண்ணீரின் அளவை குறைத்ததே மாபெரும் தவறு .....நம் நகர் மன்றமே எந்த ஒரு தீவிரமான நடவடிக்கை எடுக்காமல் இருந்ததே தப்பு தான் .தீவிரமான நடவடிக்கை எடுத்து இருந்தால் நம் ஊருக்கு தண்ணீர் பிரச்சனை வந்து இருக்காது.

இப்போது நம் பகுதிகளில் மழை பெய்து வருவதால் இன்ஷா அல்லாஹ் ஓரளவுக்கு நம் ஊருக்கு தண்ணீர் பிரச்சனை நீங்க சான்சு உண்டு ..............................

வஸ்ஸலாம்
K.D.N.MOHAMED LEBBAI
AL-KHOBAR
SAUDI ARABIA

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்