{ முகநூல் கருத்துக்கள்}{ட்விட்டர் கருத்துக்கள்}

இம்மாதம் 26ஆம் தேதி அரஃபா தினம் என்றும், மறுநாள் 27ஆம் தேதி ஈதுல் அழ்ஹா - ஹஜ் பெருநாள் என்றும், காயல்பட்டினம் மஹ்ழரா அரபிக்கல்லூரி, ஜாவியா அரபிக்கல்லூரி ஆகியவற்றின் உலமாக்கள் (மார்க்க அறிஞர்கள்) மற்றும் காயல்பட்டினம் நகரின் மார்க்க அறிஞர்கள் கூட்டுக் கூட்டத்தில் அறிவிக்கப்பட்டுள்ளது.

இன்று இஷா தொழுகைக்குப் பின் - இரவு 08.00 மணியளவில், காயல்பட்டினம் மஹ்ழரா அரபிக்கல்லூரி வளாகத்தில் நடைபெற்ற இக்கூட்டத்தின் நிறைவில் வெளியிடப்பட்ட அறிக்கை பின்வருமாறு:-

ஹிஜ்ரீ 1433 (17.10.2012) புதன்கிழமை பின்னேரம் - வியாழக்கிழமை இரவு, மஹ்ழரத்துல் காதிரிய்யா அரபிக்கல்லூரியில் வைத்து, மவ்லவீ எஸ்.இ.காழி அலாவுத்தீன் ஆலிம் அவர்கள் தலைமையில், மஹ்ழரத்துல் காதிரிய்யா அரபிக்கல்லூரி, ஜாவியத்துல் ஃபாஸிய்யத்துஷ் ஷாதுலிய்யா அரபிக்கல்லூரி மற்றும் நகர உலமாக்கள் கூட்டம், துல்ஹஜ் பிறை விஷயமாக நடைபெற்றது.



அக்கூட்டத்தில், நேற்று - 16.10.2012 செவ்வாய் பின்னேரம் புதன் இரவு துல்கஃதா பிறை 29 முடிந்து, பிறை தென்படவில்லை. நமதூரில் மழை பொழிந்தது. மேலும் பல ஊர்களிலும் தொடர்புகொண்டபோதும் பிறை தென்பட்ட செய்தி உறுதிபடுத்தப்படவில்லை.

எனவே, 16.10.2012 செவ்வாய் பின்னேரம் துல்கஃதா பிறை 30ஐ பூர்த்தியாக்கி, 17.10.2012 புதன் பின்னேரம் வியாழக்கிழமை இரவு துல்ஹஜ் பிறை 01 என்று தீர்மானித்து, அதன்படி - 26.10.2012 அரஃபா தினமாகவும், 27.10.2012 சனிக்கிழமை ஹஜ்ஜுப் பெருநாள் (ஈதுல் அழ்ஹா) எனவும் இக்கூட்டத்தில் உலமாக்களால் ஏகமனதாக முடிவு செய்து அறிவிக்கப்படுகிறது.

மேலும், தமிழக தலைமை காழி அவர்களும் இவ்வாறே அறிவிப்பு செய்துள்ளார்கள். அதனையும் இக்கூட்டத்தில் உலமாக்களால் ஏற்று மேற்கண்டவாறு முடிவு செய்யப்பட்டது.

அல்லாஹ் போதுமானவன்.

இவ்வாறு அந்த அறிக்கையில் தெரிவிக்கப்பட்டுள்ளது.



இக்கூட்டத்தில்,
மவ்லவீ ஏ.கே.அபூ மன்ஸூர் மஹ்ழரீ
மவ்லவீ ஹாஃபிழ் எச்.ஏ.அஹ்மத் அப்துல் காதிர் மஹ்ழரீ
ஹாஜி எம்.ஏ.எம்.சதக்கத்துல்லாஹ் என்ற ச.த.
மவ்லவீ எஸ்.டி.அம்ஜத் அலீ மஹ்ழரீ (தூ-டி மாவட்ட காழீ)
மவ்லவீ ஹாஃபிழ் என்.டி.எஸ்.முஹம்மத் ஸாலிஹ் நுஸ்கீ மஹ்ழரீ

மவ்லவீ ஹாஃபிழ் கே.ஏ.அஹ்மத் அப்துல் காதிர் மஹ்ழரீ
மவ்லவீ ஹாஃபிழ் பி.முஹம்மத் அபூபக்கர் ஷாதுலீ ஃபாஸீ
மவ்லவீ ஹாஃபிழ் எஸ்.செய்யித் அப்துர்ரஹ்மான் தங்ஙள் அஹ்ஸனீ ஃபாழில் பாக்கவீ
மவ்லவீ ஏ.கே.முஹம்மத் அஸ்ஃபர் அஷ்ரஃபீ
மவ்லவீ ஹாஃபிழ் சாவன்னா பாதுல் அஸ்ஹப் ஃபாஸீ

மவ்லவீ காஜா முஹ்யித்தீன் பாக்கவீ
மவ்லவீ ஏ.செய்யித் முஹம்மத்
மவ்லவீ முஹம்மத் முஹ்யித்தீன்
மவ்லவீ ஐ.அப்பாஸ் காஷிஃபீ
மவ்லவீ கே.சுல்தான் ஸலாஹுத்தீன் மழாஹிரீ

மவ்லவீ ஏ.எம்.அபுல்ஹஸன் ஃபாஸீ
மவ்லவீ எம்.ஐ.முஹம்மத் அலீ
மவ்லவீ ஹாஃபிழ் மாமுனா லெப்பை
ஆகிய உலமாக்களும்,
மஹ்ழரத்துல் காதிரிய்யா சபை செயலாளர் ஹாஜி எம்.ஏ.எஸ்.அபூதல்ஹா உள்ளிட்ட நிர்வாகிகளும் கலந்துகொண்டனர்.





தகவல் & படங்கள்:
M.W.ஹாமித் ரிஃபாய்