{ முகநூல் கருத்துக்கள்}{ட்விட்டர் கருத்துக்கள்}

தமிழ்நாடு முஸ்லிம் முன்னேற்றக் கழகம் (தமுமுக) காயல்பட்டினம் நகர கிளை சார்பில், திருநெல்வேலி மேக்ஸ் ஜோன்ஸ் தொண்டு நிறுவனத்துடன் இணைந்து, காயல்பட்டினம் எல்.கே.மேனிலைப்பள்ளியில் - இன்று (செப்டம்பர் மாதம் 07ஆம் நாள் ஞாயிற்றுக்கிழமை) 08.30 மணி முதல் 13.00 மணி வரை, மருத்துவ பரிசோதனை இலவச முகாம் நடத்தப்பட்டது.

முகாம் துவக்க நிகழ்ச்சிக்கு தமுமுக தூத்துக்குடி மாவட்ட தலைவர் ஆஸாத் தலைமை தாங்க, அதன் மருத்துவ அணி மாநில செயலாளர் கிதுரு முஹம்மத், தமுமுக தூத்துக்குடி மாவட்ட துணைச் செயலாளர் முஹ்ஸின் முர்ஷித் ஆகியோர் முன்னிலை வகித்தனர்.

தமுமுக திருச்செந்தூர் ஒன்றிய செயலாளர் எம்.ஹஸன் வரவேற்றுப் பேசினார். தமுமுக நகர தலைவர் எம்.கே.ஜாஹிர் ஹுஸைன் நன்றி கூறினார். சிறப்பு விருந்தினர் தம்மாம் இஸ்மாஈல் மருத்துவ பரிசோதனை இலவச முகாமைத் துவக்கி வைத்தார்.

இம்முகாமில், திருநெல்வேலி அருணா கார்டியோ கேர் சார்பில் டாக்டர் இ.அருணாச்சலம், நாகர்கோவில் திரவியம் எலும்பு முறிவு மருத்துவமனை ஒருங்கிணைப்பாளர் எம்.மணிகண்டன், அதன் மருத்துவர்களான டாக்டர் ரமேஷ், டாக்டர் சங்கர், சென்னை அடையாறு புற்றுநோய் மையத்தின் சார்பில் டாக்டர் மங்கல செல்வி, திருநெல்வேலி அரவிந்த் கண் மருத்துவமனை சார்பில் அதன் ஒருங்கிணைப்பாளர் சீனிவாசன், மருத்துவர்களான டாக்டர் பிரதிக், டாக்டர் ஈஷா இங்லே உள்ளிட்ட மருத்துவக் குழுவினர் பொதுமக்களுக்கு பரிசோதனைகளை மேற்கொண்டு மருத்துவ ஆலோசனைகளை வழங்கினர்.























எலும்பு - மூட்டு பிரிவில் 128 பேரும், இதயம் பிரிவில் 105 பேரும், கண் பிரிவில் 190 பேரும், புற்றுநோய் பரிசோதனை பிரிவில் 77 பேரும் என மொத்தம் 500 பேர் இம்முகாமில் பயன்பெற்றனர். புற்றுநோய் பரிசோதனைப் பிரிவில் சிலருக்கு ஆரம்ப நிலையில் அறிகுறிகள் கண்டறியப்பட்டு, தேவையான ஆலோசனைகள் வழங்கப்பட்டுள்ளது.

தமுமுக மருத்துவ அணி மாவட்டச் செயலாளர் ஜோதி, அதன் நகர செயலாளர் முஜீபுர்ரஹ்மான், மேக்ஸ் ஜோன் சாரிடபிள் ட்ரஸ்ட் சார்பில் அதன் நிறுவனர் ஜெ.டோமிக் ஆண்டனி ஆகியோர் ஒருங்கிணைப்பில், ஐதுரூஸ், எஸ்.டீ.செய்யித் இப்றாஹீம், காதர், ஷாஹுல் ஹமீத், ஜிஃப்ரீ, அபூகனீ, மவ்ஜூத், தமுமுக காயல்பட்டினம் 15ஆவது வார்டு கிளைக் கழக அங்கத்தினரான முஹம்மத் ஸபீர் அலீ, என்.ஷேக் முகைதீன், எஸ்.முஹம்மத் ஷேக் முகைதீன், ஐ.முஹம்மத் ஃபாஸில், எம்.ஷேக் முஹம்மத் புகாரீ, ஏ.முஹம்மத் குலாம் ராஃபி, எம்.முஹம்மத் ஸித்தீக், எச்.அப்துல் பாஸித், எம்.அஸ்ஹருத்தீன், பி.ரியாஸ், எம்.அக்பர்ஷா உள்ளிட்ட தமுமுக மற்றும் மனிதநேய மக்கள் கட்சி நிர்வாகிகள் முகாம் ஏற்பாடுகளைச் செய்திருந்தனர்.

தகவல்:
‘முர்ஷித் ஜெராக்ஸ்’ முஹ்ஸின்
மற்றும்
M.ஹஸன்

தமிழ்நாடு முஸ்லிம் முன்னேற்றக் கழகம் தொடர்பான முந்தைய செய்தியைக் காண இங்கே சொடுக்குக!