IP: 37.*.*.* Saudi Arabia

முன்பு ஊரில் மழை என்று செய்தியை படித்தால் ஆனந்தமாக இருக்கும். இன்றோ பயமாகவும் கவலையுமாக உள்ளது. கடந்த மாதம் கொட்டி தீர்த்த மழையின் பாதிப்பில் இருந்து இன்னும் நம் ஊர் மீளவில்லை.

எங்கும் தண்ணீர், சகதி, குண்டு குழியுமான தெரு, சாக்கடை நாற்றம், குப்பை கூளங்கள். பல இடங்களில் முழங்காலுக்கு மேலே தண்ணீர். ஜும்மாவிற்கு கூட ஒரு நல்ல ஆடை அணிந்து செல்ல முடியவில்லை. எந்த இடத்தில பெரிய குழி இருக்கும் என்று தெரியாமல் பயத்துடன் வண்டி ஓட்ட வேண்டியது உள்ளது.

நான்கு சக்கர வாகனத்திற்கு குறைவான வண்டியில் சென்றால் முழங்கால், ஆடைகள் சாக்கடை நீரில் கண்டிப்பாக நனைவது கியாரண்டி.

வழமையாக செல்லும் பாதையில் அதிக நீர் இருந்ததால், அறியாத தெரு வழியாக சென்று, மழை நீர் தேங்கிய சாலையில், பெரும் குழியில் விழுந்து, சமாளித்து , ஆடைகள் நனைந்து,மீண்டும் புதிய ஆடை அணிந்து சென்ற அனுபவம் புதுசு.

ஆழம் தெரியாமல் காலை விடாதே, தெரியாத சீதேவியை விட தெரிந்த மூதேவி சிறந்தது போன்ற பழமொழிகளுக்கு புதுப் புது அர்த்தங்கள் கிடைத்தன.

தொழுகைக்கு உளு செய்யும் போது பலமுறை காலை கழுவும் ஒசுவாசு நண்பனுடன் வெளியில் சென்று, அவனுடைய செயல்களை கண்டு வந்த அந்த தருணங்களை நினைத்து இன்னும் சிரிக்கின்றேன். அதிலும் உவ்வே .. உவ்வே.. அசிங்கம், நஜீஸ் என்று சொல்லிக்கொண்டு சகதி தண்ணீரில் நடந்து வர, அதே சமயம் கோமான் தெரு கந்தூரிக்கு கொடி ஏற்ற வந்த யானை ஆறு ஏழு உருண்டை கக்காவை அந்த இடத்தில தொப்பு தொப்பு என்று போட, நண்பன் வந்த வருத்தை பார்க்கணுமே..!! யானை உடைய பல தலைமுறையை திட்டி தீர்த்து விட்டான்.

வல்ல அல்லாஹ் நம் ஊருக்கு பிரயோசனமான மழையை தருவானாக.

சாளை S.I.ஜியாவுத்தீன், அல்கோபார்