{ முகநூல் கருத்துக்கள்}{ட்விட்டர் கருத்துக்கள்}

சீஷெல்ஸ் நாட்டில் நடைபெற்ற சர்வதேச மாரத்தான் நீள்ஓட்டப் போட்டியில், காயலரான பத்ர் ஸுலைமான் ஏழாவது இடத்தைப் பெற்று சாதனை புரிந்துள்ளார். விரிவான விபரம்:-

காயல்பட்டினம் மரைக்கார் பள்ளித் தெருவைச் சேர்ந்த அபூ முஹம்மத் என்பவரது மகன் பத்ர் ஸுலைமான் (வயது 36) – சீஷெல்ஸ் நாட்டில் பணிபுரிகிறார். மாரத்தான் நீள்ஓட்டப் போட்டி ஆர்வலரான இவர், பல்வேறு இடங்களில் நடைபெற்ற புகழ்பெற்ற மாரத்தான் போட்டிகளில் பங்கேற்று வருகிறார்.

26.02.2017. அன்று சீஷெல்ஸ் நாட்டில் Seychelles Eco - Friendly Marathon எனும் தலைப்பில் நடைபெற்ற மாரத்தான் நீள்ஓட்டப் போட்டியில் பெருந்திரளான பங்கேற்பாளர்களுடன் காயலரான பத்ர் ஸுலைமானும் கலந்துகொண்டார்.



காட்டுப் பகுதியில் ஓட வேண்டிய இப்போட்டியின் 42.195 கிலோ மீட்டர் தொலைவை, இவர் 3 மணி நேரம், 42 நிமிடங்கள், 02 விநாடிகளில் கடந்து, ஏழாம் இடத்தைப் பெற்று சாதனை புரிந்துள்ளார்.





இவர் இத்துடன் நான்காவது முறையாக மாரத்தான் போட்டியில் பங்கேற்றுள்ளார். இதற்கு முன், இலங்கை தலைநகர் கொழும்புவில் 2014ஆம் ஆண்டு அக்டோபர் 05இல் நடைபெற்ற - சர்வதேச 14ஆவது மாரத்தான் நீள்ஓட்டப் போட்டியில் கலந்துகொண்டமை குறிப்பிடத்தக்கது.

தகவல் & படங்கள்:
ஐக்கிய அரபு அமீரகம் - துபையிலிருந்து...
A.H.முஹம்மத் ஸிராஜுத்தீன்