Kayal on the Web

செய்திகள்

செய்தி எண் (ID #) 10601

#KOTW10601

செவ்வாய், ஏப்ரல் 16, 2013

பைக் மீது பேருந்து மோதல்! பைக்கில் பயணித்த இரு மாணவர்களும் காயங்களுடன் தப்பினர்!!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 3985 முறை பார்க்கப்பட்டுள்ளது | வாசகர் கருத்துக்கள் காண (7) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 1)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

பைக் மீது பேருந்து மோதியதில், பைக்கில் பயணித்த இரு மாணவர்கள் காயங்களுடன் தப்பினர். விபரம் வருமாறு:-

திருச்செந்தூரிலிருந்து தூத்துக்குடிக்கு செல்லும் அரசுப் பேருந்து ஒன்று, காயல்பட்டினம் கூலக்கடை பஜார் வழியாக இன்று மதியம் 02.45 மணியளவில் காயல்பட்டினம் பேருந்து நிலையத்தை நோக்கி வந்துகொண்டிருந்தது. கூலக்கடை பஜார் மேல் முனையிலிருந்து பேருந்து நிலையத்தை அப்பேருந்து நெருங்கியபோது, ஐசிஐசிஐ வங்கி அமைந்துள்ள சாலை வழியாக இரு சக்கர வாகனத்தில் வந்த - காயல்பட்டினம் மரைக்கார் பள்ளித் தெருவைச் சேர்ந்த நேஷனல் நூஹ் என்பவரின் மகன் செய்யித் முஹம்மத், ஆத்தூரைச் சேர்ந்த மிதுன் ஆகிய இரு மாணவர்களும் பேருந்தைக் கவனியாமல் குறுக்கே சென்றதால் விபத்துக்குள்ளாகி, பேருந்தின் இடப்புற அடிப்பகுதியில் பைக் சிக்கியது.

பைக்கில் பயணித்த அவ்விருவரும் உடனடியாக அதிலிருந்து தூக்கியெறியப்பட்டனர். பேருந்து ஓட்டுநர் உடனடியாக ப்ரேக்கை அழுத்தியதால், பெரிய அளவில் காயங்கள் எதுவும் ஏற்படாமல் உள் காயங்களுடன் அவர்கள் தப்பினர்.

உடனடியாக அங்கு கொண்டு வரப்பட்ட தமுமுக ஆம்புலன்ஸ் வாகனத்தில் அவ்விருவரும் காயல்பட்டினத்திலுள்ள தனியார் மருத்துவமனைக்கு அழைத்துச் செல்லப்பட்டனர். அங்கு முதலுதவி சிகிச்சையளிக்கப்பட்ட பின்னர், அம்மாணவர்களின் குடும்பத்தினர் விருப்பத்தின்படி அவர்கள் அங்கிருந்து அருகாமை ஊர்களிலுள்ள தனியார் மருத்துவமனைக்குக் கொண்டு செல்லப்பட்டு, சிகிச்சையளிக்கப்பட்டு வருகின்றனர்.

படங்களில் உதவி:
சாளை முஹம்மத் முஹ்யித்தீன்

{TAGS} accident bus accident bike accident national nooh bus stand

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:...
posted by சாளை S.I.ஜியாவுத்தீன் (அல்கோபார்) [16 April 2013]
IP: 37.*.*.*

Saudi Arabia | Comment Reference Number: 26898

சிறு காயங்களுடன் இந்த சிறுவர்களை காத்த வல்ல அல்லாஹ்விற்கே எல்லாப் புகழும்.

ஊரில் நம் பசங்க வண்டி ஓட்டுகின்ற லட்சணமும், அதிக வேகத்தையும் பார்த்தாலே நமக்கு அதிருது. பால்குடி மறக்காதவனுக்கும் பல்சரை ஓட்டக் கொடுக்கின்றார்கள். கொஞ்சம் கவனம் சகோதரர்களே. நம் பிள்ளைகளை நாம்தான் கட்டுக்குள் வைத்துக்கொள்ளனும்.

இந்த பேருந்து ஊருக்குள், அதுவும் நான்கு முனை சந்திப்பில் மெதுவாக வந்ததால், ஓட்டுனர் கட்டுப்பாட்டில் இத்துடன் முடிந்தது, இதுவே அதிக வேகத்தில் பேருந்து வந்து இருந்தால், ஆணி பிடுங்கப்பட்டு இருக்கும். அல்லாஹ் காத்தான்.