IP: 2.*.*.* Saudi Arabia

மிக துயரமான செய்தி

தமிழ் மீது ஆசையை ஏற்படுத்திய நல்லாசான்

கனீரென்ற குரலில்

" உறங்குகின்ற கும்பகர்ண உங்கள் மாய வாழ்வெல்லாம்
இறங்குகின்ற தின்றுகாண் எழுந்திராய் எழுந்திராய்;
கரங்கு போல விற்பிடித்த காலதூதர் கையிலே
உறங்குவாய் உறங்குவாய் இனிக் கிடந்துறங்குவாய்"

என்று அவர் சொல்லியது இன்றும் காதில் ரீங்க்காரமிட்டுக் கொண்டிருக்கிறது.

தூத்துக்குடி, திருநெல்வேலி என்று பேச்சுப் போட்டிக்கும், கட்டுரைப் போட்டிகும் ஐயா அவர்களுடன் சென்றது வாழ்க்கையின் முக்கிய தருணங்கள்.

அன்னாரை இழந்து வாடும் அவரது குடும்பத்தினருக்கு இறைவன் பொறுமையை தருவானாக.

ஹைதர் அலி
ரியாத்

IP: 93.*.*.* Romania

எனது தமிழ் ஆசான் ஜோசப் சார் அவர்களின் மரணம் அறிந்து மிகுந்த அதிர்ச்சியும், கவலையும் அடைந்தேன். அவர் பாடம் நடத்தும் பாங்கு மிக இனிமையாக இருக்கும்.

எனக்கு பேச்சுபோட்டியில், கட்டுரை போட்டியில் கலந்துகொள்ள குறிப்பு எடுத்து தருபவராக இருந்தவர்களில் முதன்மையானவர் ஜோசப் சார் என்பதில் இந்நேரம் நன்றியுடன் நினைத்து பார்கிறேன்.

அன்னாரின் குடும்பத்தினர் யாவருக்கும் எனது ஆழ்ந்த இரங்கலை தெரிவித்துகொள்கிறேன்.

IP: 176.*.*.* Saudi Arabia

அருமையான ஆசிரியர் , சிரித்த முகத்துக்கு சொந்தகாரர் ஜோசப் சார் அவர்கள் , அன்னாரின் குடும்பத்திற்கு அவர்களின் மாணவனாக எனது ஆழ்ந்த அனுதாபத்தை தெரிவித்து கொள்கிறேன்...

ஒரு சிறிய நினைவு.1986..

ஒருநாள் அவர்கள் எங்களுக்கு தமிழ் வகுப்பு எடுத்து கொண்டு இருந்தார்கள் , அப்போது எங்களை எழுத சொன்னார்கள்.... எழுதுவதில் சந்தேகம் வர ஒருமாணவன் எழுந்து சார் - எந்த "லா" போடுவது என்று கேட்டான் - அப்போது ஜோசப் சார் அவர்கள் ஏலே "பழத்துக்கு" வரும் "லா" போடுலே என்றார்...... அப்போது நான் எழுத்து சார் "கோழிகூட்டு " பழத்துக்கு வரும் "லா' வா? இல்லை "நாட்டு பழத்துக்கு வரும் லா வா" ? என்று கிண்டலாக கேட்டேன் - என்னை கிளாசில் இருந்து அடித்து துரத்தி விட்டார்.. பசுமையான நினைவுகள்... மீண்டும் சேர்த்துக்கொண்டார்..

உயர்த்து விட்டோம் நீங்கள் கொடுத்த கல்வியால்... உயிர் உள்ளவரை நினைப்போம் ஆசிரியர்களை...

IP: 112.*.*.* Sri Lanka

அன்புமிக்க ஒரு ஆசான்."ஈட்டி எட்டின மட்டும் பாயும், பணம் பாதளம் வரைக்கும் பாயும் "அவர் சொன்ன இந்த வரிகள் இன்றும் என் காதுகளில் ஒலித்து கொண்டே இருக்கின்றது.

IP: 14.*.*.* Hong Kong

Very sad to know about Joesph sir's death. I remember him saying that "Do not throw curry leaves out of your food instead eat them as it has got health benefits"

IP: 163.*.*.* Japan

நல்லதொரு ஆசானை இழந்துள்ளோம். இவர் போன்றவரையெல்லாம் இக்காலத்தில் தேடித்தான் பெற வேண்டும்.

தமிழ்வழி வகுப்புகள் 3 பிரிவுகள் இருக்கும். ஆங்கில வழி வகுப்பு ஒரு பிரிவு. தமிழ் வழி வகுப்பு ஒவ்வொன்றுக்கும் ஒரு தமிழாசிரியர் இருப்பார். ஆங்கில வழியில் கற்கும் மாணவர்களை - மொத்தம் 30 பேர் எனில், பத்துப்பத்தாகப் பிரித்து, 3 தமிழ் வழி வகுப்புகளுக்கும் அனுப்பி விடுவார்கள், தமிழ் பாடத்தின்போது...

அவ்வாறாக, 06 முதல் 08ஆம் வகுப்பு வரை ஜோஸப் சார், பண்டிட் நாராயணன் சார், நேசமணி சார் ஆகியோரிடம்தான் தமிழ் கற்றேன். முதலிருவரிடமும் கூடுதல் வகுப்புகள் பாடம் பயின்றுள்ளேன். அவர்களுள்ளும் ஜோஸப் சாரிடம் கூடுதலாகப் பயின்றுள்ளேன்.

எனக்குப் பிடித்த (நான் பாஸ் மார்க் எடுத்த) இரண்டே பாடங்கள் ஒன்று தமிழ், மற்றொன்று ஆங்கிலம். தமிழுக்கு ஜோஸப் சார், நாராயணன் சார் என்றால், ஆங்கிலத்திற்கு மறைந்த திருமலை சார்.

பாடங்களைத் தாண்டி, இப்பெருமக்களிடம் நாங்கள் கடமையுணர்ச்சி, நேரந்தவறாமை, வாய்மை என பலவற்றைக் கற்றோம். தமிழாசிரியர்கள் இருவரிடமும் கூடுதலாக கண்ணியமான கேலி - கிண்டல்களையும் நன்கு கற்றோம்.

ஒரு வகுப்பில் ஜோஸப் சார் எங்களுக்கு செய்யுள் பாடம் எடுத்துக்கொண்டிருப்பார் - அவரது பாணியில்... அடுத்த வகுப்பில் பண்டிட் நாராயணன் சார் உரைநடை எடுப்பார்... ஜோஸப் சார் செய்யுள் பாடல் படிப்பதை அவர் அவருக்கேயுரிய தொணியில் நக்கல் செய்வார்... ஜோஸப் சார் இங்கிருந்து அதற்கு விடையளிப்பார்... இருவருமே நேருக்கு நேர் பேசாமல், வகுப்பிலிருக்கும் மாணவர்களிடம் பேசுவது போலவே சிலேடையாகப் பேசிக்கொள்வர்.

அந்த வேடிக்கை நிகழ்ச்சியிலும் கூட நாங்கள் நிறைய கற்றோம். ஆம்! ஒருவரைக் கேலி செய்வதற்குக் கூட என்ன அளவுகோல் என்பதற்கு அந்நிகழ்ச்சி முக்கிய சான்றாகும்.

என் மானசீக மரியாதைக்குரிய ஜோஸப் சார் அவர்களின் இழப்பால் வாடும் குடும்பத்தார் யாவருக்கும் இறைவன் நல்ல பொறுமையை வழங்கியருள்வானாக...

IP: 95.*.*.* Romania

கவலையான செய்தி.

கருத்த மேனி, தடித்த உருவம், கம்பீர தோற்றம், சிம்மக் குரல், இலகிய மனது, சிரித்த முகம், அழகாக ராகத்துடன் படி பாடம் நடத்தும் பாங்கு... இப்படி இவர்களை நினைவு கூர்ந்து கொண்டே செல்லலாம்.

ஆசான் அவர்களின் மறைவால் துயரத்தில் வாடும் குடும்பத்தாருக்கு ஆழ்ந்த வருத்தத்தை தெரிவிதுக் கொள்கிறேன்.

சாளை S.I.ஜியாவுத்தீன், அல்கோபார்

IP: 2.*.*.* United Arab Emirates

எனக்கு பிடித்த ஆசிரியர் ஜோசப் சார்... நாங்கள் படிக்கும் போது எங்களுக்கு நல்ல ஆசானகவும் நல்ல நண்பராகவும் திகழ்ந்தவர் .... கைகளுக்கிடையில் கருப்பு பேக்கை வைத்திருக்கும் நபர்களை பார்க்கும் போதெல்லாம் என் நினைவில் வந்து செல்பவர் ஜோசப் சார் தான்... எல்லோரிடமும் நகைச்சுவையாக பேசக் கூடியவர் ....

அன்னாரின் குடும்பத்தினர் யாவருக்கும் எனது ஆழ்ந்த இரங்கலை தெரிவித்துகொள்கிறேன்

IP: 182.*.*.* India

கேட்கவே மிகவும் துயரமாக உள்ளது.

ஒரு மொழியை கற்பதினூடே ரசிக்கவும் முடியும் என்ற உறுதியான நம்பிக்கையை எமது உள்ளத்தில் விதைத்தவர் ஜோசெப் சார் அவர்கள்.

அவரது வகுப்பு நேரம் வந்தாலே வாடிப்போன முகாம்கள் செழிப்புறும்.

அவரும் சிரிப்பார். அனைவரும் சிரிப்பர். வகுப்பின் முடிவில் நல்லதொரு தமிழ் பாடம் நடத்தப்பட்டிருக்கும். என்னே அருமை அது!

இழந்துவிட்டோம் சார் உங்களை. பிரிவால் வாடும் குடும்பத்தவர்களுக்கு எங்களின் ஆழ்ந்த இரங்கலை தெரிவித்துக் கொள்கிறோம்.

மிக்க கவலையுடன்,
எஸ்.கே.ஷமீமுல் இஸ்லாம்.