காயல்பட்டினம் குத்துக்கல் தெரு - முஹ்யித்தீன் பள்ளியருகில் இயங்கி வரும் ரஹ்மத்துன் லில் ஆலமீன் மீலாது பேரியத்தின் சார்பில், ஆண்டுதோறும் மீலாத் விழா நடத்தப்பட்டு வருகிறது.

நடப்பாண்டு விழா இம்மாதம் 18, 19 தேதிகளில் (சனி, ஞாயிறு), முஹ்யித்தீன் பள்ளி அருகில் நடைபெறவுள்ளது. விழாவை முன்னிட்டு முன்னதாக திருக்குர்ஆன் மனனப் போட்டி நடத்தி முடிக்கப்பட்டுள்ளது.

மாணவர்களுக்கான பேச்சுப்போட்டி, ‘சுழலும் சொல்லரங்கம்’ நிகழ்ச்சி, மார்க்க சொற்பொழிவு உள்ளிட்ட நிகழ்ச்சிகள் முதல் நாளில் நடைபெறுகின்றன.

இரண்டாம் நாள் நடைபெறும் நிகழ்ச்சியில், மார்க்க அறிஞர்களின் சொற்பொழிவுகளும், சிறப்பு விருந்தினர்களாகக் கலந்துகொள்ளும் - இந்திய யூனியன் முஸ்லிம் லீக் தமிழ்நாடு மாநில பொதுச் செயலாளர் கே.ஏ.எம்.முஹம்மத் அபூபக்கர், நாடாளுமன்ற உறுப்பினர் எம்.அப்துர்ரஹ்மான் ஆகியோரின் சிறப்புரைகளும் இடம்பெறுகின்றன.

போட்டிகளில் வென்ற மாணவர்களுக்கு பரிசளிப்பும், வழமை போல இக்ராஃ கல்விச் சங்கத்தின் மூலம் 4 மாணவர்களுக்கு கல்வி உதவித்தொகையும் இவ்விழாவின்போது வழங்கப்படவுள்ளது.

அனைத்து நிகழ்ச்சிகளுக்கான ஏற்பாடுகளையும், ரஹ்மத்துன் லில் ஆலமீன் மீலாது பேரியத்தினர் செய்து வருகின்றனர்.