Kayal on the Web

செய்திகள்

செய்தி எண் (ID #) 14600

#KOTW14600

திங்கள், செப்டம்பர் 29, 2014

ஒ.பன்னீர்செல்வம் முதல்வராக பதவியேற்றார்! புதிதாக ஓர் அமைச்சர் கூடுதலாக நியமனம்!!

செய்தி: காயல்பட்டணம்.காம்
இந்த பக்கம் 5265 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 1)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

பெங்களூரு சிறப்பு நீதிமன்றத்தில் விசாரணை நடைபெற்று வரும் தமிழக முதல்வர் ஜெயலலிதா மீதான சொத்துக் குவிப்பு வழக்கில், அவருக்கு 4 ஆண்டுகள் சிறைத் தண்டனையும், 100 கோடி ரூபாய் அபராதமும் விதித்து நேற்று (செப்டம்பர் 27) தீர்ப்பு வழங்கப்பட்டது. அதனை தொடர்ந்து முதலமைச்சர் ஜெயலலிதா - சட்டமன்ற உறுப்பினர் மற்றும் முதல்வர் பதவிகளை இழந்துள்ளார்.

இதனை அடுத்து புதிய முதலமைச்சரை தேர்வு செய்ய நேற்று அதிமுக எம். எல்.ஏ-க்கள் கூட்டம் நடைபெற்றது. இதில் ஓ. பன்னீர்செல்வம் சட்டமன்ற தலைவராக தேர்ந்தெடுக்கப்பட்டார். இதனையடுத்து ஆட்சி அமைக்க உரிமை கோரி நேற்று ஆளுநரிடம் மனு அளிக்கப்பட்டது. அந்த மனுவை ஏற்று ஆளுநர் ரோசையா ஆட்சி அமைக்க அழைப்பு விடுத்தார்.

இதனை அடுத்து இன்று ஓ. பன்னீர்செல்வம் தமிழக முதலமைச்சராக பதவி ஏற்றார். சென்னையில் ஆளுநர் மாளிகையில் எளிய முறையில் பதவியேற்பு நிகழ்ச்சி நடைபெற்றது. ஆளுநர் ரோசய்யா முன்னிலையில் ஓ.பன்னீர் செல்வம் பதவிப் பிரமாணம் எடுத்துக்கொண்டார்.

ஜெயலலிதா அமைச்சரவையில் இருந்த 30 பேரும் அமைச்சராக பதவியேற்றனர். பன்னீர் செல்வத்தை தொடர்ந்து நத்தம் விஸ்வநாதன் அமைச்சராக பதவியேற்றார். மேலும் எடப்பாடி பழனிச்சாமி, வளர்மதி, மோகன், பழனியப்பன், அமைச்சராக பதவியேற்றனர். செல்லூர் ராஜு, காமராஜ், தங்கமணி, செந்தில் பாலாஜி ஆகியோரும் அமைச்சராக பதவியேற்றுக் கொண்டனர்.

பதவியேற்பில் தலைமை செயலர் உள்பட உயர் அதிகாரிகள் அனைவரும் பங்கேற்றனர். ஆனால் பதவியேற்புக்கு அரசியல் கட்சித் தலைவர்கள் முக்கிய பிரமுகர்களுக்கு அழைப்பு இல்லை என்று தகவல் வெளியாகியுள்ளது.

புதிய அமைச்சராக அக்ரி கிருஷ்ண மூர்த்தி பதவியேற்றார்.

புகைப்படம்:
NDTV

தகவல்:
தினகரன்

{TAGS} op o.panneerselvam cm chief minister governor swearing in ministry disproportionate asset corruption bangalore trial court

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:...
posted by K.D.N.MOHAMED LEBBAI (RIYADH) [29 September 2014]
IP: 77.*.*.*

Saudi Arabia | Comment Reference Number: 37545

அஸ்ஸலாமு அலைக்கும்

>>>> வாழ்த்துக்கள் <<<<

நம் மரியாதைக்குரிய தலைவி அம்மா அவர்களின் வழியில் வந்த தாங்கள் ....நம் தலைவி அம்மா அவர்களை போன்று ....ஏழை / நடுத்தர மக்களுக்கான பல நல்ல செயல் திட்டங்களை '' தந்து அம்மாவின் ( கனவை ) நினைவை நிறை வேற்றுவீர்கள் என்று தமிழக மக்கள் ரொம்பவும் எதிர் பார்கிறார்கள் ....

அதிக விரைவில் கடவுளின் புண்ணியத்தால் மீண்டும் நல்லதோர் நற் தீர்ப்பின் பயனால் .... நம் மரியாதைக்குரிய தலைவி அம்மா அவர்களின் வருகையும் & மீண்டும் தமிழக முதல்வராக பதவி ஏற்று நல்லதோர் பொன் ஆட்சியை தந்து ..... தமிழக அனைத்து ஏழை ...எளிய ..நடுத்தர மக்களும் பல நல்ல திட்டத்தின் மூலம் பலன்கள் பெறுவார்கள் என்பதும் உறுதியே ....பலதரப்புபற்ற அனைத்து பொது மக்களின் '''' பிராத்தனையும் '' ....எண்ணமும் இதுவே .....

அனைத்து பொது மக்களின் >> பிராத்தனையின் பலன் உண்டு என்பது யாவர்களும் அறிந்ததே .... வஸ்ஸலாம்

K.D.N.MOHAMED LEBBAI

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:...வஞ்சகர்களின் சூழ்ச்சி அழியட்டும்
posted by Refaye (Abudhabi) [29 September 2014]
IP: 217.*.*.*

United Arab Emirates | Comment Reference Number: 37548

அரசியலில் ஆயிரம் கருத்து வேறுபாடுகள் இருந்தாலும்.அம்மாவின் அரசியல் கட்டமைப்பும்,அக்கட்சின் கட்டுக்கோப்பும் மிகவும் பாராட்ட படக்கூடிய ஒன்று.எத்தனை பிரச்சினைகள் வந்த போதும் தம் தலைமை சிறைச்சாலையில் தரும் ஆலோசனைகளை அப்படியே பக்தியோடு ஏற்று அம்மாவின் அமைச்சர் முதல் அடிமட்ட தொண்டன் வரை அம்மாவின் புகழ் கெடாமல் பாதுகாத்து வருவதே இநேரத்தில் மிக முக்கியமான ஒன்று,இதுவே அம்மாவுக்கும் விருப்பமாய் இருக்கும், கயவர்கள் கால் ஊன்ற துடிக்கும் இந்நிலையை சிறைச்சாலை கம்பிக்குள் அம்மா சிறைபிடிப்பார்கள் அந்தகாலம் வெகு தொலைவில்இல்லை.

வஞ்சகர்களின் சூழ்ச்சி அழியட்டும்.

நான் பொதுவான கருத்தை தந்தமைக்காக என்னை எந்த அரசியலோடும் ஒப்பிக்க வேண்டாம் நான் அரசியலுக்கு அப்பாற்பட்டவன்.

A.R.Refaye-Abudhabi

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:...
posted by P.S. ABDUL KADER (KAYALPATNAM) [30 September 2014]
IP: 180.*.*.*

India | Comment Reference Number: 37550

கடைகோடி தொண்டனுக்கும் முதலமைச்சர் பதவியையும், அமைச்சர் பதவியையும் தூக்கிக்கொடுத்த நம் தலைவி, மக்கள் முதல்வர் சிறையில் இருக்க நாம் மட்டும் பதவி ஏற்கிறோமே என நினைத்து அழும் அதிமுக அமைச்சர்கள் அனைவர்களுக்கும் வாழ்த்துக்கள்.

மக்களுக்கு தெரியும் எது உண்மை? எது பொய் என்று.

தர்மத்தின் வாழ்வுதனை சூது கவ்வும்
தர்மம் மறுபடியும் வெல்லும்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்