{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் யூஃபா ஜூனியர்ஸ் விளையாட்டுக் குழுவின் சார்பில், 7ஆம் ஆண்டு கால்பந்து சுற்றுப்போட்டி, இம்மாதம் 27ஆம் நாள் துவங்கி, வரும் அக்டோபர் மாதம் 03ஆம் நாள் வரை, காயல்பட்டினம் ஐக்கிய விளையாட்டு சங்க மைதானத்தில் நடைபெறுகிறது.

இச்சுற்றுப்போட்டியில், காயல்பட்டினம் யூஃபா ஜூனியர்ஸ், காலரி பேர்ட்ஸ், எல்.கே.மேனிலைப்பள்ளி ஆகிய அணிகளும், திருச்செந்தூர் ஆதித்தனார் கல்லூரி, வீரபாண்டியன்பட்டினம், புன்னைக்காயல், நாசரேத் அணிகளும் களம் காண்கின்றன.





இன்று (செப்டம்பர் 28) நடைபெற்ற போட்டியில், காலரி பேர்ட்ஸ் அணியும், வீரபாண்டியன்பட்டினம் அணியும் மோதின. இதில், காலரி பேர்ட்ஸ் அணி 3-1 என்ற கோல் கணக்கில் வெற்றிபெற்று, அரையிறுதியில் விளையாடத் தகுதி பெற்றுள்ளது.



இன்றைய போட்டியில், ஐக்கிய விளையாட்டு சங்க கால்பந்து அணியின் முன்னாள் அணித் தலைவர் கேப்டன் ஹபீப் சிறப்பு விருந்தினராகக் கலந்துகொண்டார். அவருக்கு ஈரணி வீரர்களும் அறிமுகம் செய்து வைக்கப்பட்டனர்.



நாளை (செப்டம்பர் 29) நடைபெறும் போட்டியில், தூத்துக்குடி வ.உ.சி. கல்லூரி அணியும், காயல்பட்டினம் எல்.கே.மேனிலைப்பள்ளி அணியும் மோதவுள்ளன.

தகவல்:
S.B.B.புகாரீ

யூஃபா ஜூனியர்ஸ் தொடர்பான முந்தைய செய்தியைக் காண இங்கே சொடுக்குக!