{ முகநூல் கருத்துக்கள்}{ட்விட்டர் கருத்துக்கள்}

தூத்துக்குடி மாவட்ட ஆட்சியர் உத்தரவின் படி, மாவட்டம் முழுக்க - தடை செய்யப்பட்ட ப்ளாஸ்டிக் பொருட்கள் குறித்த விழிப்புணர்வு நிகழ்ச்சிகளும், திடீர் சோதனைகளும் பரவலாக நடத்தப்பட்டு வந்தது.

காயல்பட்டினம் நகராட்சியின் சார்பில், நேற்று (28.02.2017. செவ்வாய்க்கிழமை) தடை செய்யப்பட்ட ப்ளாஸ்டிக் பொருட்கள் திடீர் சோதனை – நகராட்சியின் சுகாதார ஆய்வாளர் எஸ்.பொன்வேல்ராஜ் தலைமையில், காயல்பட்டினத்திலுள்ள பல்வேறு வணிக நிறுவனங்களில் மேற்கொள்ளப்பட்டது.

சுமார் 45 கடைகளில் மேற்கொள்ளப்பட்ட இச்சோதனையின் நிறைவில் சில கடைகளிலிருந்து 7 கிலோ - தடை செய்யப்பட்ட ப்ளாஸ்டிக் பொருட்கள் கைப்பற்றப்பட்டு, அவர்களுக்கு மொத்தம் 2 ஆயிரம் ரூபாய் அபராதமும் விதிக்கப்பட்டுள்ளது. அபராதம் விதிக்கப்பட்ட கடைகளில், “இங்கு தடை செய்யப்பட்ட ப்ளாஸ்டிக் பொருட்கள் விற்கவோ, வினியோகிக்கவோ படாது” என்ற வாசகம் அடங்கிய பதாகையும் நகராட்சியால் தொங்கவிடப்பட்டுள்ளது.





நகராட்சி துப்புரவுப் பணி மேற்பார்வையாளர் லட்சுமி, ஓட்டுநர் ராதாகிருஷ்ணன் ஆகியோர் இதன்போது உடனிருந்தனர்.

இவ்வகையான திடீர் சோதனை நகரில் இனி அடிக்கடி நடத்தப்படும் என்றும், வணிகர்கள் - தடை செய்யப்பட்ட ப்ளாஸ்டிக் பொருட்களை வாடிக்கையாளர்களுக்கு வழங்காமலும், வாடிக்கையாளர்கள் சிரமம் பாராமல் துணிப் பைகளைக் கொண்டு சென்று பொருட்களை வாங்கிக்கொள்ளுமாறும், சுகாதார ஆய்வாளர் கேட்டுக்கொண்டுள்ளார்.