{ முகநூல் கருத்துக்கள்}{ட்விட்டர் கருத்துக்கள்}

ஐக்கிய ராஜ்ய காயல் நல மன்றத்தின் 12ஆவது பொதுக்குழுக் கூட்டம் மற்றும் குளிர்கால குடும்ப ஒன்றுகூடல் நிகழ்ச்சி, 28.11.2015 சனிக்கிழமையன்று நடைபெறவுள்ளது. இக்கூட்டத்தில் பங்கேற்க காயலர்களுக்கு அழைப்பு விடுத்து, அம்மன்றத்தின் துணைத்தலைவர் ஹாஃபிழ் அப்துல் மத்தீன் லபீப் வெளியிட்டுள்ள அறிக்கை:-

ஐக்கிய ராஜ்ஜிய காயல் நல மன்றத்தின் 12-வது பொதுக்குழு மற்றும் குளிர் கால குடும்ப ஒன்றுகூடல் நிகழ்ச்சி , இன்ஷா அல்லாஹ் வருகின்ற நவம்பர் மாதம் 28ஆம் தேதி, நார்த்ஹாம்ப்டன் மாநகரில் அமைந்துள்ள வூட்டன் சமுதாய கூடத்தில், காலை 10.00ணி முதல் மாலை 05.00 மணி வரை நடத்த ஏற்பாடு செய்யப்பட்டுள்ளது அல்ஹம்துலில்லாஹ்..

இடம்:


Wooton Community and Sports Centre
Curtlee Hill, Wooton,
Northampton, NN4 6ED

இன்ஷாஅல்லாஹ் நடைபெறவிருக்கும் இக்கூட்டத்தை மேலும் மெருகூட்டும் வகையில் நமது மன்ற உறுப்பினர்கள் பங்கேற்கும் பல்வேறு போட்டிகள் மற்றும் நிகழ்சிகள் ஏற்பாடு செய்யப்பட்டுள்ளன.

வினாடி-வினா போட்டி,
காயல் மரபுச் சொல் போட்டி,
புகைப்படங்கள் மூலம் காயல் சொல் போட்டி,
குழந்தைகளுக்கான விளையாட்டுப் போட்டிகள்,
ஆண்கள் -பெண்களுக்கான ‘120 வினாடி தொடர் பேச்சுப்போட்டி',

சிறந்த தம்பதிகளுக்கான போட்டி
மருத்துவர்களின் கேள்வி - பதில் நிகழ்ச்சி மற்றும்
வெளிப்புற விளையாட்டுப் போட்டிகளுக்கும் (outdoor games) ஏற்பாடு செய்யப்பட்டுள்ளது.

இயந்திரத்தனமான நகர வாழ்க்கையின் பரபரப்பை மறந்து மகிழ்வுற்றிப்பதற்காக, இந்த அரிய வாய்ப்பை மன்ற உறுப்பினர்கள் அனைவரும் தவறாமல் பயன்படுத்திக்கொள்ளும் பொருட்டு அத்தேதியில் உங்களின் அனைத்து சொந்த வேலைகளுக்கும் மாற்று ஏற்பாடுகள் செய்துவிட்டு, கூட்டத்தில் முழுமையாகக் கலந்து மகிழவும், மகிழ்விக்கவும் அன்புடன் அழைக்கின்றோம்.

இப்பொதுக்குழுவின் உள்ளூர் பிரதிநிதியாக மன்றத்தின் பொருளாளர் குளம் சதகதுல்லாஹ் அவர்கள் செயல்படுவார்கள் என்பதை தெரிவித்து கொள்கின்றோம்.

உங்கள் யாவருக்கும் கருணையுள்ள அல்லாஹ் நல்லருள் புரிவானாக ஆமீன்....

மேலதிக தொடர்புகளுக்கு எங்களது இணையதளம் (www.kayalpatnam.org.uk) அல்லது மின்னஞ்சல் (uk@kayalpatnam.org.uk) மூலம் தொடர்பு கொள்ளவும்....

இவ்வாறு அந்த அறிக்கையில் தெரிவிக்கப்பட்டுள்ளது.

ஐக்கிய ராஜ்ய காயல் நல மன்றம் தொடர்பான முந்தைய காண இங்கே சொடுக்குக!