Weddings Special Page in Kayalpatnam.com Since 1998 - Kayal on the Web - Your home away from home Bus Service - Signature Campaign
Current Kayalpatnam Time
1:52:39 PM
திங்கள் | 24 பிப்ரவரி 2020 | துல்ஹஜ் 207, 1440 
Prayer timing for Kayalpatnam
ஃபஜ்ர்ளுஹ்ர்அஸ்ர்மஃக்ரிப்இஷாஃ
05:2212:3715:5818:3319:45
Sunrise/Sunset timing for Kayalpatnamஉதயம்06:33Moonrise/Moonset timing for Kayalpatnamஉதயம்07:03
மறைவு18:28மறைவு19:10
Morning Twilight
வானியல்கடல்சமூகம்
05:2305:4706:12
உச்சி
12:31
Evening Twilight
சமூகம்கடல்வானியல்
18:4919:1419:38
Go to Homepage
செய்திகள்
Previous News ItemNext News Item
செய்தி எண் (ID #) 12138
#KOTW12138
Increase Font Size Decrease Font Size
ஞாயிறு, அக்டோபர் 20, 2013
ஹஜ் பெருநாள் 1434: சிங்கை காயலர்களின் பெருநாள் ஒன்றுகூடல்! நகர்நலனுக்காக ரூ. 1 லட்சத்து 10 ஆயிரம் நன்கொடை சேகரிப்பு!!
செய்திஎஸ்.கே.எஸ். (தாருத்திப்யான் நெட்வர்க்)
இந்த பக்கம் 2586 முறை பார்க்கப்பட்டுள்ளது | வாசகர் கருத்துக்கள் காண (4) <> கருத்து பதிவு செய்ய
(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)
click here to post your comment using facebook{ முகநூல் கருத்துக்கள்}{ட்விட்டர் கருத்துக்கள்}

சிங்கப்பூரில் நடைபெற்ற காயலர் பெருநாள் ஒன்றுகூடல் நிகழ்ச்சியில், நகர்நலனுக்காக ரூபாய் 1 லட்சத்து 10 ஆயிரம் நன்கொடையாக சேகரிக்கப்பட்டுள்ளது. நிகழ்ச்சி குறித்து, அம்மன்றத்தின் செயலாளர் எம்.எம்.மொகுதூம் முஹம்மத் வெளியிட்டுள்ள அறிக்கை:-

சிங்கப்பூர் நாட்டில், இம்மாதம் 15ஆம் தேதி செவ்வாய்க்கிழமையன்று ஈதுல் அழ்ஹா - ஹஜ் பெருநாள் கொண்டாடப்பட்டது.

பெருநாள் ஒன்றுகூடல்:

பெருநாளை முன்னிட்டு வழமை போல இவ்வாண்டும், சிங்கப்பூர் Bedok பகுதியிலுள்ள – மன்ற ஆலோசகர் ஹாஜி பாளையம் முஹம்மத் ஹஸன் இல்லத்தில், அவர் மற்றும் அவரது சகோதரர் ஹாஜி பாளையம் ஹபீப் முஹம்மத் ஆகியோரின் ஏற்பாட்டில், பெருநாள் ஒன்றுகூடல் நிகழ்ச்சி, அன்று மாலையில் நடத்தப்பட்டது.

மஃரிப் தொழுகை:

மாலை 18.30 மணியளவில், சிங்கப்பூர் வாழ் காயலர்கள் அனைவரும் தம் குடும்பத்தினருடன் நிகழ்விடம் வந்தடைந்தனர். துவக்கமாக, 17.05 மணிக்கு மஃரிப் தொழுகை - ஜமாஅத்தாக (கூட்டாக) நிறைவேற்றப்பட்டது.



மகிழ்ச்சிப் பரிமாற்றம்:

நீண்ட நாட்களுக்குப் பின் ஓரிடத்தில் ஒன்றுகூடியதால், காயலர்கள் அனைவரும் மிகுந்த மகிழ்ச்சியுடன் காணப்பட்டனர். அவர்கள் கட்டித்தழுவி, கைலாகு செய்து, தமக்கிடையில் வாழ்த்துக்களைக் கூறியவர்களாக மகிழ்ச்சியைப் பரிமாறிக்கொண்டனர்.



சிறப்பு விருந்தினர்கள்:

இந்த ஒன்றுகூடல் நிகழ்ச்சியில், இலங்கை காயல் நல மன்ற (காவாலங்கா) தலைவர் ஹாஜி எம்.எஸ்.ஷாஜஹான், இலங்கையிலிருந்து வந்திருந்த ஹாஜி இஸ்மத் ஷாஜஹான், ஹாங்காங்கிலிருந்து வந்திருந்த ஹாஜி அஹ்மத், சீனா - சென்ஜென் நகரிலிருந்து வந்திருந்த ஹாஜி எஸ்.ஏ.கே.காதர் சாமுனா மற்றும் ஹாஜி கே.வி.எஸ்.ஏ.ஹபீப் முஹம்மத் ஆகியோர் இந்நிகழ்வில் சிறப்பு விருந்தினர்களாகக் கலந்துகொண்டனர்.



வரவேற்புரை & திருமண அழைப்பு:

துவக்கமாக, ஹாஜி பாளையம் ஹபீப் முஹம்மத் அனைவரையும் வரவேற்றுப் பேசினார். தமது அழைப்பையேற்று, தங்களது பல்வேறு பணிகளுக்கிடையிலும் இந்த ஒன்றுகூடல் நிகழ்ச்சியில் குடும்ப சகிதமாக உற்சாகத்துடன் கலந்துகொண்டமைக்காக அனைவருக்கும் நன்றி கூறிய அவர், தனது மற்றும் தனது சகோதரர் ஹாஜி பாளையம் முஹம்மத் ஹஸன் ஆகியோரது மக்களுக்கு, வரும் டிசம்பர் மாதம் நடைபெறவுள்ள திருமண - நிகாஹ் நிகழ்ச்சியில் அனைவரும் கலந்துகொண்டு சிறப்பிக்குமாறு அழைப்பு விடுத்ததோடு, அழைப்பிதழ்களையும் அனைவருக்கும் வழங்கினார்.





காவாலங்கா தலைவர் வாழ்த்துரை:

அடுத்து, இலங்கை காயல் நல மன்ற (காவாலங்கா) தலைவர் ஹாஜி எம்.எஸ்.ஷாஜஹான் உரையாற்றினார்.





அனைவருக்கும் பெருநாள் வாழ்த்துக்களைக் கூறிய அவர், சிங்கப்பூர் காயல் நல மன்றத்தின் திட்டமிடப்பட்ட சிறப்பான செயல்பாடுகள் தன்னை பெரிதும் கவர்ந்துள்ளதாகக் கூறினார். சிங்கப்பூர் நாட்டு வாழ்க்கை முறை குறித்து பயனுள்ள பல தகவல்களையும், ஆலோசனைகளையும் உள்ளடக்கியதாக அவரது அழகிய உரை அமைந்திருந்தது.

நன்கொடை நிதி சேகரிப்பு:

இந்த ஈதுல் அழ்ஹா - ஹஜ் பெருநாள் ஒன்றுகூடல் நிகழ்ச்சியை முன்னிட்டு, அனைவருக்கும் வெற்று வெள்ளுறை (Blank white cover) வழங்கப்பட்டது. அதில், அனைத்து காயலர்களும் தமது பொருளாதார நன்கொடையை ஆர்வத்துடன் செலுத்தி, பொறுப்பாளர்களிடம் சமர்ப்பித்தனர். இதன்மூலம், சிங்கப்பூர் காயல் நல மன்றத்தின் நகர்நலப் பணிகளுக்காக ரூபாய் 1 லட்சத்து 10 ஆயிரம் தொகை நன்கொடையாக சேகரிக்கப்பட்டது.

பல்வேறு தேவைகளை முன்னிறுத்தி விண்ணப்பிக்கும் - தாயகம் காயல்பட்டினத்தின் ஏழை - எளியோர் நலனுக்காக இந்நிதி பயன்படுத்தப்படும் என்று அறிவிக்கப்பட்டு, தாராள மனதுடன் இதற்காக நன்கொடை வழங்கிய அனைவருக்கும் நன்றி தெரிவிக்கப்பட்டது.

இஷா தொழுகை & இரவுணவு விருந்துபசரிப்பு:

இரவு 20.45 மணியளவில் இஷா தொழுகை ஜமாஅத்தாக (கூட்டாக) நிறைவேற்றப்பட்டது. பின்னர் பஃபே முறையில் அனைவருக்கும் இரவுணவு விருந்துபசரிப்பு செய்யப்பட்டது.





ஏற்பாட்டாளர்களுக்கு நன்றி:

அனைத்து நிகழ்வுகளிலும், சிங்கப்பூர் காயல் நல மன்ற உறுப்பினர்கள், அவர்கள்தம் குடும்பத்தினர், சிறப்பழைப்பாளர்கள் என சுமார் 100 பேர் பங்கேற்றனர். அவர்கள் நிகழ்விடத்திலிருந்து விடைபெறுகையில், பெருநாளன்று அனைவரையும் ஓரிடத்தில் ஒன்றுகூட்டி, மகிழ்ச்சிகளைப் பரிமாறிக்கொள்ள வாய்ப்பு ஏற்படுத்தித் தந்தமைக்காக, ஏற்பாட்டாளர்களான ஹாஜி பாளையம் ஹபீப் முஹம்மத், ஹாஜி பாளையம் முஹம்மத் ஹஸன் ஆகிய பாளையம் சகோதரர்களுக்கு மனமார்ந்த நன்றியைத் தெரிவித்துக்கொள்வதாகக் கூறியவர்களாக வசிப்பிடம் திரும்பிச் சென்றனர்.


இவ்வாறு, சிங்கப்பூர் காயல் நல மன்ற செயலாளர் எம்.எம்.மொகுதூம் முஹம்மத் தனதறிக்கையில் தெரிவித்துள்ளார்.

சிங்கப்பூரில் கடந்தாண்டு (ஹிஜ்ரீ 1433) ஹஜ் பெருநாளை முன்னிட்டு நடைபெற்ற காயலர் ஒன்றுகூடல் நிகழ்ச்சி குறித்த தகவல்களடங்கிய செய்தியைக் காண இங்கே சொடுக்குக!


Previous News ItemNext News Item
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>
1. Re:...
posted by MU SHAIK (MAKKAH) [20 October 2013]
IP: 5.*.*.* | Comment Reference Number: 30861

அஸ்ஸலாமு Alaikum ஆல்

மாஷா அல்லா nice டு see my brother MUKTHAR.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
2. ஏற்பாட்டாளர்களுக்கு எனது முதல் LIKE
posted by kader shamuna (Bedok) [20 October 2013]
IP: 182.*.*.* Singapore | Comment Reference Number: 30863

ஏற்பாட்டாளர்களுக்கு எனது முதல் LIKE. அற்புதமான சந்திப்பு அல்ஹம்டுளில்லாஹ். ஏற்பாட்டாளர்களான ஹாஜி பாளையம் ஹபீப் முஹம்மத், ஹாஜி பாளையம் முஹம்மத் ஹஸன் காகா வீடு இரவு விருந்து அட்டஹாசம். பெடோக் நண்பர்கள் ஹலுக்கு என்னுடைய வாழ்த்துக்கள்


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
3. Re:...
posted by s.e.m. abdul cader (bahrain) [21 October 2013]
IP: 109.*.*.* Bahrain | Comment Reference Number: 30870

assalamu allaikum to all.

nice to see you all, as well as my friend/classmate k.v.s. habeeb moamed. i wish you all the best. wassalam


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
4. மென்மேலும் உதவ பேரருள் புரிவாய் யா அல்லாஹ் !!!
posted by M.S.Kaja Mohideen Mahlari (Singapore) [21 October 2013]
IP: 220.*.*.* Singapore | Comment Reference Number: 30874

ஈத் முபாரக் !

அஸ்ஸலாமு அலைக்கும். அனைவருக்கும் எனது இதயங்கனிந்த ஈத்-பெருநாள் நல்வாழ்த்துக்கள்.

இந்த அருமையான "பெருநாள் ஒன்று கூடலில்" சில தவிர்க்கமுடியாத காரணத்தால் நான் கலந்து கொள்ள முடியவில்லை என்பதை நினைத்து வருந்துகிறேன். நாம் சந்தோசம் அடையும் இந்நேரத்திலும் நமது மக்களும் இந்த மகிழ்ச்சியில் இணைய வேண்டும் என்ற நல்ல எண்ணத்தில் நமதூர் மக்களுக்காக ஒரு இலட்சத்து பத்தாயிரம் பெருநாள் வசூலாக அளித்திருப்பது உண்மையிலேயே பாராட்டப்பட வேண்டிய ஒன்றாகும்.

தியாக திருநாளில் நம்மால் முடிந்த பிறருக்காக செய்யும இந்த ஒரு உதவியும் ஒரு வகை தியாகமாகும்.

அந்த அளவுக்கு அனைவரும் அவர் அவர்களின் பங்குக்கு உதவுவதை நினைத்து சந்தோசம் அடைகிறோம். ஜித்தாவில் ஒரு ஹபீப் ஹாஜியை போன்று,(தற்போது சென்னையில் ) சிங்கையில் ஒரு ஹசன் ஹாஜியை போன்று நமதூர் மக்கள் எங்கெல்லாம் பரந்து வாழ்கிறார்களோ அங்கெல்லாம் பல ஹபீப்களும், ஹசன்களும் தோன்றவேண்டும்.வாழ்வாங்கு வாழ வேண்டும். வாழ வைக்க வேண்டும்.

எல்லாம் வல்ல அல்லாஹ் நமது மக்களுக்காக பொது சேவையில் ஈடுபடும் அத்துணைப் பேர்களுக்கும் எல்லா வளங்களையும் ,நலன்களையும் வாரி ,வாரி வழங்குவானாக ! ஆமீன் !


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்
ட்விட்டர் வழி கருத்துக்கள்

பிற செய்திகள்
நகரில் சாரல்!  (20/10/2013) [Views - 1480; Comments - 0]

காயல்பட்டணம்.காம் இணையதள பக்கங்கள் தமிழ் வழி தேடல்
செய்திகள் ஆங்கில வழி (TAG) தேடல்
குறியீடு எண்கள் (ID #) வழி தேடல்
தேதி வாரியாக செய்தி தேட இங்கு சொடுக்கவும்
Advertisement
AKM JewellersFaams
Cathedral Road LKS Gold ParadiseFathima Jewellers

>> Go to Homepage
செய்திகள்
அண்மைச் செய்திகள்
அதிகம் வாசிக்கப்பட்டவை
அதிகம் கருத்து கூறப்பட்டவை
பரிந்துரைக்கப்பட்டவை
இந்த நாள், அந்த ஆண்டு
நீங்கள் படிக்காதவை
செய்திகளை தேட
தலையங்கம்
அண்மைத் தலையங்கம்
பிற தலையங்கங்கள்

ஆக்கங்கள்
எழுத்து மேடை
சிறப்புக் கட்டுரைகள்
இலக்கியம்
மருத்துவக் கட்டுரைகள்
ஊடகப்பார்வை
சட்டம்
பேசும் படம்
காயல் வரலாறு
ஆண்டுகள் 15
வாசகர் கருத்துக்கள்
செய்திகள் குறித்த கருத்துக்கள்
தலையங்கம் குறித்த கருத்துக்கள்
எழுத்து மேடை குறித்த கருத்துக்கள்
சிறப்புக் கட்டுரைகள் குறித்த கருத்துக்கள்
கவிதைகள் குறித்த கருத்துக்கள்
இணையதள கருத்தாளர்கள்
புள்ளிவிபரம்
சிறப்புப் பக்கங்கள்
புதிய வரவுகள்
நகர்மன்றம்
வீடு, மனை விற்பனை தொழில் (REAL ESTATE)
குடிநீர் திட்டம்
ரயில்களின் தற்போதைய நிலை
ரேஷன் கடைகளில் பொருள்களின் நிலை

EDUCATION
பள்ளிக்கூட கட்டணங்கள்
HSC Results (Since 2007)
Comparative Analysis
Best School Award Rankings
Centum Schools
1000 or above Students
12th Standard Timetable
10th Standard Timetable
தகவல் மையம்
காயல்பட்டினம் தொழுகை நேரங்கள்
சூரிய உதயம் / மறைவு கணக்கிட
சந்திர உதயம் / மறைவு கணக்கிட
ஆபரணச் சந்தை
அரசு விடுமுறை நாட்கள்
நிகழ்வுகள் பக்கம்
தமிழக அமைச்சரவை
காயல்பட்டினம் வாக்காளர் பட்டியல்
Hijri Calendar
Government
OTHER SERVICES
Email Service
Mobile Version
On Twitter
ADVERTISE HERE
Website Traffic
What are GoogleAds?
Advertisement Tariff
ABOUT US
Suggestions
Credits
KOTW Over The Years
About KFT
Recommend This Site
Kayal on the Web is one of several websites managed by The Kayal First Trust, a charitable organisation based in Kayalpatnam, Tuticorin District, Tamil Nadu, INDIA. By accessing and using this website, you are assumed to have read the Terms of service - governing this Website.
Designed for The Kayal First Trust by NetGross

© 1998-2020. The Kayal First Trust. All Rights Reserved