|
காயல்பட்டினம் மற்றும் சுற்றுவட்டாரங்களில் வெயிலின் தாக்கத்தால் வெப்ப வானிலை பல மாதங்களாக நிலவி வந்தது. அக்டோபர் மாத துவக்கத்தில் துவங்கிய வடகிழக்குப் பருவமழை காரணமாக வானிலையில் மாற்றம் ஏற்பட்டது.
ஒரு சில நாட்களே பருவ மழை பெய்துள்ளதால், எதிர்பார்த்த அளவுக்கு மழை பெய்யாமல், வடகிழக்குப் பருவமழை பொய்த்துள்ளது.
இதனையடுத்து, தேவையான அளவுக்கு பருவமழை வேண்டி இன்று காயல்பட்டினம் அல்ஜாமிஉஸ் ஸகீர் - சிறிய குத்பா பள்ளியில், ஜும்ஆ தொழுகையின்போது மழை வேண்டி சிறப்புப் பிரார்த்தனை செய்யப்பட்டுள்ளது. ஜும்ஆ தொழுகையை வழிநடத்திய அப்பள்ளியின் கத்தீப் மவ்லவீ எஸ்.எம்.முஹம்மத் ஃபாரூக் அல்ஃபாஸீ, ஜும்ஆ தொழுகையில் - மழை வேண்டி குனூத் சிறப்புப் பிரார்த்தனை நடத்தினார்.
மழைப் பிரார்த்தனையை உள்ளடக்கிய இத்தொழுகையில் சுமார் ஆயிரம் பேர் வரை கலந்துகொண்டனர். |
China
Saudi Arabia
