{ முகநூல் கருத்துக்கள்}{ட்விட்டர் கருத்துக்கள்}

பாளையங்கோட்டையில் நடைபெற்ற மாநில அளவிலான ஓவியப் போட்டியில் காயல்பட்டினம் எல்.கே.மெட்ரிகுலேஷன் மேனிலைப் பள்ளியின் மாணவி முதலிடம் பெற்றுள்ளார். விரிவான விபரம்:-

நெல்லை மாவட்டம் பாளையங்கோட்டையில் இயங்கி வரும் THE BROTHERS UNION நிறுவனத்தின் பவள விழாவை முன்னிட்டு, அதன் சார்பில் – மாநில அளவிலான கட்டுரை, கவிதை, ஓவியப் போட்டிகள் இம்மாதம் 08, 09 ஆகிய இரு நாட்களில் நடத்தப்பட்டன.

மாநிலத்தின் பல்வேறு பகுதிகளைச் சேர்ந்த பள்ளி மாணவ-மாணவியர் பங்கேற்ற இப்போட்டிகளில், காயல்பட்டினம் எல்.கே.மெட்ரிகுலேஷன் மேனிலைப் பள்ளி மாணவியரும் பங்கேற்றனர். ஓவியப் போட்டியில், அப்பள்ளியின் பத்தாம் வகுப்பு மாணவி எஸ்.எல்.ஜுலைஹா அஃப்ரா முதலிடத்தை வென்றுள்ளார். இதற்காக அவருக்கு விருதும், 1500 ரூபாய் பணப்பரிசும் வழங்கப்பட்டது.

சாதனை மாணவியை, பள்ளியின் தலைமையாசிரியை மீனா சேகரும், ஆசிரியையரும் பாராட்டினர்.