{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் சமூக நல்லிணக்க மையம் - தஃவா சென்டர் சார்பில் ‘அழைப்பாளன்’ பயிற்சி வகுப்பு நடத்தி முடிக்கப்பட்டுள்ளது. திரளானோர் பங்கேற்றனர்.

இதுகுறித்து, தஃவா சென்டர் சார்பில் வெளியிடப்பட்டுள்ள அறிக்கை வருமாறு:-

பிஸ்மில்லாஹிர்ரஹ்மானிர்ரஹீம்

’’அழைப்பாளன்’’ பயிற்சி வகுப்புகள்

தஃவா தர்பிய்யாயின் Batch-2 நிறைவு வகுப்பு

இஸ்லாத்தை பிற மத சகோதரர்களுக்கு எவ்வாறு எடுத்து சொல்வது என்பதை நமது தஃவா தர்பிய்யா Batch-2 வகுப்பின் மூலம் இதுவரை 7-வகுப்புகளையும் நடத்தி முடித்துள்ளோம் அல்ஹம்துலில்லாஹ்.

கடந்த 17.03.2013 ஞாயிறு அன்று வகுப்பில் இதுவரை நடத்தப்பட்ட பாடங்களை கொண்டு பிறமத சகோதர சமூகத்தினர் தஃவா களத்தில் கேட்கும் கேள்விகளுக்கு எவ்வாறு பதில் அளிப்பது? என்று நமது தஃவா சென்டர் மேலாளர் அவர்கள் வகுப்பை சிறப்பாக நடத்தித் தந்தார்கள்.



இந்நிகழ்ச்சியில் மாணவர்களும் பயிற்சி பாடத்தின் மூலம் தங்களுடைய ஃபாணியில் பதில் அளித்தனர்.

மதியம் மாணவர்களுக்கு பேச்சுப் பயிற்சி மற்றும் அன்றாடம் நம் ஓதவேண்டிய துஆக்கள் மனன பயிற்சியும் அளிக்கப்பட்டது.

இன்ஷாஅல்லாஹ் பயிற்சியில் கலந்துக் கொண்ட மாணவர்களுக்கான நேரடி தஃவா களப்பயிற்சி வருகிற ஏப்ரல் மாதம் 21 தேதி அன்று நடக்க உள்ளது. இத்துடன் தஃவா தர்பிய்யா வகுப்புகள் நிறைவடைந்தது. அல்ஹம்துலில்லாஹ்.





முன்பு அறிவிந்திருந்தபடி மாலை 05.00 மணியளவில் மனமே அமைதி பெறு என்ற தலைப்பில் சிறப்பு தர்பிய்யா குறிப்பாக பெண்களுக்கு ஏற்பாடு செய்யப்பட்டது. இதில் ஏராளமான உள்ளூர் ஆண்களூம் பெண்களும் கலந்து கொண்டு பயன்பெற்றனர். அல்ஹம்துலில்லாஹ். இந்த வகுப்பையும் நமது தஃவா சென்டர் மேலாளர் அவர்கள் நடத்தினார்கள். இத்தர்பிய்யாவில் இவ்வுலக வாழ்க்கைக்காக அமைதியை தொலைத்து விட்டு அமைதி எங்கோ இருக்கின்றது என தேடிதிரியும் மக்களுக்கு இஸ்லாம் காட்டி தந்துள்ள வழிமுறைகளை குர்ஆன் வசனம் மற்றும் ஹதீஸ்கள் மூலம் அழகிய முறையில் எடுத்துரைத்தார்கள்.

குறிப்பு: இந்த வீடியோ தொகுப்பானது youtube-ல் வெளிடப்பட்டுள்ளது. அதன் முகவரி: http://www.youtube.com/watch?v=o6KY4fGpJeA

இவ்வாறு அந்த அறிக்கையில் தெரிவிக்கப்பட்டுள்ளது.