{ முகநூல் கருத்துக்கள்}{ட்விட்டர் கருத்துக்கள்}

ஹஜ் பயணியருக்கான ஹஜ், உம்றா, ஜியாரத் வழிகாட்டு நிகழ்ச்சி காயல்பட்டினம் முஅஸ்கர் மகளிர் அரபிக்கல்லூரியில் வரும் திங்கட்கிழமை மாலை நடைபெறுகிறது.

இவ்வாண்டு புனித ஹஜ் பயணம் மேற்கொள்ளவுள்ள ஆண் - பெண் ஹாஜிகளுக்கு காயல்பட்டினம் முஅஸ்கர் மகளிர் அரபிக்கல்லூரியில், வழமை போல இவ்வாண்டும் வரும் திங்கட்கிழமை (27.09.2010) மாலை 05.00 மணிக்கு, ஹஜ், உம்றா, ஜியாரத் வழிகாட்டு நிகழ்ச்சி நடத்தப்படவுள்ளது.

காயல்பட்டினம் அல்ஜாமிஉல் கபீர் - பெரிய குத்பா பள்ளியின் கத்தீபும், முஅஸ்கர் மகளிர் அரபிக்கல்லூரியின் நிறுவனருமான மவ்லவீ ஹாஃபிழ் எச்.ஏ.அஹ்மத் அப்துல் காதிர் மஹ்ழரீ இந்நிகழ்ச்சியில், ஹஜ் பயணியருக்கு வழிகாட்டு உரை நிகழ்த்தவுள்ளார்.

நிகழ்ச்சியில் கலந்துகொள்வதற்காக, காயல்பட்டினம் நகரின் ஆண் - பெண் ஹஜ் பயணியருக்கு தனித்தனியே இட வசதி செய்யப்பட்டுள்ளதாகவும், இவ்வாண்டு புனித ஹஜ் பயணம் மேற்கொள்ளவுள்ள ஹாஜிகள் அனைவரும் இந்த வாய்ப்பைப் பயன்படுத்திக் கொள்ளுமாறும் கல்லூரி நிர்வாகம் சார்பில் கேட்டுக்கொள்ளப்பட்டுள்ளது.