Kayal on the Web

செய்திகள்

செய்தி எண் (ID #) 11678

#KOTW11678

செவ்வாய், ஆகஸ்ட் 27, 2013

ஆறுமுகநேரி காவல் ஆய்வாளர் பார்த்திபனுக்கு தமிழக முதல்வரின் அண்ணா பதக்கம்! டி.எஸ்.பி. தலைமையில் பொதுமக்கள் பாராட்டு விழா!!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 3150 முறை பார்க்கப்பட்டுள்ளது | வாசகர் கருத்துக்கள் காண (4) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினத்தை உள்ளடக்கிய ஆறுமுகநேரி சரக காவல் நிலைய ஆய்வாளராகப் பணியாற்றி வருபவர் டி.பார்த்திபன். இவர் காவல் துறையில் சிறப்புற பணியாற்றியமைக்காக, இம்மாதம் 23ஆம் தேதி வெள்ளிக்கிழமையன்று சென்னையில் நடைபெற்ற விழாவில், தமிழக முதல்வரால் அண்ணா பதக்கம் வழங்கப்பட்டது.

இதனைப் பாராட்டி, ஆறுமுகநேரி பொதுமக்கள் சார்பில், காவல் நிலையத்தில் இம்மாதம் 25ஆம் தேதி ஞாயிற்றுக்கிழமை இரவு 07.00 மணியளவில் பாராட்டு விழா நடைபெற்றது.

திருச்செந்தூர் காவல்துறை கண்காணிப்பாளர் விழாவிற்குத் தலைமை தாங்கினார். ஆறுமுகநேரி பேரூராட்சி தலைவர் ஏ.கல்யாண சுந்தரம், துணைத்தலைவர் ஆர்.ரவிச்சந்திரன், காயல்பட்டினம் வணிகர்கள் சங்க தலைவர் எம்.ஏ.எம்.அப்துல் காதர் ஆகியோர் முன்னிலை வகித்தனர். போக்குவரத்து காவல் ஆய்வாளர் அமுதசேகரன் வரவேற்றுப் பேசினார்.

ஆறுமுகநேரி கூட்டுறவு விவசாய வங்கி தலைவர் ராகவன், ஆறுமுகநேரி காவல்துறை துணை ஆய்வாளர் ராஜகுமாரி, சிறப்பு துணை ஆய்வாளர் சுப்பிரமணியன், அரிமா சங்க நிர்வாகி எம்.எஸ்.எஸ்.சண்முக வெங்கடேசன், காமராஜர் சேவா சங்க தலைவர் யு.ராமஜெயம், இந்து முன்னணி ஒன்றிய பொதுச் செயலாளர் ஜி.ராமசாமி, இந்திய யூனியன் முஸ்லிம் லீக் தூத்துக்குடி மாவட்ட செய்தி தொடர்பாளர் எஸ்.கே.ஸாலிஹ், காயல்பட்டினம் நகர்மன்ற உறுப்பினர் கே.ஜமால், பா.ம.க. மாவட்ட செயலாளர் உமரி நெப்போலியன், ஆதித்தமிழர் பேரவை மாவட்ட அமைப்பாளர் கோவேந்தன், ரவிச்சந்திரன், தங்கப்பாண்டி, செய்தியாளர் பார்த்திபன் ஆகியோர் வாழ்த்திப் பேசினர்.

அண்ணா பதக்கம் பெற்ற ஆறுமுகநேரி காவல்துறை ஆய்வாளர் டி.பார்த்திபன் ஏற்புரை நிகழ்த்தினார்.

அண்ணா பதக்கம் பெற்ற காவல்துறை ஆய்வாளரை, ஏராளமானோர் சால்வை அணிவித்தும், நினைவுப் பரிசு வழங்கியும் வாழ்த்தினர். காயல்பட்டினம் காக்கும் கரங்கள் நற்பணி மன்றத்தின் சார்பில், அதன் துணைத்தலைவர் ஏ.ஆர்.ஷேக் முஹம்மத், நிர்வாகி எச்.எல்.அப்துல் பாஸித் ஆகியோர், பதக்கம் பெற்ற ஆய்வாளருக்கு நினைவுப் பரிசு வழங்கினர்.

காவல்துறை சிறப்பு துணை ஆய்வாளர்களான மனோகரன், முத்துசாமி, ஆத்தூர் பாலு, பழனிவேல், கணபதி, ஆறுமுகநேரி பேரூராட்சி மன்ற உறுப்பினர்கள் மகாராஜன், வென்சென்ட், அதிமுக பொருளாளர் ராமதுரை, வணிகர்கள் சங்க தலைவர் டி.தாமோதரன், கிழக்கத்தி முத்து, எஸ்.ராஜாராம், சேர்மலிங்கம், காமராஜ், சோமசுந்தரி, ஆங்கில பள்ளி நிர்வாகி பி.எஸ்.ஆர்.ஜெயானந்தன், இந்து முன்னணி ஆறுமுகநேரி நகர தலைவர் எம்.கசமுத்து, செயலாளர் மணிகண்டன், ராதாகிருஷ்ணன், சீமாட்டி நித்தியானந்தம், பா.ம.க. மாவட்ட அமைப்பு செயலாளர் மாரியப்பன், காயல்பட்டினம் கே.எம்.காதர், காயல்பட்டினம் நகர்மன்ற உறுப்பினர்களான ஜெ.அந்தோணி, எஸ்.எம்.பி.பத்ருல் ஹக், ஏ.ஏ.அபூபக்கர் அஜ்வாத், உட்பட திரளானோர் விழாவில் கலந்துகொண்டனர்.

கள உதவி:
A.R.ஷேக் முஹம்மத்

தகவல் உதவி:
ஆசிரியர் மு.அப்துல் ரசாக்

{TAGS} inspector parthiban inspector partiban anna medal anna award tamilnadu chief minister jeyalalitha arumuganeri police station sks sk salih k.jamal shwa kaakkum karangal narpani mandram paaraattu vizha

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:...
posted by P.S. ABDUL KADER (KAYALPATNAM) [27 August 2013]
IP: 117.*.*.*

India | Comment Reference Number: 29748

ஆறுமுகநேரி காவல் நிலைய ஆய்வாளர் திரு டி.பார்த்திபன் அவர்கள், காவல் துறையில் சிறப்புற பணியாற்றியமைக்காக, தமிழக முதல்வர் மாண்புமிகு அம்மா அவர்களிடம் இருந்து அண்ணா பதக்கம் கிடைக்க பெற்றமைக்கு வாழ்த்துக்கள்.

ஆறுமுகநேரி வணிகர்களின் பாராட்டு விழா தகவல் அறிந்து அழையா விருந்தினாராக சென்ற நகர மக்களை, ஆய்வாளர்க்கு பாராட்டியமைக்கு நன்றி தெரிவித்துகொள்கிறேன்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. .நெஞ்சார வாழ்த்துக்கள் ,,,,
posted by NIZAR (KAYALPATNAM) [28 August 2013]
IP: 117.*.*.*

India | Comment Reference Number: 29762

நம் அருகில் இருக்கும் திசையன்விளை பகுதியை சேர்ந்தவரும், எங்கள் ஆதித்தனார் கல்லூரியின் முன்னாள் மாணவருமான ஆறுமுகநேரி காவல்துறை ஆய்வாளர் பார்த்திபன் அவர்களுக்கு தமிழக முதல்வரின் அண்ணா பதக்கம் கிடைத்தது நம் பகுதி மக்களுக்கு கிடைத்த பெருமை என்று சொல்லலாம்.

அவருடைய நேர்மைக்கும், உழைப்புக்கும் கிடைத்த அழகிய விருதாகும். நம் ஊரு மக்களுடன் நல்ல பழக்கமும், கல்லூரி நண்பர்களையும் பெற்றுள்ள பார்த்திபன் அவர்கள் இன்னும் பல உயர்பதவிகளையும், உயர் பதக்கங்களையும் பெற வாழ்த்துக்கள்.....

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:...
posted by சாளை S.I.ஜியாவுத்தீன் (அல்கோபார் ) [28 August 2013]
IP: 37.*.*.*

Saudi Arabia | Comment Reference Number: 29769

காவல்துறையில் பணிபுரிபவர்களின் கனவு என்பது இது மாதிரியான பதக்கம் பெறுவதே. இந்த கனவு ஐயா பார்த்திபன் அவர்களுக்கு நினைவாகி இருக்கின்றது. இது தான் "பார்த்திபன் கனவு" என்பதோ..!!

தங்கள் பல பதவி உயர்வுகள் பெறவும், மேலும் பல பதக்கங்கள் உங்கள் இடது மார்பில் அலங்கரிக்கவும், புஜங்களின் மதிப்புமிக்க முத்திரைகள் கூடவும் வாழ்த்துகின்றேன்.

இருந்தாலும் ஒரு சிறு நெருடல் இருக்கத்தான் செய்கின்றது, அதாவது தவா சென்டர் விசயத்தில் தாங்கள் நடந்து கொண்ட விதமும், அதனால் நடைபெற்ற கண்டன ஆர்ப்பாட்டமும். குறைகள் இல்லாத மனிதன் யாரும் உண்டுமோ..!!

சாளை S.I.ஜியாவுத்தீன், அல்கோபார்

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

4. வாழ்த்துகள் ஐயா!
posted by kavimagan.m.s.abdulkader (doha-qatar) [28 August 2013]
IP: 78.*.*.*

Qatar | Comment Reference Number: 29770

அண்ணா விருதினைப் பெற்று நமது பகுதிக்கு கௌரவம் சேர்த்திருக்கும் உயர்திரு ஆய்வாளர்.பார்த்திபன் அவர்களுக்கு எமது கத்தர் காயிதே மில்லத் பேரவை மற்றும் நலமன்றம் சார்பில் மனமார்ந்த வாழ்த்துகள்......

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்